ಭಾರತದ ಮೊದಲ ಕೊವಿಡ್​-19 ಲಸಿಕೆ 'ಕೊವಾಕ್ಸಿನ್'​ ಮಾನವರ ಮೇಲಿನ ಪ್ರಯೋಗ ಪ್ರಾರಂಭ..

ಪಟನಾ: ಭಾರತದ ಮೊದಲ ಕೊವಿಡ್​-19 ಲಸಿಕೆ 'ಕೊವಾಕ್ಸಿನ್​​' ನ ಮಾನವರ ಮೇಲಿನ ಪ್ರಯೋಗ ಕಾರ್ಯ ಬಿಹಾರದ ಪಟನಾ ಆಲ್ ಇಂಡಿಯಾ ಇನ್ಸ್ಟಿಟ್ಯೂಟ್​ ಆಫ್​ ಮೆಡಿಕಲ್​ ಸೈನ್ಸ್ (ಏಮ್ಸ್-ಅಖಿಲ ಭಾರತೀಯ ವೈದ್ಯಕೀಯ ಸಂಸ್ಥೆ​) ​ನಲ್ಲಿ ಪ್ರಾರಂಭವಾಗಿದೆ.

ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಸಹಭಾಗಿತ್ವದಲ್ಲಿ ಹೈದರಾಬಾದ್​ನ ಭಾರತ್​ ಬಯೋಟೆಕ್​ ಕಂಪನಿಯು ಈ ಕೊವಾಕ್ಸಿನ್​ ಲಸಿಕೆಯನ್ನು ಅಭಿವೃದ್ಧಿಪಡಿಸಿದೆ.

ಪುಣೆಯ ಏಮ್ಸ್ ಈ ಲಸಿಕೆಯನ್ನು ಮನುಷ್ಯರ ಮೇಲೆ ಪ್ರಯೋಗ ಮಾಡಲು ಆರಂಭಿಸಿದೆ. ಮೊದಲ ಹಂತದಲ್ಲಿ 10 ಮಂದಿ ಸ್ವಯಂಸೇವಕರನ್ನು ಆಸ್ಪತ್ರೆ ಪ್ರಯೋಗಕ್ಕೆ ಆಯ್ಕೆ ಮಾಡಿಕೊಳ್ಳಲಾಗಿದೆ ಎಂದು ವರದಿಯಾಗಿದೆ. ಈ 10 ಜನರಿಗೆ ಸದ್ಯ ಮೊದಲ ಪ್ರಮಾಣದ ಲಸಿಕೆಯನ್ನು ನೀಡಲಾಗುತ್ತಿದೆ. ಹಾಗೇ ಇನ್ನೂ 14 ದಿನಗಳ ಬಳಿಕ ಅವರಿಗೆ ಎರಡನೇ ಡೋಸ್​​ ಲಸಿಕೆ ಕೊಡಲಾಗುತ್ತದೆ. ಇದನ್ನೂ ಓದಿ: ಅನಾಥವಾಗಿರುವ ಕಾರಿನ ಹತ್ತಿರ ಹೋಗೋ ಧೈರ್ಯ ಯಾರಿಗೂ ಇಲ್ಲ, ಕಾರಣ ನಂಬರ್​ ಪ್ಲೇಟ್​…!

ನಿಗದಿಪಡಿಸಿದ ಅವಧಿ ಪೂರ್ಣಗೊಂಡ ನಂತರ, ಲಸಿಕೆ ಪಡೆದ ಸ್ವಯಂ ಸೇವಕರನ್ನು ತಪಾಸಣೆಗೆ ಒಳಪಡಿಸಲಾಗುವುದು. ಅದು ಹೇಗೆ? ಎಷ್ಟು ಪರಿಣಾಮ ಬೀರಿದೆ ಎಂಬುದನ್ನು ಪರೀಕ್ಷಿಸಲಾಗುವುದು ಎಂದು ಏಮ್ಸ್​ ತಿಳಿಸಿದೆ.

ಕೊವಾಕ್ಸಿನ್ ಕ್ಲಿನಿಕಲ್​ ಟ್ರಯಲ್​ಗಾಗಿ ಐಸಿಎಂಆರ್​ ಆಯ್ಕೆ ಮಾಡಿದ 12 ಸ್ಥಳಗಳಲ್ಲಿ ಪುಣೆಯ ಏಮ್ಸ್​​ ಕೂಡ ಒಂದು. ಲಸಿಕೆಯ ಪ್ರಯೋಗಕ್ಕೆ 22-50ವರ್ಷದವರೆಗಿನ ಆರೋಗ್ಯವಂತರನ್ನೇ ಆಯ್ಕೆ ಮಾಡಿಕೊಳ್ಳಲಾಗುವುದು ಎಂದು ಈ ಹಿಂದೆ ಪಟನಾ ಏಮ್ಸ್​ನ ಸೂಪರಿಟೆಂಡಂಟ್​ ಡಾ. ಸಿ.ಎಂ.ಸಿಂಗ್​ ಹೇಳಿದ್ದರು. (ಏಜೆನ್ಸೀಸ್​)

https://www.vijayavani.net/drone-prathap-warns-trolls-whose-spread-fake-news-about-prathap-suicide/