Mongoose Invasion: 1884ರಲ್ಲಿ ಸೆಂಟ್ ಕ್ರೋಯ್ ದ್ವೀಪದಲ್ಲಿದ್ದ ಕಬ್ಬಿನ ತೋಟಗಳಿಗೆ ಇಲಿಗಳ ಕಾಟ ಹೆಚ್ಚಾಗಿತ್ತು. ಇಲಿಗಳನ್ನು ಮುಗಿಸಲು ಅಲ್ಲಿಗೆ ಭಾರತೀಯ ತಳಿಯ ಸಣ್ಣ ಮುಂಗುಸಿಗಳನ್ನು ಬಿಡಲಾಯಿತು. ಆದರೆ, ಇಲಿಗಳನ್ನು ಹಿಡಿಯಬೇಕಿದ್ದ ಮುಂಗುಸಿಗಳು ದ್ವೀಪದಲ್ಲಿದ್ದ ಅಪರೂಪದ ಸ್ಥಳೀಯ ಹಲ್ಲಿ ಮತ್ತು ಹಾವಿನ ತಳಿಗಳನ್ನು ತಿಂದು ಖಾಲಿ ಮಾಡಲು ಶುರುಮಾಡಿದವು.
1754ರಿಂದ ಸೇಂಟ್ ಕ್ರಾಯ್ಕ್ಸ್ ದ್ವೀಪದಲ್ಲಿ ಕಬ್ಬಿನ ಬೇಸಾಯ ಹೆಚ್ಚಾದಂತೆ ಇಲಿಗಳ ಕಾಟ ತೀವ್ರವಾಯಿತು. ಆದರೆ 1917ರ ವೇಳೆಗೆ ಕೃಷಿ ಮತ್ತು ಮರಗಳ ಕಟಾವಿನಿಂದ ಶೇ. 90ರಷ್ಟು ಅರಣ್ಯ ನಾಶವಾಗಿ, 1920ರ ಹೊತ್ತಿಗೆ ದ್ವೀಪದಲ್ಲಿದ್ದ ಅಪರೂಪದ ಹಲ್ಲಿಗಳು ಬಹುತೇಕ ಮಾಯವಾದವು ಹಾಗೂ ಹಾವಿನ ತಳಿ ಸಂಪೂರ್ಣವಾಗಿ ಅಳಿದುಹೋಯಿತು.
140 ವರ್ಷಗಳ ನಂತರ ಮನೆಗೆ ಮರಳಿದ ಹಲ್ಲಿಗಳು
1950ರ ವೇಳೆಗೆ ಕಬ್ಬಿನ ವ್ಯವಸಾಯ ಕಡಿಮೆಯಾಗಿ ಮತ್ತೆ ಕಾಡು ಬೆಳೆಯಲು ಪ್ರಾರಂಭಿಸಿತು. ವಿಜ್ಞಾನಿಗಳಾದ ನಿಕೋಲ್ ಎಂಜೆಲಿ ಮತ್ತು ಲೀ ಫಿಟ್ಜ್‌ಗೆರಾಲ್ಡ್ ಅವರ ಅಧ್ಯಯನದ ಪ್ರಕಾರ, ಈ ದ್ವೀಪದಲ್ಲಿ 1.42 ಲಕ್ಷಕ್ಕೂ ಹೆಚ್ಚು ಹಲ್ಲಿಗಳು ವಾಸಿಸಲು ಸೂಕ್ತ ವಾತಾವರಣವಿದೆ ಎಂದು ತಿಳಿದುಬಂತು.
