ನಾಗ್ಪುರದ ಕ್ಯಾಥೋಲಿಕ್ ಸ್ಮಶಾನದಲ್ಲಿ ಶವಸಂಸ್ಕಾರ ಮಾಡುವ ವಿಜಯ್ ಅಲಿಕ್ ಮೈಕೆಲ್ ಮಾತನಾಡಿ, ನಾನು ಕಳೆದ ಐದು ವರ್ಷಗಳಿಂದ ಶವಪೆಟ್ಟಿಗೆಯನ್ನು ತಯಾರಿಸುತ್ತಿದ್ದೇನೆ. ಆದಾಗ್ಯೂ, ನಾನು ದಂಪತಿಗೆ ಶವಪೆಟ್ಟಿಗೆಯನ್ನು ತಯಾರಿಸುತ್ತಿರುವುದು ಇದೇ ಮೊದಲು. ಅವರ ಸಂಬಂಧಿಕರು ಅವರನ್ನು ಒಟ್ಟಿಗೆ ಅಂತ್ಯಕ್ರಿಯೆ ಮಾಡಲು ಬಯಸಿದ್ದಾರೆ ಎಂದರು. ಇನ್ನು 26 ವರ್ಷಗಳ ಹಿಂದೆ ತಮ್ಮ ಮದುವೆಯಲ್ಲಿ ಧರಿಸಿದ್ದ ಬಟ್ಟೆಯಲ್ಲೇ ಸಮಾಧಿ ಮಾಡಬೇಕೆಂದು ದಂಪತಿ ಡೆತ್ನೋಟ್ನಲ್ಲಿ ಉಲ್ಲೇಖಿಸಿದ್ದಾರೆ. ಸಾಂಕ್ರಾಮಿಕ ಸಮಯದಲ್ಲಿ ಜೆರಿಲ್ ತಮ್ಮ ಕೆಲಸವನ್ನು ಬಿಡುವ ಮೊದಲು ಹಲವಾರು ಹೋಟೆಲ್ಗಳಲ್ಲಿ ಅಡುಗೆಯವರಾಗಿ ಕೆಲಸ ಮಾಡುತ್ತಿದ್ದರು. ಜೆರಿಲ್ ಪತ್ನಿ ಆನ್ನಿ ಗೃಹಿಣಿಯಾಗಿದ್ದರು. ಜೆರಿಲ್ ಅವರು ಹಣವನ್ನು ಬಡ್ಡಿಗೆ ಸಾಲ ನೀಡಿ, ಅದರಲ್ಲೇ ಜೀವನ ನಡೆಸುತ್ತಿದ್ದರು ಎಂದು ಕುಟುಂಬ ಸದಸ್ಯರು ತಿಳಿಸಿದ್ದಾರೆ.
