ದೀಪಿಕಾ ಪಡುಕೋಣೆ ತೊಟ್ಟ ಸೀರೆಯನ್ನು ತಯಾರಿಸಲು ಬೇಕಾಯ್ತು 3,400 ಗಂಟೆಗಳು ! ಈ ಸೀರೆ ಸಖತ್​ ದುಬಾರಿ..

ಮುಂಬೈ: ನಟಿ ದೀಪಿಕಾ ಪಡುಕೋಣೆ ಇತ್ತೀಚಿನ ಫೋಟೋಶೂಟ್‌ನ ಕೆಲವು ಚಿತ್ರಗಳನ್ನು ಇನ್​ಸ್ಟಾಗ್ರಾಮ್​​ನಲ್ಲಿ ಹಂಚಿಕೊಂಡಿದ್ದಾರೆ. ಫೋಟೋಗಳಲ್ಲಿ, ಅವರು ನೇರಳೆ ಬಣ್ಣದ ಸೀರೆಯನ್ನು ಧರಿಸಿರುವುದನ್ನು ಕಾಣಬಹುದು. ಈ ಫೋಟೋ ವೈರಲ್​ ಆಗುತ್ತಿದ್ದಂತೆ ನಟಿ ಸೀರೆ ಬೆಲೆ ಹಾಗೂ ಈ ಸೀರೆ ತಯಾರಿಕೆಗೆ ಡಿಸೈನರ್​ ತೆಗೆದುಕೊಂಡ ಸಮಯದ ಕುರಿತಾಗಿ ಸೋಶಿಯಲ್​​ ಮೀಡಿಯಾದಲ್ಲಿ ಚರ್ಚೆ ಶುರುವಾಗಿದೆ.

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಸಂಗೀತ ಪಾರ್ಟಿಗೆ ಬಂದಿದ್ದ ದೀಪಿಕಾ ಪಡುಕೋಣೆ ನೇರಳೆ ಬಣ್ಣದ ಸೀರೆಯಲ್ಲಿ ಕ್ಯಾಮೆರಾ ಮುಂದೆ ಪೋಸ್ ನೀಡುತ್ತಿರುವಾಗ ಡಿಪಿ ತನ್ನ ಮಗುವಿನ ಬಂಪ್ ಅನ್ನು ತೋರಿಸುತ್ತಿರುವುದು ಕಂಡುಬಂದಿದೆ.

ದೀಪಿಕಾ ತೊಟ್ಟ ಈ ಸೀರೆಯನ್ನು ತಯಾರಿಸಲು 3,400 ಗಂಟೆಗಳು ತೆಗೆದುಕೊಳ್ಳಲಾಗಿದೆ ಅಂತೆ. ದೀಪಿಕಾ ಪಡುಕೋಣೆ ಅವರ ಸುಂದರವಾದ ನೇರಳೆ ಸೀರೆ ಸಖತ್​​ ಕ್ಲಾಸಿಯಾಗಿದೆ. ಈ ಸೀರೆಯ ಫ್ಯಾಬ್ರಿಕ್ ಆರ್ಗನ್ಜಾ ಮತ್ತು ಜೆನ್ನಿ ಸಿಲ್ಕ್ ಆಗಿದೆ. ಸೀರೆಯು ಕೈಯಿಂದ ಕಸೂತಿ ಮಾಡಲ್ಪಟ್ಟಿದೆ, ಇದು ತಯಾರಿಸಲು ಸುಮಾರು 3,400 ಗಂಟೆಗಳನ್ನು ತೆಗೆದುಕೊಳ್ಳಲಾಗಿದೆ. ಇದು ಮುತ್ತುಗಳು, ಜರಿ ಮತ್ತು ದಾರದ ಅಲಂಕಾರಗಳನ್ನು ಹೊಂದಿದೆ, ಇದು ಸೀರೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ದೀಪಿಕಾ ಪಡುಕೋಣೆ ಆಳವಾದ ನೆಕ್‌ಲೈನ್, ಉದ್ದದ ತೋಳಿರುವ ಮ್ಯಾಚಿಂಗ್ ಬ್ಲೌಸ್ ಅನ್ನು ಧರಿಸಿದ್ದರು. ಮುತ್ತುಗಳಿಂದ ಮಾಡಿದ ಚೋಕರ್ ನೆಕ್ಲೇಸ್ ಮತ್ತು ಹೊಂದಾಣಿಕೆಯ ಕಿವಿಯೋಲೆಗಳೊಂದಿಗೆ ನಟಿ ಸಖತ್​ ಕ್ಲಾಸಿಯಾಗಿ ಕಾಣಿಸಿಕೊಂಡಿದ್ದಾರೆ.

ದೀಪಿಕಾ ಪಡುಕೋಣೆ ಸೀರೆಯ ಬೆಲೆ 1,39,500 ಮತ್ತು ರವಿಕೆ 46,500 ರೂ. ಅಂಡರ್ ಸ್ಕರ್ಟ್ (ಪೆಟ್ಟಿಕೋಟ್) ಬೆಲೆ 7,500. ಎನ್ನಲಾಗಿದೆ. ಈ ಸೀರೆ ಡಿಸೈನ್​​ ಮಾಡಲು ವಿಶೇಷವಾಗಿ ಸುಮಾರು 3,400 ಗಂಟೆಗಳನ್ನು ತೆಗೆದುಕೊಳ್ಳಲಾಗಿದೆ. ಇದು ಮುತ್ತುಗಳು, ಜರಿ ಮತ್ತು ದಾರದ ಅಲಂಕಾರಗಳನ್ನು ಹೊಂದಿದೆ, ಜಾಕೆಟ್​​ ಅನ್ನು ರಜಪೂತರ ಕಾಲದ ಚನಿಯಾ ಚೋಲಿ ಸಂಸ್ಕೃತಿಯನ್ನ ಹೋಲುವಂತೆ ತಯಾರು ಮಾಡಲಾಗಿದೆ ಎಂದು ತಿಳಿದು ಬಂದಿದೆ. ಇದು ಸೀರೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ. 

ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ 6 ವರ್ಷಗಳಿಗೂ ಹೆಚ್ಚು ಕಾಲ ಡೇಟಿಂಗ್ ಮಾಡಿದ ನಂತರ 2018 ರಲ್ಲಿ ವಿವಾಹವಾದರು. ಅವರ ವಿವಾಹದ 6 ವರ್ಷಗಳ ನಂತರ, ದಂಪತಿ ಈ ವರ್ಷ ಸೆಪ್ಟೆಂಬರ್‌ನಲ್ಲಿ ತಮ್ಮ ಮೊದಲ ಮಗುವನ್ನು ನಿರೀಕ್ಷಿಸುತ್ತಿದ್ದಾರೆ.

https://www.vijayavani.net/ranveer-singh-gives-cutest-answer-when-asked-if-he-wants-a-baby-girl-or-boy