ನವದೆಹಲಿ: ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಬೆಸ್ಟ್ ಬ್ಯಾಟರ್ ಎಂದೇ ಹೆಸರುವಾಸಿಯಾಗಿರುವ ಡೇವಿಡ್ ವಾರ್ನರ್, ಮೈದಾನದಲ್ಲಿ ತಮ್ಮ ಬ್ಯಾಟಿಂಗ್ ವೈಖರಿ ಹಾಗೂ ಡ್ಯಾನ್ಸ್, ಹಾಸ್ಯಗಳಿಂದಲೇ ಸ್ಟೇಡಿಯಂನಲ್ಲಿ ಕುಳಿತ ಅಭಿಮಾನಿಗಳನ್ನು ಮನರಂಜಿಸುತ್ತಾರೆ. ಕೇವಲ ಕ್ರೀಡಾಸ್ಫೂರ್ತಿ ಮಾತ್ರ ಮೆರೆಯದ ವಾರ್ನರ್, ಗ್ರೌಂಡ್ನಲ್ಲಿ ತಮ್ಮೊಂದಿಗೆ ಆಡುವ ಸಹ ಆಟಗಾರರನ್ನು ಹುರಿದುಂಬಿಸಿ, ಪ್ರೀತಿಯಿಂದ ಗೌರವಿಸಿ ಮಾತನಾಡುತ್ತಾರೆ. ವಿಶೇಷ ಎಂದರೆ ಕ್ರಿಕೆಟ್ ಹೊರತುಪಡಿಸಿ ಭಾರತೀಯ ಸಂಸ್ಕೃತಿ, ಸಂಪ್ರದಾಯ ಮತ್ತು ಸಿನಿಮಾಗಳನ್ನು ಹೆಚ್ಚು ಅನುಸರಿಸುವ ಡೇವಿಡ್, ಪ್ರತ್ಯೇಕವಾಗಿ ಪ್ಯಾನ್ ಇಂಡಿಯಾ ಸ್ಟಾರ್ ಅಲ್ಲು ಅರ್ಜುನ್ ಕಂಡರೆ ವಿಶೇಷ ಪ್ರೀತಿ, ಅಭಿಮಾನ ಹೊಂದಿದ್ದಾರೆ.
