Death Note: ಪ್ರೀತಿ ಎಂಬುದೇ ಹಾಗೇ. ಯಾವಾಗ, ಯಾರ ಮೇಲೆ ಪ್ರೀತಿ ಎಂಬ ಹೂವು ಚಿಗುರಿ, ಅರಳುತ್ತದೆ ಎಂದು ತಿಳಿಯೋದಿಲ್ಲ. ಪ್ರೇಮದ ಕಣ್ಣೋಟ, ಪ್ರೀತಿಯ ಹೃದಯ ಬಡಿತ ನಾಡಿ ಮಿಡಿತವಾಗಿ ಪ್ರೇಮಿಗಳನ್ನು ಕಾಡುವುದು ತೀರ ಸಾಮಾನ್ಯ ಸಂಗತಿ. ಕೆಲವರಿಗೆ ತಾವು ಪ್ರೀತಿಸಿದ ಹುಡುಗ ಅಥವಾ ಹುಡುಗಿ ಸಿಕ್ಕರೆ, ಇನ್ನೂ ಕೆಲವರಿಗೆ ತಮ್ಮಿಷ್ಟದ ಜೀವಗಳು ಪ್ರೀತಿಗೆ ಮಾತ್ರ ಸೀಮಿತ ಆಗುತ್ತಾರೆಯೇ ಹೊರತು ದಾಂಪತ್ಯ ಜೀವನದವರೆಗೂ ಹೋಗುವುದಿಲ್ಲ. ಇದು ಅತೀವ ದುಃಖಕ್ಕೆ ಕಾರಣವಾಗುತ್ತದೆ. ಆದರೆ, ಪ್ರೀತಿ, ಪ್ರೀತಿಸಿದವರು ಸಿಕ್ಕರೂ ಬಾಳಲು ಸಾಧ್ಯವಾಗದೆ ಇಬ್ಬರು ಯುವ ಪ್ರೇಮಿಗಳು ಸಾವಿಗೆ ಶರಣಾದ ಘಟನೆಯೊಂದು ಹೆತ್ತವರನ್ನು ಕಣ್ಣೀರಿನಲ್ಲಿ ಕೈತೊಳೆಯುವಂತೆ ಮಾಡಿದೆ.
