ಸಹಿ ಇಲ್ಲ, ಆಯ್ಕೆ ಮಾಡಿಲ್ಲ: ಉತ್ತರ ಪತ್ರಿಕೆಯ ಒಎಂಆರ್ ಶೀಟ್ನಲ್ಲಿ ಅಭ್ಯರ್ಥಿಗಳಿಗೆ ನೀಡಲಾಗಿರುವ ಕಾಲಂನಲ್ಲಿ ಸಹಿ ಮಾಡಬೇಕು. ಆದರೆ ಹಲವು ವಿದ್ಯಾರ್ಥಿಗಳು ಸಹಿ ಮಾಡಿಲ್ಲ. ಅಲ್ಲದೆ, ಪತ್ರಿಕೆ-2ರಲ್ಲಿ ಸಾಮಾನ್ಯ ಕನ್ನಡ ಮತ್ತು ಸಾಮಾನ್ಯ ಇಂಗ್ಲಿಷ್ ಎಂಬ ಎರಡು ಕಾಲಂನಲ್ಲಿ ಅಭ್ಯರ್ಥಿಗಳು ಅಯ್ಕೆ ಮಾಡಿಕೊಂಡ ಪತ್ರಿಕೆಯ ಮಾಧ್ಯಮವನ್ನು ಶೇಡ್ ಮಾಡಬೇಕು. ಈ ಎರಡು ಯಾವುದೇ ಡೀಲ್ ತಂತ್ರವಲ್ಲ. ಆದರೆ, ಅಭ್ಯರ್ಥಿಗಳು ಬೇಜವಾಬ್ದಾರಿತನ ಅಥವಾ ಮರೆತು ಈ ರೀತಿ ಮಾಡಿದ್ದಾರೆಂದು ಅಂದಾಜಿಸಲಾಗಿದೆ. ಆದರೆ, ಈ ರೀತಿ ಮಾಡುವುದು ಆಯೋಗದ ಸೂಚನೆಗಳ ಉಲ್ಲಂಘನೆ ಆಗಿರುವ ಕಾರಣ ಅಂತಹ ಅಭ್ಯರ್ಥಿಗಳ ಉತ್ತರ ಪತ್ರಿಕೆಯನ್ನು ಸಹ ರದ್ದು ಮಾಡಿದೆ. ನಿಖರವಾಗಿ ಎಷ್ಟು ಅಭ್ಯರ್ಥಿಗಳು ಯಾವೆಲ್ಲ ರೀತಿಯಲ್ಲಿ ಸೂಚನೆಗಳನ್ನು ಉಲ್ಲಂಘಿಸಿದ್ದಾರೆಂಬ ಅಂಕಿ-ಅಂಶಗಳನ್ನು ನೀಡಲು ಆಯೋಗ ನಿರಾಕರಿಸಿದೆ.
