ಹತ್ತು ಲಕ್ಷ ಉದ್ಯೋಗ ಭರ್ತಿ ಜತೆಗೆ, ಸೇನೆಗೆ ಸಂಬಂಧಿಸಿ ಯುವಜನರಿಗಾಗಿ ‘ಅಗ್ನಿಪಥ’ ಎಂಬ ಯೋಜನೆಯನ್ನೂ ಕೇಂದ್ರ ಸರ್ಕಾರ ಈಚೆಗೆ ಪ್ರಕಟಿಸಿತು. ಸೇನೆಯ ಮೂರೂ ಅಂಗಗಳಿಗೆ ಯೋಧರು, ಏರ್ವೆುನ್ ಮತ್ತು ನಾವಿಕರು ಇತ್ಯಾದಿ ವಿಭಾಗಗಳಲ್ಲಿ ಹದಿನೇಳೂವರೆ ವರ್ಷದಿಂದ 21 ವಯೋಮಾನವರೆಗಿನ 46 ಸಾವಿರ ಜನರನ್ನು ನಾಲ್ಕು ವರ್ಷಗಳ ಅಲ್ಪಾವಧಿಗೆ ನೇಮಕ ಮಾಡಿಕೊಳ್ಳುವುದು ಈ ಯೋಜನೆಯ ತಿರುಳು. ಆದರೆ ಈ ಯೋಜನೆಯಿಂದ ಸೇನೆಗೆ ಸೇರಬಯಸುವ ಆಕಾಂಕ್ಷಿಗಳಿಗೆ ಸಮಸ್ಯೆಯಾಗುತ್ತದೆ, ಅವರ ಅವಕಾಶ ಕಸಿದಂತಾಗುತ್ತದೆ. ಅಲ್ಲದೆ, ಸೇನೆಯ ವೃತ್ತಿಪರತೆಯ ಮೇಲೂ ಇದರಿಂದ ಪರಿಣಾಮವಾಗುತ್ತದೆ. ಹೀಗಾಗಿ ಮೊದಲಿನ ನಿಯಮವೇ ಮುಂದುವರಿಯಬೇಕು ಎಂಬ ಆಗ್ರಹ ಕೆಲವೆಡೆ ವ್ಯಕ್ತವಾಗಿದ್ದು, ಪ್ರತಿಭಟನೆಗಳೂ ನಡೆಯುತ್ತಿವೆ.
