ಭ್ರೂಣಗಳನ್ನು ಪರೀಕ್ಷೆಗಾಗಿ ಸಂರಕ್ಷಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ. ಹುಲಿಯ ಸೆರೆ, ಅರಿವಳಿಕೆ, ದೀರ್ಘ ಪ್ರಯಾಣ ಮತ್ತು ಮರುಸೆರೆ ಗರ್ಭಪಾತಕ್ಕೆ ಕಾರಣವಾಗಿರಬಹುದೇ ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ. ಆದರೆ, ಇವುಗಳ ನಡುವೆ ನೇರ ಸಂಬಂಧ ಇರುವುದು ಇನ್ನೂ ದೃಢಪಟ್ಟಿಲ್ಲ. ಕೇಂದ್ರ ಮತ್ತು ರಾಜ್ಯ ಮಟ್ಟದ ತಂಡಗಳು ಘಟನೆಯ ಕುರಿತು ಪರಿಶೀಲನೆ ನಡೆಸುತ್ತಿವೆ.
ಇನ್ನು ಅಸ್ಸಾಂನಿಂದ ಮರಳಿದ ಬಳಿಕ ಹುಲಿಯನ್ನು ಜಿಂಕೆಗಳಿಗಾಗಿ ನಿರ್ಮಿಸಿದ್ದ ಆವರಣದಲ್ಲಿ ಇರಿಸಲಾಗಿತ್ತು ಎಂಬ ಆರೋಪವೂ ಕೇಳಿಬಂದಿದೆ. ಹೊಸ ಆವರಣ ನಿರ್ಮಿಸಲು ಅನುದಾನ ಬಿಡುಗಡೆಯಾಗದ ಕಾರಣ ಲಭ್ಯವಿದ್ದ ವ್ಯವಸ್ಥೆಯನ್ನೇ ಬಳಸಲಾಗಿದೆ ಎಂದು ಅರಣ್ಯ ಇಲಾಖೆ ಮೂಲಗಳು ತಿಳಿಸಿವೆ. ಆವರಣದ ಕೆಳಭಾಗವನ್ನು ಅಗೆದು ಹುಲಿ ತಪ್ಪಿಸಿಕೊಂಡಿದೆ ಎಂಬ ವರದಿಗಳೂ ಇವೆ.
ಸದ್ಯ ದೂವರ್ಸ್ ರಾಣಿ ಬಕ್ಸಾ ಅರಣ್ಯ ಪ್ರದೇಶದಲ್ಲೇ ಇದ್ದು, ರೇಡಿಯೋ ಕಾಲರ್ ಮೂಲಕ ಅದರ ಚಲನವಲನ ಗಮನಿಸಲಾಗುತ್ತಿದೆ. ಸುಮಾರು 60 ಅರಣ್ಯ ಸಿಬ್ಬಂದಿ ಮತ್ತು ಮೂರು ತರಬೇತಿ ಪಡೆದ ಆನೆಗಳನ್ನು ಮೇಲ್ವಿಚಾರಣೆಗೆ ನಿಯೋಜಿಸಲಾಗಿದೆ.
ಇದನ್ನೂ ಓದಿ: ಪಕ್ಷಿಗಳು ‘V’ ಆಕಾರದಲ್ಲೇ ಹಾರುವುದೇಕೆ ಗೊತ್ತಾ? ಇದರ ಹಿಂದಿದೆ ನಿಮ್ಮ ಹುಬ್ಬೇರಿಸುವ ವೈಜ್ಞಾನಿಕ ರಹಸ್ಯ | Birds Fly
ರಾಜಸ್ಥಾನದ ಸರಿಸ್ಕಾ ಮತ್ತು ಮಧ್ಯಪ್ರದೇಶದ ಪನ್ನಾ ಹುಲಿ ಸಂರಕ್ಷಿತ ಪ್ರದೇಶಗಳಲ್ಲಿ ಹುಲಿಗಳ ಮರುಪರಿಚಯ ಯೋಜನೆ ಯಶಸ್ವಿಯಾಗಿತ್ತು. ಅದೇ ಮಾದರಿಯಲ್ಲಿ ಬಕ್ಸಾದಲ್ಲೂ ಹುಲಿಗಳ ಸಂತತಿ ಹೆಚ್ಚಿಸುವ ಉದ್ದೇಶ ಹೊಂದಲಾಗಿತ್ತು. ಆದರೆ ದೂವರ್ಸ್ ರಾಣಿ ಪ್ರಕರಣ ಈಗ ಯೋಜನೆಯ ಸಿದ್ಧತೆ ಮತ್ತು ಅನುಷ್ಠಾನದ ಬಗ್ಗೆ ಚರ್ಚೆಗೆ ಕಾರಣವಾಗಿದೆ.
