ದೆಹಲಿಯ 19 ಕೆಂಪು ವಲಯಗಳು ಹಸಿರು ವಲಯಗಳಾಗಿ ಪರಿವರ್ತನೆ

ನವದೆಹಲಿ: ರಾಷ್ಟ್ರದ ರಾಜಧಾನಿ ದೆಹಲಿಯಲ್ಲಿ ಕರೊನಾ ವೈರಸ್​ ಹಾವಳಿ ನಿಯಂತ್ರಣಕ್ಕೆ ಬರುತ್ತಿದೆ. ಕಳೆದ ನಾಲ್ಕು ದಿನಗಳಿಂದ 19 ವೈರಸ್​ ಸೋಂಕಿತ ಕೆಂಪು ವಲಯಗಳು ವೈರಸ್​ ಮುಕ್ತ ಹಸಿರು ವಲಯಗಳಾಗಿ ಪರಿವರ್ತನೆಗೊಂಡಿವೆ.

ದೆಹಲಿಯ ಅಧಿಕಾರಿಗಳು ಕರೊನಾ ವೈರಸ್​ ಹರಡುವುದನ್ನು ತಡೆಯಲು ಕೈಗೊಂಡ ಕಟ್ಟುನಿಟ್ಟಿನ ಕ್ರಮಗಳಿಂದ ಇದು ಸಾಧ್ಯವಾಗಿದೆ ಎಂದು ಆರೋಗ್ಯ ಇಲಾಖೆಯ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ  ಸ್ಪೈಡರ್​ ಮ್ಯಾನ್​ ಆಗೋಕೆ ವಿಷಕಾರಿ ಜೇಡದಿಂದ ಕಚ್ಚಿಸಿಕೊಂಡ ಮಕ್ಕಳು…!

ಆರಂಭದಲ್ಲಿ ವೈರಸ್​ ತೀವ್ರವಾಗಿ ಹರಡುತ್ತಿತ್ತು. ಅಧಿಕಾರಿಗಳು ಕಟ್ಟುನಿಟ್ಟಿನ ಕ್ರಮ ಜಾರಿಗೊಳಿಸಿದ ನಂತರ ವೈರಸ್​ ಹರಡುವುದು ಕಡಿಮೆಯಾಗಿದೆ.

19 ವಲಯಗಳು ಹಸಿರು ವಲಯಗಳಾಗಿ ಪರಿವರ್ತನೆಗೊಂಡಿದ್ದರೂ ಸರ್ಕಾರ ಲಾಕ್​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿದೆ. ನಗರದಲ್ಲಿ ಇನ್ನು 90 ಕೆಂಪು ವಲಯಗಳು ಇವೆ. ಅಲ್ಲದೆ ಕೆಲವೊಂದು ಹೊಸ ಸ್ಥಳಗಳಲ್ಲಿ ಸೋಂಕು ಹರಡುತ್ತಿರುವ ಹಿನ್ನೆಲೆಯಲ್ಲಿ ಕಟ್ಟುನಿಟ್ಟಿನ ನಿಯಮ ಪಾಲಿಸಲಾಗುತ್ತಿದೆ.

ಇತ್ತೀಚಿನ ದಿನಗಳಲ್ಲಿ ವೈರಸ್​ ಸೋಂಕು ತಗುಲಿರುವ ಪ್ರಕರಣಗಳಲ್ಲಿ ಯಾವುದೇ ಗಂಭೀರತೆ ಇಲ್ಲ. ಹೀಗಾಗಿ ಅಂಥವರನ್ನು ಮನೆಯಲ್ಲೇ ಕ್ವಾರಂಟೈನ್​ ಮಾಡಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಮುಖ್ಯಮಂತ್ರಿ ಅರವಿಂದ್​ಕೇಜ್ರಿವಾಲ್​ ಹೇಳಿದರು. (ಏಜೆನ್ಸೀಸ್​)

https://www.vijayavani.net/if-she-wants-i-can-walk-to-uttar-pradesh/