ಕುಡ್ಕೊಂಡ್​ ಬಂದಿದ್ದೀಯಾ ಬ**** ಅಭಿಮಾನಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ Rohit Sharma; ವಿಡಿಯೋ ವೈರಲ್​

ನವದೆಹಲಿ: ಪ್ರಸ್ತುತ ನಡೆಯುತ್ತಿರುವ ಬಾರ್ಡರ್​-ಗವಾಸ್ಕರ್​ ಟ್ರೋಫಿಯಲ್ಲಿ (Border-Gavaskar Trophy) ಟೀಮ್​ ಇಂಡಿಯಾ (Team India) ಶುಭಾರಂಭ ಕಂಡಿದ್ದು, ಸರಣಿಯ ಎರಡನೇ ಪಂದ್ಯದಲ್ಲೂ ಗೆಲುವಿನ ಓಟ ಮುಂದುವರೆಸಲು ಕಠಿಣ ಅಭ್ಯಾಸ ನಡೆಸುತ್ತಿದೆ. ಇನ್ನೂ ಅಭ್ಯಾಸದ ವೇಳೆ ಟೀಮ್​ ಇಂಡಿಯಾ (Team India) ಆಟಗಾರರು ಅಭಿಮಾನಿಗಳಿಗೆ ಕ್ರೀಡಾಂಗಣದತ್ತ ಬಾರದಂತೆ ಸೂಚನೆ ನೀಡಿದ್ದರು. ಇದೀಗ ರೋಹಿತ್​ ಶರ್ಮ (Rohit Sharma) ಅಭಿಮಾನಿಗಳಿಗೆ ಬೈಯುತ್ತಿರುವ ಹಳೆಯ ವಿಡಿಯೋ ಒಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

2011ರಲ್ಲಿ ಆಸ್ಟ್ರೇಲಿಯಾ ಪ್ರವಾಸದ ವೇಳೆ ತೆಗೆಯಲಾದ ವಿಡಿಯೋ ಇದು ಎಂದು ಹೇಳಲಾಗಿದ್ದು, ಸರಿಸುಮಾರು 13 ವರ್ಷಗಳ ಬಳಿಕ ವೈರಲ್​ ಆಗಿದೆ. ರೋಹಿತ್​ ಶರ್ಮ ಜೊತೆಗೆ ವೇಗಿ ಪ್ರವೀಣ್​ ಕುಮಾರ್​ ಕೂಡ ಅಭಿಮಾನಿಗಳಿಗೆ ಬೈದಿದ್ದು, ಈ ವಿಡಿಯೋ ಸಖತ್​ ವೈರಲ್​​ ಆಗಿದೆ.

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಅಭ್ಯಾಸದ ವೇಳೆ ಕೆಲವು ಅಭಿಮಾನಿಯೊಬ್ಬ ನಿರಂತರವಾಗಿ ಮಾತನಾಡುವ ಮೂಲಕ ಅಡ್ಡಿಪಡಿಸಲು ಯತ್ನಿಸಿದ್ದು, ಇದರಿಂದ ಕುಪಿತಗೊಂಡ ರೋಹಿತ್​ ಶರ್ಮ ಅಭಿಮಾನಿಗೆ ಬಾಯಗೆ ಬಂದಂತೆ ಬೈಯುತ್ತಾರೆ. ಈ ರೀತಿ ಕುಡಿದುಕೊಂಡು ಬರುವುದಕ್ಕೆ ನಾಚಿಕೆಯಾಗಲ್ವಾ ಎಂದು ಹೇಳುತ್ತಾರೆ. ಈ ವೇಳೆ ಮದ್ಯಪ್ರವೇಶಿಸುವ ಪ್ರವೀಣ್​ ಕುಮಾರ್​ ಅಭಿಮಾನಿಗೆ ಗದರಿಸಿ ಅವಾಚ್ಯ ಶಬ್ದಗಳಿಂದ ನಿಂದಿಸಲು ಶುರು ಮಾಡುತ್ತಾರೆ. ಈ ವಿಡಿಯೋ ಈಗ ವೈರಲ್​ ಆಗಿದೆ.

ಅಡಿಲೇಡ್​ನಲ್ಲಿ ನಡೆಯಲಿರುವ ಸರಣಿಯ ಎರಡನೇ ಟೆಸ್ಟ್​ ಪಂದ್ಯ ಡಿಸೆಂಬರ್​ 06ರಂದು ಆರಂಭವಾಗಲಿದ್ದು, ಈ ಪಂದ್ಯವನ್ನು ಪಿಂಕ್​ಬಾಲ್​ನಲ್ಲಿ ಆಡಲಾಗುತ್ತಿದೆ. ಭಾರತ (Team India) ಹಾಗೂ ಆಸ್ಟ್ರೇಲಿಯಾ (Australia) ನಡುವೆ ನಡೆಯಲಿರುವ 5 ಪಂದ್ಯಗಳ ಬಾರ್ಡರ್​-ಗವಾಸ್ಕರ್ (Border-Gavaskar)​ ಟೆಸ್ಟ್​ ಸರಣಿಯೂ ನವೆಂಬರ್​ 22ಕ್ಕೆ ಆರಂಭವಾಗಿದ್ದು, ಜನವರಿ 7 ರವರೆಗೆ ಆಯೋಜನೆಗೊಂಡಿದೆ. ಈ ಸರಣಿ ಆಡಲು ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡವು ಆಸ್ಟ್ರೇಲಿಯಾಕ್ಕೆ ಪ್ರವಾಸ ಮಾಡಲಿದೆ. ಬಾರ್ಡರ್- ಗವಾಸ್ಕರ್ ಟ್ರೋಫಿ ಸರಣಿಯು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ 2023-2025 ಅಡಿಯಲ್ಲಿ ಆಡಲಾಗುತ್ತಿದೆ.

https://www.vijayavani.net/high-court-gave-big-relief-to-the-film-team-of-toxic

https://www.vijayavani.net/best-for-team-rohit-sharma-makes-big-sacrifice-ahead-of-2nd-test-against-australia