Mother Promise Review - ಪ್ರಾಮಿಸ್​, ಮದರ್​ ಪ್ರಾಮಿಸ್​ ನಗಿಸುವ ಸಿನಿಮಾ!

ರಾಸಿ, ದೊನ್ನೆ ಬಿರಿಯಾನಿ, ಎಸ್​ಎಮ್​ಎಸ್​, ಬ್ಯಾಂಡ್​ ಏಡ್​, ಶೇರ್ವಾ, ಅನಾರ್ಕಲಿ, ಜೀರಿಗೆ, ಜಿಲೇಬಿ, ಗುಲ್ಕನ್​, ಬಾಯಲ್ಡ್​ ಎಗ್​, ಕೈಮ, ಗೀರೈಸ್​, ಸಿಸಿಟಿವಿ, ಪಂಚರ್​, ಮಡ್​ಗಾರ್ಡ್​, ಚಿಲ್ಯ ಮಿಲ್ಯ, ಗೋಬಿ, ಮೋಮೋ, ಸಾಸಿವೆ, ಒಗ್ಗರಣೆ, ಸಾಂಬಾರ್​... ಅರೆ ಇದೇನಿದು ಗ್ಯಾರೇಜ್​, ಹೋಟೆಲ್​ನಲ್ಲಿ ಸಿಗುವ ಐಟಂಗಳಲ್ಲವೇ ಅಂತ ನಿಮಗನ್ನಿಸಬಹುದು. ಆದರೆ, ಅವೆಲ್ಲವೂ ಪಾತ್ರಗಳ ಹೆಸರು! ಈ ಎಲ್ಲ ವಿಲಕ್ಷಣ, ವಿಭಿನ್ನ, ವಿಶೇಷ ಕ್ಯಾರಕ್ಟರ್​ಗಳು ಸೇರಿ ನಿಮ್ಮನ್ನು ನಗಿಸುತ್ತಾ ಬನಶಂಕರಿ, ಹೊಸಕೆರೆಹಳ್ಳಿ ಬೀಚ್​, ನಾಗರಬಾವಿ ಪೋರ್ಟ್​ ದರ್ಶನ ಮಾಡಿಸುವುದೇ "ಮದರ್​ ಪ್ರಾಮಿಸ್​'!

ರಾಸಿ ಅಲಿಯಾಸ್​ ರಾಮಚಂದ್ರ (ಧನಂಜಯ) ಬೆಂಗಳೂರಿನ ಜೂಜಾಟದ ಕಿಂಗ್​. ದಿನೇಶ್​ ಉ್​ರ್ ದೊನ್ನೆ ಬಿರಿಯಾನಿ (ಮಹದೇವ್​) ಡ್ರಗ್ಸ್​ ಕಿಂಗ್​ಪಿನ್​. ಇಬ್ಬರೂ ಒಂದು ಕಾಲದ ಗೆಳೆಯರೇ. ಆದರೆ, "ಸಾರಿ' ಎಂಬ ಒಂದು ಪದದಿಂದಾಗಿ ದೂರಾಗಿ, ಬೆಂಗಳೂರು ಮಧ್ಯದಲ್ಲಿ ಒಂದು ಗೆರೆ ಎಳೆದು ಭಾಗ ಮಾಡಿಕೊಂಡುಬಿಟ್ಟಿರುತ್ತಾರೆ. ಅತ್ತ ರಾಸಿಗೆ ಅಮ್ಮ ಕೊಡಿಸಿದ್ದ ಹೀರೋ ಹೋಂಡಾ ಸ್ಪ್ಲೆಂಡರ್​ ಬೈಕ್​ ಕಳ್ಳತನವಾಗಿರುತ್ತದೆ. ಇತ್ತ ಬಿರಿಯಾನಿಗೆ ಸೇರಿದ ಡ್ರಗ್ಸ್​ ತುಂಬಿದ ಬ್ಯಾಗ್​ ಕೂಡ ಕಣ್ಮರೆಯಾಗಿರುತ್ತದೆ. ಮತ್ತೊಂದೆಡೆ ಕ್ರಿಕೆಟ್​, ಕಬಡ್ಡಿ ಮಾತ್ರವಲ್ಲ ಏರಿಯಾದ ರಂಗೋಲಿ ಕಾಂಪಿಟಿಷನ್​ನಿಂದ ಹಿಡಿದು ಬಾರ್​ನಲ್ಲಿ ಯಾರು ಯಾವ ಬ್ರ್ಯಾಂಡ್​ ಖರೀದಿಸುತ್ತಾರೆ? ಏನು ಸೈಡ್ಸ್​ ಆರ್ಡರ್​ ಮಾಡುತ್ತಾರೆ? ಎನ್ನುವವರೆಗೂ ಬೆಟ್ಟಿಂಗ್​ ಆಡುವ, ರ್ಯಾಂಡಿ (ಪೂರ್ಣ) ಗ್ಯಾಂಬ್ಲಿಂಗ್​ ಮಾಡಲು ಬಂದು ₹20 ಲಕ್ಷ ಕಳೆದುಕೊಂಡಿರುತ್ತಾನೆ. ಹೀಗೆ ಈ ಮೂವರೂ ತಮ್ಮ ಪಟಾಲಂ ಜತೆ ಸೇರಿ ತಮ್ಮ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಲು ಮುಂದಾಗುವ ಕಥೆ ನಕ್ಕು ನಗಿಸುವ "ಮದರ್​ ಪ್ರಾಮಿಸ್​'.

ಬಹುಶಃ ಇದು ನಟ ಡಾಲಿ ಧನಂಜಯ ಅವರ ಮೊದಲ ಔಟ್​ ಆ್ಯಂಡ್​ ಔಟ್​ ಕಾಮಿಡಿ ಸಿನಿಮಾ. ಜತೆಗೆ ್ಯಾಮಿಲಿ ಡ್ರಾಮಾ, ಥ್ರಿಲ್ಲರ್​ ಮತ್ತು ಸೆಂಟಿಮೆಂಟ್​ ಅಂಶಗಳಿವೆ. ಬಹುತೇಕ ಎಲ್ಲ ಪಾತ್ರಗಳಿಗೂ ಪ್ರಾಮುಖ್ಯ ನೀಡಲಾಗಿದೆ. ಹೀಗಾಗಿ ಒಂದಲ್ಲಾ ಒಂದು ಪಾತ್ರ, ಒಂದಲ್ಲಾ ಒಂದು ರೀತಿ ಚಿತ್ರದಾದ್ಯಂತ ನಗಿಸುತ್ತಾ ಸಾಗುತ್ತದೆ. ಜತೆಗೆ ಈ ನ್​ ರೈಡ್​ನಲ್ಲಿ ರೊಮ್ಯಾನ್ಸ್​ ಇಲ್ಲದಿರುವ ಕಾರಣ ನಾಯಕಿಯರಿಲ್ಲ. ಇರುವುದು ವಿನಯ ಪ್ರಸಾದ್​ ಮತ್ತು ಗೀತಾ ನಟಿಸಿರುವ ಅಮ್ಮಂದಿರ ಪಾತ್ರವಷ್ಟೆ.

166 ನಿಮಿಷವಿರುವ ಕಾರಣ ಮೊದರ್ಲಧ ಸ್ವಲ್ಪ ನಿಧಾನ ಎನಿಸಿದರೂ, ದ್ವೀತಿಯಾರ್ಧದಲ್ಲಿ ಹುಡುಗರ ಹುಡುಕಾಟ, ಹುಡುಗಾಟ ನಗೆಗಡಲಲ್ಲಿ ತೇಲಿಸುತ್ತದೆ. ಕೆಲ ಹಳೆಯ ಜೋಕ್​ಗಳಿದ್ದರೂ ವಿಭಿನ್ನ ಕ್ಯಾರಕ್ಟರ್​ಗಳು, ಹಿನ್ನೆಲೆ ಮತ್ತು ಕಾಮಿಡಿ ಮೂಲಕ ಮದರ್​ ಸೆಂಟಿಮೆಂಟ್​ ಬೆಸೆಯುವಲ್ಲಿ ನಿರ್ದೇಶಕನಾಗಿ ಪೂರ್ಣಚಂದ್ರ ಮೈಸೂರು ಗೆದ್ದಿದ್ದಾರೆ. ಹೀಗಾಗಿ ಹೆಚ್ಚು ನಿರೀೆ ಇಲ್ಲದೇ ಕೆಲ ಸಮಯ ಕುಳಿತು ಟೆನ್ಶನ್​ ಫ್ರೀಯಾಗಿ ನಕ್ಕು ಬರಲು "ಮದರ್​ ಪ್ರಾಮಿಸ್​' ಮೋಸವಿಲ್ಲ!