Dasara Holiday: ಮಕ್ಕಳಿಗೆ ದಸರಾ ರಜೆ ಅಂದ್ರೆ ಸಿಕ್ಕಾಪಟ್ಟೆ ಖುಷಿ.. ಶಾಲೆಗೆ ರಜೆ ಸಿಕ್ಕ ತಕ್ಷಣ ಮೊಬೈಲ್, ಟಿವಿ, ಗೇಮ್ಸ್ನಲ್ಲಿ ದಿನ ಕಳೆಯುವ ಬದಲು, ಈ ರಜೆಯಲ್ಲಿ ಹೊಸ ವಿಷಯ ಕಲಿಯಲು, ಆಟವಾಡಲು ಹಾಗೂ ಕುಟುಂಬದ ಜತೆ ಸಮಯ ಕಳೆಯಲು ಅವಕಾಶ ಮಾಡಿಕೊಡಿ. ಮಕ್ಕಳ ಆಸಕ್ತಿಗೆ ತಕ್ಕಂತೆ ಸಣ್ಣ ಪ್ಲಾನ್ ಮಾಡಿದರೆ ರಜೆ ಇನ್ನಷ್ಟು ಮಜಾವಾಗುತ್ತದೆ.
ಸಿಟಿ ಮಕ್ಕಳಿಗೆ ಏನು ಮಾಡಿಸಬಹುದು?
ಇತಿಹಾಸ, ಸಂಸ್ಕೃತಿ ಪರಿಚಯಿಸಿ
ಮಕ್ಕಳನ್ನು ಮೈಸೂರು ದಸರಾ, ಗೊಂಬೆ ಹಬ್ಬ, ಮ್ಯೂಸಿಯಂ, ವಿಜ್ಞಾನ ಕೇಂದ್ರ ಅಥವಾ ಐತಿಹಾಸಿಕ ಸ್ಥಳಗಳಿಗೆ ಕರೆದುಕೊಂಡು ಹೋಗಬಹುದು. ನೇರವಾಗಿ ನೋಡಿದಾಗ ಮಕ್ಕಳಿಗೆ ಹೊಸ ವಿಷಯಗಳು ಸುಲಭವಾಗಿ ಅರ್ಥವಾಗುತ್ತವೆ.
ಹೊಸ ಹವ್ಯಾಸ ಕಲಿಯಲಿ
ಚಿತ್ರಕಲೆ, ಮಣ್ಣಿನ ಕಲಾಕೃತಿ, ಈಜು, ಕರಾಟೆ, ನೃತ್ಯದಂತಹ ಮಕ್ಕಳಿಗೆ ಇಷ್ಟವಾದ ಚಟುವಟಿಕೆಗಳನ್ನು ಕಲಿಸಬಹುದು. ರಜೆಯಲ್ಲೇ ಹೊಸ ಕೌಶಲ್ಯವೊಂದನ್ನು ಕಲಿತಂತಾಗುತ್ತದೆ.
ಅಡುಗೆ ಮನೆಯಲ್ಲೂ ಸಹಾಯ ಮಾಡಲಿ
ಸ್ಯಾಂಡ್ವಿಚ್, ಫ್ರೂಟ್ ಸಲಾಡ್ನಂತಹ ಸರಳ ತಿನಿಸುಗಳನ್ನು ಮಕ್ಕಳಿಂದಲೇ ಮಾಡಿಸಬಹುದು. ಇದರಿಂದ ಅಡುಗೆ ಬಗ್ಗೆ ಆಸಕ್ತಿ ಜೊತೆಗೆ ಸ್ವಾವಲಂಬನೆಯೂ ಬೆಳೆಯುತ್ತದೆ.
ಪುಸ್ತಕ ಓದುವ ಅಭ್ಯಾಸ ಬೆಳೆಸಿ
ಹತ್ತಿರದ ಲೈಬ್ರರಿಗೆ ಕರೆದುಕೊಂಡು ಹೋಗಿ, ಮಕ್ಕಳೇ ತಮ್ಮ ವಯಸ್ಸಿಗೆ ತಕ್ಕ ಕಥೆ ಪುಸ್ತಕ ಆಯ್ಕೆ ಮಾಡಿಕೊಳ್ಳುವಂತೆ ಮಾಡಿ. ರಜೆಯಲ್ಲಿ ಓದುವ ಅಭ್ಯಾಸ ಬೆಳೆಸಲು ಇದು ಒಳ್ಳೆಯ ಸಮಯ.
