ಈ ಪ್ರಖ್ಯಾತ ಕಂಪನಿಯ CEO ಸಂಬಳ 15 ಸಾವಿರ ರೂ. ಮಾತ್ರ!

ನವದೆಹಲಿ: ಫಿನ್‌ಟೆಕ್ ಕಂಪನಿ CREDನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅಥವಾ CEO (ಸಿಇಒ) ಕುನಾಲ್ ಷಾ ಭಾನುವಾರ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಸ್ಟೋರಿಯಲ್ಲಿ 'ಆಸ್ಕ್ ಮಿ ಎನಿಥಿಂಗ್' ಸೆಷನ್ ನಡೆಸಿದ್ದರು. ಆಗ ಅವರು ತಮ್ಮ ಸಂಬಳವನ್ನು ಬಹಿರಂಗಪಡಿಸಿದ್ದರು. ಕುನಾಲ್​ ಷಾ ತಿಂಗಳಿಗೆ 15,000 ರೂ. ವೇತನವನ್ನು ಪಡೆಯುವುದಾಗಿ ಹೇಳಿದ್ದಾರೆ. ಜತೆಗೆ ಅದಕ್ಕೆ ಕಾರಣವನ್ನು ಸಹ ಹೇಳಿದರು.

ಇದನ್ನೂ ಓದಿ: ZOOM​ ಕಾಲಲ್ಲೇ 900 ಜನರನ್ನ ಕೆಲಸದಿಂದ ತೆಗೆದ CEO! ವಿಡಿಯೋ ವೈರಲ್​​

ಬಳಕೆದಾರರು ಸಂಬಳದ ಬಗ್ಗೆ ಕೇಳಿದ ಪ್ರಶ್ನೆಗೆ : "CRED ನಲ್ಲಿ ನಿಮ್ಮ ಸಂಬಳ ತುಂಬಾ ಕಡಿಮೆಯಾಗಿದೆ? ನೀವು ಹೇಗೆ ಬದುಕುತ್ತೀರಿ?" ಇದಕ್ಕೆ ಪ್ರತಿಕ್ರಿಯಿಸಿದ ಕುನಾಲ್​ ಷಾ, "ಕಂಪನಿ ಲಾಭದಾಯಕವಾಗುವವರೆಗೆ ನನಗೆ ಉತ್ತಮ ಸಂಬಳ ಸಿಗುತ್ತದೆ ಎಂದು ನಾನು ನಂಬುವುದಿಲ್ಲ. CRED ನಲ್ಲಿ ನನ್ನ ಸಂಬಳ ತಿಂಗಳಿಗೆ ₹ 15,000. ನಾನು ಹಿಂದೆ ನನ್ನ ಕಂಪನಿ ಫ್ರೀಚಾರ್ಜ್ ಅನ್ನು ಮಾರಾಟ ಮಾಡಿದ್ದರಿಂದ ನಾನು ಆರಾಮವಾಗಿ ಬದುಕಬಲ್ಲೆ"

ಕಥೆಯ ಸ್ಕ್ರೀನ್‌ಶಾಟ್ ಅನ್ನು ಇನ್​ಸ್ಟಾಗ್ರಾಂ ಬಳಕೆದಾರ ಅಜೀತ್ ಪಟೇಲ್ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಅವರು ಸ್ಕ್ರೀನ್‌ಶಾಟ್‌ನ ಜೊತೆಗೆ ಬರೆದಿದ್ದಾರೆ. "ಕೋಟಿಗಳಲ್ಲಿ ಸಂಬಳ ತೆಗೆದುಕೊಳ್ಳುವ ಸಿಇಒಗಳು ಇದ್ದಾರೆ, ಅದರ ಜತೆಗೆ ಕುನಾಲ್ ಷಾ ರೀತಿಯವರೂ ಇದ್ದಾರೆ."

ಈ ಪೋಸ್ಟ್ ಎರಡು ಸಾವಿರಕ್ಕೂ ಹೆಚ್ಚು ಲೈಕ್​ಗಳು ಮತ್ತು 1.4 ಲಕ್ಷ ವೀಕ್ಷಣೆಗಳನ್ನು ಸಂಗ್ರಹಿಸಿದೆ. ಆದರೂ, ಕುನಾಲ್​ ಷಾ ರ ಪ್ರತಿಕ್ರಿಯೆ ಇಂಟರ್ನೆಟ್​ನಲ್ಲಿ ಎರಡು ಬಣಗಳನ್ನು ಸೃಷ್ಟಿಸಿದಂತೆ ತೋರುತ್ತಿದೆ. ಕೆಲವರು ಅವರ ಕ್ರಮವನ್ನು ಮೆಚ್ಚಿದರೆ, ಇತರರು ತೆರಿಗೆ ಉಳಿಸುವ ಮಾರ್ಗವಾಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಡಿವೋರ್ಸ್​ ಪಡೆಯಲು ಬಂದ 20 ದಂಪತಿಗೆ ಫ್ರೀ ಸಿನಿಮಾ ಟಿಕೆಟ್​ ಕೊಟ್ಟು ಕಳುಹಿಸಿದ ಪೊಲೀಸರು!

"ಅವರು ದೊಡ್ಡ ಹೂಡಿಕೆದಾರರು ಮತ್ತು 500 ಕ್ಕೂ ಹೆಚ್ಚು ಸ್ಟಾರ್ಟ್‌ಅಪ್‌ಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ಅವರ ಶೇರ್​ಗಳು ಕಂಪನಿಯಿಂದ ನಿರ್ಗಮಿಸುವಾಗ ಅವರಿಗೆ ಆದಾಯವನ್ನು ನೀಡುತ್ತವೆ" ಎಂದು ಇನ್ನೊಬ್ಬ ವ್ಯಕ್ತಿ ಪ್ರತಿಕ್ರಿಯಿಸಿದ್ದಾರೆ.

https://www.vijayavani.net/kids-smile-while-their-old-school-becomes-high-tech/

https://www.vijayavani.net/germany-offers-indian-techies-visa-without-proper-offer-letter/

https://www.vijayavani.net/ravi-shastri-used-to-pinch-and-say-things-that-would-hurt-to-ishant-sharma/