ಏಕಾಏಕಿ ಕುಸಿದ ಸ್ಮಶಾನದ ಗೋಡೆ; ನಾಲ್ವರು ಸಾವು, ಇಬ್ಬರು ಚಿಂತಾಜನಕ

ನವದೆಹಲಿ: ಸ್ಮಶಾನದ ಗೋಡೆ ಕುಸಿದು ನಾಲ್ವರು ಮೃತಪಟ್ಟು, ಇಬ್ಬರೂ ಗಂಭೀರವಾಗ ಗಾಯಗೊಂಡಿರುವ ಘಟನೆ ನವದೆಹಲಿಯ ಗುರುಗ್ರಾಮದಲ್ಲಿ ನಡೆದಿದೆ.

ಮೃತರನ್ನು ದೇವಿ ದಯಾಳ್ (70), ಮನೋಜ್​ ಗಾಬಾ (54), ಕೃಷ್ಣ ಕುಮಾರ್​ (52), ತಾನ್ಯಾ (11) ಎಂದು ಗುರುತಿಸಲಾಗಿದೆ. ಘಟನೆಯಲ್ಲಿ ಟೀ ಅಂಗಡಿ ಮಾಲೀಕ ದಿಲೀಪ್​ ಕುಮಾರ್​ ಹಾಗೂ ಮಗುವೊಂದು ಗಂಭೀರವಾಗಿ ಗಾಯಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: ಫಯಾಜ್​ ಜತೆಗಿರುವ ಫೋಟೋಗಳು ವೈರಲ್​; ನೇಹಾ ತಾಯಿ ಹೇಳಿದ್ದೇನು?

ಘಟನೆಯ ಕುರಿತು ಪ್ರತಿಕ್ರಿಯಿಸಿರುವ ಹಿರಿಯ ಪೊಲೀಸ್​ ಅಧಿಕಾರಿಯೊಬ್ಬರು, ಸ್ಮಶಾನದ ಹಿಂಭಾಗ ಗೇಟ್​ನ ಹಿಂಬದಿ ಗೋಡೆ ಬಳಿ ದಿಲೀಪ್​ ಎಂಬುವವರು ಚಹಾ ಅಂಗಡಿ ಒಂದನ್ನು ನಡೆಸುತ್ತಿದ್ದರು. ಘಟನೆ ನಡೆದ ವೇಳೆ ದೇವಿ ದಯಾಳ್, ಮನೋಜ್​ ಎಂಬುವವರು ಚಹಾ ಅಂಗಡಿ ಮುಂದೆ ಕುಳಿತಿದ್ದರು. ಇಬ್ಬರು ಮಕ್ಕಳು ನಡೆದುಕೊಂಡು ಹೋಗುತ್ತಿದ್ದರು. ಈ ವೇಳೆ ಗೋಡೆ ಕುಸಿದಿದ್ದು ಅವಶೇಷಗಳಡಿ ಸಿಲುಕಿ ನಾಲ್ವರು ಸ್ಥಳದಲ್ಲೇ ಪ್ರಾಣಬಿಟ್ಟಿದ್ದಾರೆ. ಇಬ್ಬರ ಸ್ಥಿತ ಚಿಂತಾಜನಕವಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಸ್ಥಳೀಯರು ಹೇಳುವ ಪ್ರಕಾರ ಸ್ಮಶಾನದ ಗೋಡೆಗಳ ಅಕ್ಕ-ಪಕ್ಕ ಗಿಡಗಳನ್ನು ನೆಡಲಾಗಿತ್ತು. ಇದರಿಂದಾಗಿ ಗೋಡೆ ಬಾಗಿದ್ದು, ಏಕಾಏಕಿ ಕುಸಿದಿದೆ. ಘಟನೆಗೆ ಸಂಬಂಧಿಸಿದಂತೆ ತನಿಖೆಗೆ ಆದೇಶಿಸಲಾಗಿದ್ದು, ವರದಿ ಆಧರಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಹಿರಿಯ ಪೊಲೀಸ್​ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

https://www.vijayavani.net/ed-arrests-retired-ias-officer-anil-tuteja-in-chhattisgarh-liquor-scam-case

https://www.vijayavani.net/rajasthan-accident-9-killed-as-speeding-truck-rams-car-in-jhalawar