ನ್ಯಾಯಾಂಗದಲ್ಲಿ ಭ್ರಷ್ಟಾಚಾರವು ಅತ್ಯಂತ ಸೂಕ್ಷ್ಮ ಮತ್ತು ಗಂಭೀರ ವಿಷಯವಾಗಿದೆ ಎಂದಿರುವ ಅವರು, ನ್ಯಾಯಾಂಗವು ಜನರಿಗೆ ನ್ಯಾಯ ಸಿಗುವ ಸ್ಥಳವಾಗಿದೆ. ಅಲ್ಲಿಯೇ ಭ್ರಷ್ಟಾಚಾರವಿದ್ದರೆ, ಅದು ಎಲ್ಲರಿಗೂ ಕಳವಳ ತರುವಂಥದ್ದಾಗಿರುತ್ತದೆ. ಅದಕ್ಕಾಗಿಯೇ ನ್ಯಾ.ಯಶವಂತ ವರ್ವ ಅವರನ್ನು ಪದಚ್ಯುತಗೊಳಿಸುವ ನಿರ್ಣಯಕ್ಕೆ ಎಲ್ಲ ರಾಜಕೀಯ ಪಕ್ಷಗಳು ಸಹಿ ಹಾಕಬೇಕಿದೆ. ಪ್ರಮುಖ ವಿಪಕ್ಷವಾದ ಕಾಂಗ್ರೆಸ್, ಈ ವಿಷಯದ ಗಂಭೀರತೆ ಅರ್ಥಮಾಡಿಕೊಂಡಿದೆ ಮತ್ತು ಈ ವಿಷಯದ ಬಗ್ಗೆ ಮಾತನಾಡಲು ಒಪ್ಪಿದೆ ಎಂಬುದು ಸಂತೋಷಕರ ವಿಚಾರ. ಯಾವುದೇ ಪಕ್ಷವು ಭ್ರಷ್ಟ ನ್ಯಾಯಮೂರ್ತಿಗಳ ಪರವಾಗಿ ನಿಲ್ಲುವುದಿಲ್ಲ. ನ್ಯಾಯಾಂಗದಲ್ಲಿನ ಭ್ರಷ್ಟಾಚಾರದವಿಷಯಕ್ಕೆ ಬಂದಾಗ, ನಾವು ಒಟ್ಟಾಗಿ ನಿಲ್ಲಬೇಕು. ಯಾವುದೇ ಪಕ್ಷಪಾತದ ಮನೋಭಾವ ಇರಬಾರದು ಮತ್ತು ಅದನ್ನು ರಾಜಕೀಯ ವಿಷಯ ಆಗಿಸಬಾರದು ಎಂದಿದ್ದಾರೆ.
