ಕೊವಾಕ್ಸಿನ್ ಲಸಿಕೆ ಪ್ರಯೋಗದ ಮೊದಲ ಹಂತದ ಮೊದಲ ಭಾಗ ಮುಕ್ತಾಯಗೊಳಿಸಿದ ರೋಹ್ಟಕ್​ ಪಿಜಿಐ...

ನವದೆಹಲಿ: ಕೊವಿಡ್​-19ಗೆ ಹೈದರಾಬಾದ್​ನ ಭಾರತ್​ ಬಯೋಟೆಕ್​ ಸಂಸ್ಥೆ ಅಭಿವೃದ್ಧಿಪಡಿಸಿರುವ ಕೊವಾಕ್ಸಿನ್​ ಲಸಿಕೆಯ ಕ್ಲಿನಿಕಲ್ ಪ್ರಯೋಗ ದೇಶದ ವಿವಿಧ ವೈದ್ಯಕೀಯ ಸಂಸ್ಥೆಗಳಲ್ಲಿ ಈಗಾಗಲೇ ಪ್ರಾರಂಭವಾಗಿದೆ.

ಹಾಗೇ ರೋಹ್ಟಕ್​​ನ ಪಿಜಿಐನಲ್ಲೂ ಕೂಡ ಕೊವಾಕ್ಸಿನ್​ ಕ್ಲಿನಿಕ್​ ಟೆಸ್ಟ್ ಶುರುಮಾಡಲಾಗಿತ್ತು. ಇದೀಗ ಬಂದ ವರದಿಯ ಪ್ರಕಾರ, ರೋಹ್ಟಕ್​ನ ಪೋಸ್ಟ್ ಗ್ರಾಜ್ಯುಯೇಟ್​ ಆಫ್ ಮೆಡಿಕಲ್​ ಸೈನ್ಸ್​​ ಇನ್ಸ್ಟಿಟ್ಯೂಟ್​​ನಲ್ಲಿ ಕೊವಾಕ್ಸಿನ್​ ಲಸಿಕೆಯ ಪ್ರಥಮ ಹಂತದ ಮೊದಲ ಭಾಗದ ಕ್ಲಿನಿಕಲ್​ ಪ್ರಯೋಗ ಮುಕ್ತಾಯಗೊಂಡಿದೆ ಎನ್ನಲಾಗಿದೆ. ಇದನ್ನೂ ಓದಿ: ‘ಲಾಠಿ ಅಜ್ಜಿ’ಯ ಧೈರ್ಯಕ್ಕೆ ಮನಸೋತ ಸಚಿವರಿಂದ ಒಂದು ಲಕ್ಷ ಬಹುಮಾನ

ಲಸಿಕೆ ಪ್ರಯೋಗ ತಂಡದ ಪ್ರಿನ್ಸಿಪಲ್​ ಇನ್ವೆಸ್ಟಿಗೇಟರ್​ ಆಗಿರುವ ಡಾ. ಸವಿತಾ ವರ್ಮಾ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಮೊದಲನೇ ಹಂತದ ಎರಡನೇ ಭಾಗದ ಪ್ರಯೋಗ ಈಗಾಗಲೇ ಪ್ರಾರಂಭಗೊಂಡಿದ್ದು, ಆರು ಮಂದಿಗೆ ಲಸಿಕೆ ನೀಡಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಈ ಸಂಸ್ಥೆಯಲ್ಲಿ ಜು.17ರಿಂದ ಮಾನವರ ಮೇಲಿನ ಪ್ರಯೋಗ ಶುರುವಾಗಿದೆ. ಮೊದಲು ಮೂರು ಜನರಿಗೆ ನೀಡಲಾಗಿತ್ತು.

ಇನ್ನು ದೆಹಲಿಯ ಏಮ್ಸ್​ನಲ್ಲೂ ಕೂಡ ಪ್ರಯೋಗ ಪ್ರಾರಂಭವಾಗಿದೆ. 30 ವರ್ಷದ ವ್ಯಕ್ತಿಗೆ ಕೊವಾಕ್ಸಿನ್​ ಮೊದಲ ಡೋಸ್​ ನೀಡಲಾಗಿದೆ. ಎರಡನೇ ಡೋಸ್​ನ್ನು ಎರಡು ವಾರ ಬಿಟ್ಟು ನೀಡಲಾಗುವುದು ಎಂದು ಶುಕ್ರವಾರ ಏಮ್ಸ್​ ತಿಳಿಸಿದೆ. (ಏಜೆನ್ಸೀಸ್​)

https://www.vijayavani.net/teen-girl-kidnaps-self-with-boyfriends-help-to-extract-rs-1-crore-from-father/