ಕಳೆದ ಕೆಲವು ತಿಂಗಳುಗಳಿಂದ ಅಗತ್ಯ ವಸ್ತುಗಳ ಬೆಲೆ ನಿರಂತರವಾಗಿ ಏರಿಕೆಯಾಗುತ್ತಿದೆ. ಮಳೆಯ ಪರಿಸ್ಥಿತಿಯಿಂದಾಗಿ ಕೃಷಿ ಉತ್ಪನ್ನಗಳ ಇಳುವರಿ ಕಡಿಮೆಯಾಗಿದೆ. ರೈತರು ಬೆಳೆದ ಫಸಲು ಕೈಗೆ ಸಿಗದೆ ಕೊಚ್ಚಿ ಹೋಗಿದೆ. ರೈತರ ಜೀವನ ಕೂಡಾ ಸಂಖಷ್ಟಕ್ಕೆ ಸಿಲುಕಿಕೊಂಡಿದೆ. ಕಟಾವಿಗೆ ಬಂದಿದ್ದ ಬೆಳೆಗಳು ಹಾನಿಯಾಗಿದೆ. ಈಗ ಚಂಡಮಾರುತದ ಪ್ರಭಾವದಿಂದ ಅಕ್ಕಿ ಬೆಲೆ ಏರಿಕೆಯಾಗಲಿದೆ.
ಅಕ್ಕಿ ಬೆಲೆ ಏರಿಕೆ: ಆಂಧ್ರಪ್ರದೇಶದಲ್ಲಿ ಗುಣಮಟ್ಟದ ಉತ್ತಮ ಅಕ್ಕಿ ಪ್ರಸ್ತುತ ಕೆಜಿಗೆ 56 ರೂ. ಅಕ್ಕಿಯನ್ನು ಗಿರಣಿಗಾರರಿಂದ ಸಗಟು ವ್ಯಾಪಾರಿಗಳಿಗೆ ಕೆಜಿಗೆ ರೂ.3 ರಿಂದ ರೂ.5 ಲಾಭದಲ್ಲಿ ಮಾರಾಟ ಮಾಡುತ್ತಾರೆ. ಮೂರು ತಿಂಗಳ ಹಿಂದೆ ರೂ.1250-1300 ಇದ್ದ 26 ಕೆ.ಜಿ ಅಕ್ಕಿಯ ಬೆಲೆ ಈಗ ರೂ.1,600 ರ ಸಮೀಪದಲ್ಲಿದೆ. ಒಂದು ಕಿಲೋ ಅಕ್ಕಿ ಬೆಲೆ 60 ರೂ.ಗೆ ತಲುಪಲಿದೆ ಎನ್ನುತ್ತಾರೆ ವ್ಯಾಪಾರಿಗಳು. ಕನಿಷ್ಠ 1500 ರೂ.ಗಳಾಗಲಿದೆ ಎನ್ನುತ್ತಾರೆ ಸಗಟು ವ್ಯಾಪಾರಿಗಳು. ಹೊಸ ಅಕ್ಕಿ ಬೆಲೆಗೂ 1400 ರೂ.ಗಿಂತ ಕಡಿಮೆ ಬೆಲೆಗೆ 26 ಕೆಜಿ ಚೀಲ ಸಿಗುವ ಸಾಧ್ಯತೆ ಇಲ್ಲ ಎನ್ನಲಾಗುತ್ತಿದೆ.
ಮಾರುಕಟ್ಟೆಯಲ್ಲಿ ಮಿಲ್ಲರ್ಗಳ ಬಳಿ ಸಾಕಷ್ಟು ದಾಸ್ತಾನು ಲಭ್ಯವಿದ್ದರೂ ವ್ಯಾಪಾರಿಗಳು ಕೃತಕ ಅಭಾವ ಸೃಷ್ಟಿಸಲು ಮುಂದಾಗಿದ್ದಾರೆ. ಅಕ್ಕಿ ಬೆಲೆ ಹೆಚ್ಚಿಸಿ ಹಣ ಗಳಿಸಲು ಯತ್ನಿಸುತ್ತಿದ್ದಾರೆ. ಸರಕಾರ ಸಂಗ್ರಹಿಸುವ ಅಕ್ಕಿಯ ಬೆಲೆ ಮತ್ತು ನಾಗರಿಕ ಸರಬರಾಜು ನೀಡುವ ಅಕ್ಕಿಯ ಬೆಲೆ ಎಲ್ಲ ಖರ್ಚು ಸೇರಿ ಪಡಿತರ ಚೀಟಿಗಳ ಮೂಲಕ ಫಲಾನುಭವಿಗೆ ತಲುಪುವ ವೇಳೆಗೆ 39 ರೂ. ಇದರಲ್ಲಿ ಧಾನ್ಯ ಸಂಗ್ರಹದ ವೆಚ್ಚ, ಗೋಣಿ ಚೀಲಗಳು, ಸಾಗಾಣಿಕೆ, ಪಡಿತರ ಅಂಗಡಿಯ ಕಮಿಷನ್ ಮತ್ತು ಇತರ ವೆಚ್ಚಗಳು ಸೇರಿವೆ. ಪಡಿತರ ಅಂಗಡಿಗಳ ಮೂಲಕ ಪೂರೈಕೆಯಾಗುವ ಅಕ್ಕಿಯಲ್ಲಿ ಕೇಂದ್ರದ ಪಾಲು ಕೂಡ ಇರುತ್ತದೆ.
ಈ ಹಿಂದೆ ಪ್ರಕೃತಿ ವಿಕೋಪ, ಹವಾಮಾನ ವೈಪರೀತ್ಯದಿಂದ ಬೆಳೆ ಇಳುವರಿ ಕಡಿಮೆಯಾಗಿ ರೈತರು ನಷ್ಟ ಅನುಭವಿಸಿದರೂ ವರ್ತಕರು ಅಕ್ರಮ ಎಸಗದಂತೆ ನಾಗರಿಕ ಸರಬರಾಜು ಇಲಾಖೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುತ್ತಿತ್ತು. ಇತ್ತೀಚಿನ ದಿನಗಳಲ್ಲಿ ಅಧಿಕಾರಿಗಳ ನಿಯಂತ್ರಣ ಹಾಗೂ ಮೇಲ್ವಿಚಾರಣೆ ಕೊರತೆಯಿಂದ ಜನಸಾಮಾನ್ಯರ ಜೇಬಿಗೆ ಕತ್ತರಿ ಬೀಳುತ್ತಿದೆ. ಇನ್ನು ಎರಡ್ಮೂರು ತಿಂಗಳಲ್ಲಿ ಬೆಲೆ ಏರಿಕೆಯಾಗಲಿದೆ ಎನ್ನುತ್ತಾರೆ ಸಗಟು ವ್ಯಾಪಾರಿಗಳು.
