ಫೇಸ್​ಬುಕ್ ಖಾತೆ ತೊರೆಯಿರಿ, ಇಲ್ಲವೇ ಸೇನೆ ಬಿಡಿ

ನವದೆಹಲಿ: ಫೇಸ್​ಬುಕ್ ಖಾತೆ ತೊರೆಯಿರಿ, ಇಲ್ಲವೇ ಕೆಲಸ ಬಿಡಿ. ಆಯ್ಕೆ ನಿಮ್ಮದು ಎಂದು ದೆಹಲಿ ಹೈಕೋರ್ಟ್ ಬುಧವಾರ ಸೇನಾಧಿಕಾರಿ ಒಬ್ಬರಿಗೆ ಖಡಕ್ ಸೂಚನೆ ನೀಡಿದೆ.

ಫೇಸ್​ಬುಕ್ ಮತ್ತು ಇನ್​ಸ್ಟಾಗ್ರಾಂನಂಥ ಸಾಮಾಜಿಕ ಮಾಧ್ಯಮ ಜಾಲ ವೇದಿಕೆಗಳನ್ನು ಬಳಸುವುದನ್ನು ನಿಷೇಧಿಸಿ ರಕ್ಷಣಾ ಸಚಿವಾಲಯ ಇತ್ತೀಚೆಗೆ ರೂಪಿಸಿದ್ದ ನಿಯಮವನ್ನು ಪ್ರಶ್ನಿಸಿದ್ದ ಲೆಫ್ಟಿನೆಂಟ್ ಕರ್ನಲ್ ಪಿ.ಕೆ. ಚೌಧರಿ ನ್ಯಾಯಾಲಯದ ಕೆಂಗಣ್ಣಗೆ ಗುರಿಯಾಗಿದ್ದಾರೆ. ದೇಶದ ಭದ್ರತೆಯನ್ನು ಗಮನದಲ್ಲಿಟ್ಟುಕೊಂಡು ಸೇನಾ ಸಿಬ್ಬಂದಿ ಸಾಮಾಜಿಕ ತಾಣಗಳನ್ನು ಬಳಸುವುದನ್ನು ನಿಷೇಧಿಸಲಾಗಿದೆ.

ಹೀಗಾಗಿ ಈ ನಿಯಮವನ್ನು ಪಾಲಿಸಬೇಕು ಅಥವಾ ರಾಜೀನಾಮೆ ನಿಡಬೇಕು ಎಂದು ನ್ಯಾಯಮೂರ್ತಿಗಳಾದ ರಾಜೀವ್ ಸಹಾಯ್ ಮತ್ತು ಆಶಾ ಮೆನನ್ ಇದ್ದ ಪೀಠ ಸೂಚಿಸಿದೆ. ಮತ್ತು ಜುಲೈ 21ಕ್ಕೆ ವಿಚಾರಣೆ ಮುಂದೂಡಿಕೆಯಾಗಿದೆ.

https://www.vijayavani.net/is-isha-ambani-will-lead-reliance-foundation-in-coming-days/