ಹಗ್ಗವೂ ಹಾವಿನಂತೆ ಗೋಚರಿಸಬಹುದಾದ್ದರಿಂದ ಈ ರಾಶಿಯವರು ಹುಷಾರಾಗಿರಬೇಕು!

ಮೇಷ: ವಿವಾದಗಳಿಂದ ಬಳಲಿದ್ದೀರಿ. ಹೀಗಾಗಿ

ಕೆಲವು ವಿಚಾರಗಳಲ್ಲಿ ರಾಜಿ ಮಾಡಿಕೊಳ್ಳಲು

ಇದು ಬಹಳ ಸಕಾಲವೇ ಆಗಿದೆ. ಶುಭಸಂಖ್ಯೆ: 1

ವೃಷಭ: ಸುಗಂಧದ್ರವ್ಯ, ಸಿಹಿ ತಿಂಡಿತಿನಿಸುಗಳು,

ಹಣ್ಣುಹಂಪಲು, ಬೇಕರಿ ಆಹಾರ ಇತ್ಯಾದಿಗಳ

ಮಾರಾಟಗಾರರಿಗೆ ಲಾಭವಿದೆ. ಶುಭಸಂಖ್ಯೆ: 9

ಮಿಥುನ: ದೂರ ಇರಿಸಿದರೂ ಮಾತ್ರ ಹತ್ತಿರಕ್ಕೇ ಬರುವ

ಸಂಬಂಧಿಗಳು ತಲೆನೋವಾಗಲಿದ್ದಾರೆ. ಅವರನ್ನು

ತಾಳ್ಮೆಯಿಂದಲೇ ಎದುರಿಸಿ. ಶುಭಸಂಖ್ಯೆ: 8

ಕಟಕ: ದೂರಪ್ರಯಾಣವನ್ನು ಊಹಿಸಿರದ ನಿಮಗೆ

ಅಚ್ಚರಿಯೊಂದು ಎದುರಾಗಲಿದೆ. ಅದಕ್ಕೆ

ಸಜ್ಜಾಗಿರುವುದು ಉತ್ತಮ. ಶುಭಸಂಖ್ಯೆ: 4

ಸಿಂಹ: ನಿಮ್ಮ ನಿಗೂಢವಾದ ವರ್ತನೆಗಳು ಜನರಲ್ಲಿ

ಸಂಶಯವನ್ನು ಮೂಡಿಸಬಹುದು. ಹೀಗಾಗಿ

ಕಾರ್ಯದಲ್ಲಿ ಪಾರದರ್ಶಕತೆ ಇರಲಿ. ಶುಭಸಂಖ್ಯೆ: 7

ಕನ್ಯಾ: ನಿಮ್ಮ ಜ್ಞಾನ ಬಹು ಎತ್ತರದ ಮಟ್ಟದ್ದಾಗಿದೆ.

ಆದರೆ ಮಿತಿಗಳನ್ನೂ ಕೂಡ ಅರಿತುಕೊಂಡು

ಮುಂದುವರಿದರೆ ಯಶಸ್ಸಿದೆ. ಶುಭಸಂಖ್ಯೆ: 3

ತುಲಾ: ರಾಜಕಾರಣದಲ್ಲಿ ಇರುವವರಿಗೆ ಸಾರ್ವಜನಿಕರ

ಮುಂದೆ ಮುಖಭಂಗ ಉಂಟಾದೀತು. ಸದ್ಯಕ್ಕೆ

ಮೌನವೇ ಬಂಗಾರವಾಗಲಿ. ಶುಭಸಂಖ್ಯೆ: 6

ವೃಶ್ಚಿಕ: ಗಾಬರಿಯಿಂದಾಗಿ ಹಗ್ಗವೂ ಹಾವಿನಂತೆ

ಕಾಣಿಸಬಹುದು. ಆದರೆ ಹೆದರದೆಯೇ

ಮುಂದುವರಿದರೆ ಕ್ಷೇಮವಿದೆ. ಶುಭಸಂಖ್ಯೆ: 2

ಧನುಸ್ಸು: ಹತ್ತಿರದವರಿಂದಲೇ ನೋವನ್ನು ಅನುಭವಿಸುವ

ಸಂದರ್ಭಗಳು ನಿಮಗೆ ಒದಗಿಬರಬಹುದು.

ನಿರಾಶರಾಗದೆ ಎದುರಿಸಿ. ಶುಭಸಂಖ್ಯೆ: 5

ಮಕರ: ಮೆಚ್ಚುಗೆಗಳು, ಅನೇಕ ಉಡುಗೊರೆಗಳನ್ನು

ಪಡೆಯುವ ಅಪರೂಪದ ಸಂದರ್ಭಗಳು

ಶೀಘ್ರವೇ ಸಾಕಾರಗೊಳ್ಳಲಿವೆ. ಶುಭಸಂಖ್ಯೆ: 9

ಕುಂಭ: ಹಳೆಯ ಗೆಳೆಯರೊಬ್ಬರು ನಿಮಗೆ ಅನನ್ಯ

ಬೆಂಬಲವನ್ನು ಒದಗಿಸುವ ಮೂಲಕ ಮನದ

ಸಂತಸವನ್ನು ಹೆಚ್ಚಿಸಲಿದ್ದಾರೆ. ಶುಭಸಂಖ್ಯೆ: 1

ಮೀನ: ನೀವು ಅಪರೂಪದ ಸಹನೆ, ಸಮಾಧಾನಚಿತ್ತ

ಹೊಂದಿದ್ದೀರಿ. ಮನೆಯಲ್ಲಿ ಅಸಮಾಧಾನ

ಉಂಟಾಗದಂತೆ ಎಚ್ಚರ ವಹಿಸಿ. ಶುಭಸಂಖ್ಯೆ: 8