ಡಿಜಿಟಲ್ ಕರೆನ್ಸಿಯಲ್ಲಿ ಈಗ ಖಾಸಗಿ ಕಂಪನಿಗಳ ಬಿಟ್ ಕಾಯಿನ್ಗಳು ಚಲಾವಣೆಯಲ್ಲಿದ್ದು, ಇದು ಅನಿಯಂತ್ರಿತ ಆಗಿದೆ. ಹೀಗಾಗಿ ಸರ್ಕಾರವೇ ಕೇಂದ್ರೀಯ ಬ್ಯಾಂಕ್ ಮೂಲಕ ಅಧಿಕೃತವಾಗಿ ಸೆಂಟ್ರಲ್ ಬ್ಯಾಂಕ್ ಡಿಜಿಟಲ್ ಕರೆನ್ಸಿಯನ್ನು (ಸಿಬಿಡಿಸಿ) ಚಲಾವಣೆಗೆ ತರಲಿದೆ ಎಂದು ಬಜೆಟ್ ಮಂಡಿಸಿದ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದ್ದರು. ಕಾನೂನು ಬದ್ಧವಾದ ಈ ಡಿಜಿಟಲ್ ಕರೆನ್ಸಿಯು ಕ್ರಾಂತಿಕಾರಕ ಬದಲಾವಣೆಗೆ ತರಲಿದೆ. ಜತೆಗೆ ಬ್ಲಾಕ್ಚೈನ್ ಮತ್ತು ತಂತ್ರಜ್ಞಾನ ಆಧಾರಿತವಾದ ಇದು, ಕರೆನ್ಸಿ ನಿರ್ವಹಣಾ ವ್ಯವಸ್ಥೆಯ ಖರ್ಚನ್ನು ತಗ್ಗಿಸಲಿದೆ. ಇದರ ರೂಪರೇಷೆ, ಕಾನೂನು ಚೌಕಟ್ಟುಗಳು ಅಂತಿಮಗೊಳ್ಳಬೇಕಿದೆ ಎಂದು ನಿರ್ಮಲಾ ತಿಳಿಸಿದ್ದರು.
