'ನಾನು ಏನು ನಡೆಯುತ್ತಿದೆ ಎಂಬುದರ ಸುಳಿವು ನೀಡುತ್ತಿದ್ದೇನೆ. ಯಾರೋ ಟೀ-ಶರ್ಟ್ಗಳನ್ನು ತಯಾರಿಸುತ್ತಿದ್ದು ಅದರಲ್ಲಿ ಅಮಿತಾಭ್ ಬಚ್ಚನ್ ಮುಖವನ್ನು ಹಾಕಲು ಪ್ರಾರಂಭಿಸಿದ್ದಾರೆ. ಇನ್ಯಾರೋ ಅವರ ಪೋಸ್ಟರ್ಅನ್ನು ಮಾರುತ್ತಿದ್ದಾರೆ, ಯಾರೋ ಹೋಗಿ amitabhbacchan.com ಎಂಬ ಡೊಮೇನ್ ನೇಮ್ ನೋಂದಾಯಿಸಿದ್ದಾರೆ. ಇದರಿಂದಾಗಿ ಅಮಿತಾಭ್ ಬಚ್ಚನ್ ತೊಂದರೆಗೆ ಒಳಗಾಗುತ್ತಾ ಇರುವುದರಿಂದ ನಾವು ಕೋರ್ಟ್ ಮೆಟ್ಟಿಲೇರಿದ್ದೇವೆ' ಎಂದು ಬಚ್ಚನ್ ಪರ ಹಾಜರಾದ ಹಿರಿಯ ವಕೀಲ ಹರೀಶ್ ಸಾಳ್ವೆ ವಾದ ಮಂಡಿಸಿದ್ದರು. ಈ ಮೂಲಕ ಅಮಿತಾಭ್ ಪುಸ್ತಕ ಪ್ರಕಾಶಕರು, ಟಿ-ಶರ್ಟ್ ಮಾರಾಟಗಾರರು ಮತ್ತು ಇತರ ಹಲವಾರು ವ್ಯಾಪಾರಿಗಳ ವಿರುದ್ಧ ತಡೆಯಾಜ್ಞೆ ಕೋರಿದ್ದಾರೆ. (ಏಜೆನ್ಸೀಸ್)
