Vettaiyan | ಫಸ್ಟ್​​ ಡೇ.. ಫಸ್ಟ್​​ ಶೋ ನೋಡಿದ ಮಾಜಿ ಅಳಿಯ; ಸಿನಿಮಾ ನೋಡುವ ಮುನ್ನ ಧನುಷ್​​ ಹೇಳಿದ್ದೇನು?

ಚೆನ್ನೈ: ಕಾಲಿವುಡ್​ ಸೂಪರ್​ಸ್ಟಾರ್​​​ ರಜನಿಕಾಂತ್​​ ಮತ್ತು ನಿರ್ದೇಶಕ ಡಿಜೆ ಜ್ಞಾನವೇಲ್ ಕಾಂಬೀನೇಷನ್​ನ ಬಹು ನಿರೀಕ್ಷಿತ ವೆಟ್ಟೈಯಾನ್(Vettaiyan) ಸಿನಿಮಾ ಇಂದು (ಅಕ್ಟೋಬರ್​ 10) ಬಿಡುಗಡೆಯಾಗಿದೆ. ಅಭಿಮಾನಿಗಳ ಸಿನಿಮಾ ನೋಡಿ ಸಂಭ್ರಮಿಸುತ್ತಿದ್ದಾರೆ. ಜತೆಗೆ ರಜನಿಕಾಂತ್​ ಮಾಜಿ ಅಳಿಯ ಧನುಷ್​​ ಕೂಡ ಚಿತ್ರ ವೀಕ್ಷಿಸಿದ್ದಾರೆ.

ಇದನ್ನು ಓದಿ: ಆ ಸಿನಿಮಾದ ಬಳಿಕ 1 ತಿಂಗಳು ಕಷ್ಟವಾಗಿತ್ತು; 2-3 ದಿನ ರೂಮ್​ನಲ್ಲಿ ಕುಳಿತು ಅಳುತ್ತಿದೆ ಎಂದ Triptii Dimri

ವೆಟ್ಟೈಯಾನ್​ ಸಿನಿಮಾ ವೀಕ್ಷಣೆಗೂ ಮುನ್ನ ಧನುಷ್​​​ ಸಾಮಾಜಿಕ ಜಾಲತಾಣದಲ್ಲಿ “#vettaiyan DAY !” #ಸೂಪರ್ ಸ್ಟಾರ್ .. ತಲೈವರ್ ಧರಿಶನಂ.” ಎಂದು ಪೋಸ್ಟ್​ ಮಾಡಿದ್ದಾರೆ.

ಥಿಯೇಟರ್​ ಬಳಿ ಧನುಷ್​ ಕಾರಿನಿಂದ ಇಳಿಯುತ್ತಿದ್ದಂತೆ ಅಭಿಮಾನಿಗಳು ಚಪ್ಪಾಳೆ ತಟ್ಟಿ, ಶೀಟಿ ಹೊಡೆದರು. ಅಭಿಮಾನಿಗಳ ಉತ್ಸಾಹ ನೋಡಿ ಧನುಷ್​​ ಅವರತ್ತ ಕೈಬೀಸಿ ಸಿನಿಮಾ ನೋಡಲು ಹೋದರು. ಈ ವಿಡಿಯೋ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಧನುಷ್ ಮಾತ್ರವಲ್ಲ ಐಶ್ವರ್ಯ ರಜನಿಕಾಂತ್ , ಸೌಂದರ್ಯ ಮತ್ತು ಲತಾ ಅವರು ಸಿನಿಮಾವನ್ನು ಒಂದೇ ಥಿಯೇಟರ್​ನಲ್ಲಿ ವೀಕ್ಷಿಸಲು ಹೋಗುತ್ತಿರುವ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿವೆ.

18 ವರ್ಷಗಳ ದಾಂಪತ್ಯ ಜೀವನಕ್ಕೆ ಗುಡ್​ಬೈ ಹೇಳಿ ಸೂಪರ್​​ ಸ್ಟಾರ್​ ರಜನಿಕಾಂತ್​ ಪುತ್ರಿ ಐಶ್ವರ್ಯಾ ಮತ್ತು ನಾಯಕ ಧನುಷ್​​​​​​ ವಿಚ್ಛೇದನ ಪಡೆಯುತ್ತಿರುವುದು ಗೊತ್ತೆ ಇದೆ. ಒಂದೇ ಥಿಯೇಟರ್ ನಲ್ಲಿ ಐಶ್ವರ್ಯಾ ಹಾಗೂ ಧನುಷ್ ಜೋಡಿಯನ್ನು ನೋಡಿ ಅಭಿಮಾನಿಗಳು ಖುಷಿಯಾಗಿದ್ದಾರೆ. 2004ರಲ್ಲಿ ಮದುವೆ ಧನುಷ್​ ಮತ್ತು ಐಶ್ವರ್ಯಾ ರಜನಿಕಾಂತ್​​​​ ತಾವು ಬೇರ್ಪಡುವುದಾಗಿ 2022ರಲ್ಲಿ ಬಹಿರಂಗಪಡಿಸಿದರು. ಈ ವರ್ಷದ ಏಪ್ರಿಲ್‌ನಲ್ಲಿ ಚೆನ್ನೈ ಕೌಟುಂಬಿಕ ನ್ಯಾಯಾಲಯದಲ್ಲಿ ಪರಸ್ಪರ ಒಪ್ಪಿಗೆಯಿಂದ ಅಧಿಕೃತವಾಗಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದರು. ಇತ್ತೀಚಿನ ವಿಚಾರಣೆಯ ಸಮಯದಲ್ಲಿ ಐಶ್ವರ್ಯಾ ಮತ್ತು ಧನುಷ್ ಇಬ್ಬರೂ ಗೈರುಹಾಜರಾಗಿದ್ದರು. ಬೇರ್ಪಟ್ಟ ಇಬ್ಬರೂ ಮತ್ತೆ ಒಂದಾಗುತ್ತಾರೆ ಎಂದು ಅಭಿಮಾನಿಗಳ ಆಲೋಚನೆಯಾಗಿದೆ.

ಸಿನಿಮಾದಲ್ಲಿ ರಜನಿಕಾಂತ್ ಮತ್ತು ಅಮಿತಾಭ್​​ ಬಚ್ಚನ್ ಜತೆಗೆ ಮಂಜು ವಾರಿಯರ್, ರಿತಿಕಾ ಸಿಂಗ್, ದುಶ್ರಾ ವಿಜಯನ್, ರಾಣಾ ದಗ್ಗುಬಾಟಿ ಮತ್ತು ಫಹದ್ ಫಾಸಿಲ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.(ಏಜೆನ್ಸೀಸ್​​)

https://www.vijayavani.net/hollywood-actress-minnie-driver-says-rrr-is-my-favourite-film