ಚಿಕನ್​​ನಲ್ಲೂ ಕೊವಿಡ್​-19 ಸೋಂಕು...! ಆತಂಕ ಬೇಡ ಎಂದು ಹೇಳಿದ್ದೇಕೆ ಸರ್ಕಾರ?

ಭೋಪಾಲ್​: ಕೋಳಿಗಳಲ್ಲಿ ಕರೊನಾ ವೈರಸ್​? ಕೋಳಿ ಸಾಕಣಿಕಾ ಕೇಂದ್ರಗಳಲ್ಲಿ ಕೊವಿಡ್​-19 ಸೋಂಕು ಕಾಣಿಸಿಕೊಳ್ಳುತ್ತಿದೆ ಎಂದು ಸುದ್ದಿ ಮಾಧ್ಯಮವೊಂದು ವರದಿ ಮಾಡಿದೆ.

ಮಧ್ಯಪ್ರದೇಶದ ಹಲವು ಜಿಲ್ಲೆಗಳಲ್ಲಿ ಕೋಳಿ ಸಾಕಣಿಕಾ ಕೇಂದ್ರಗಳಲ್ಲಿ ಕೊವಿಡ್​-19 ಇರುವುದು ಆರೋಗ್ಯ ಇಲಾಖೆ ನಡೆಸಿದ ತಪಾಸಣೆಯಿಂದ ಬೆಳಕಿಗೆ ಬಂದಿದೆ. ಭೋಪಾಲ್​, ಗ್ವಾಲಿಯರ್​, ಇಂಧೋರ್​, ಉಜ್ಜೈನ್​, ರತ್ಲಂ, ದೇವಾಸ್, ಇಂಧೋರ್​, ಬದ್ನಾಗರ, ಸೆಹೋರ್, ಬಾರ್ವಾನಿ ಮತ್ತು ಮೊಹೋಗಳಲ್ಲಿನ ಪೌಲ್ಟ್ರಿಗಳಲ್ಲಿದ್ದ ಕೋಳಿಗಳ ರಕ್ತದ ಮಾದರಿಗಳನ್ನು ಆಯಾ ಜಿಲ್ಲಾಡಳಿತಗಳಿಂದ ಕೊವಿಡ್​-19 ಟೆಸ್ಟ್​​ಗೆ ಒಳಪಡಿಸಲಾಗಿತ್ತು. ಈಗ ಅಲ್ಲೆಲ್ಲ ಕಡೆಗಳಲ್ಲೂ ಕರೊನಾ ಇರುವುದು ದೃಢಪಟ್ಟಿದೆ ಎಂದು ವರದಿಯಾಗಿತ್ತು. ಇದನ್ನು ಕೇಳಿದ ಅಲ್ಲಿನ ಜನ ಸಿಕ್ಕಾಪಟೆ ಗಾಬರಿಯಾಗಿದ್ದರು. ಚಿಕನ್​ ಪ್ರಿಯರಂತೂ ತುಂಬ ತಲೆಕೆಡಿಸಿಕೊಂಡಿದ್ದರು. ಪೌಲ್ಟ್ರಿಗಳಿಂದ ಕೋಳಿಗಳನ್ನು ತೆಗೆದುಕೊಂಡು ಹೋಗಿ, ಚಿಕನ್​ ತಿಂದವರೆಲ್ಲ ವಿಪರೀತ ಭಯಭೀತರಾಗಿದ್ದರು. ಇದನ್ನೂ ಓದಿ: ಚೀನಾ ಗುರಿಯಾಗಿಸಿ ಕ್ಷಿಪಣಿ ಸಜ್ಜುಗೊಳಿಸಿರುವ ಜಪಾನ್​; ಯಾವುದರ ಮುನ್ಸೂಚನೆ ಇದು…?

ಆದರೆ ಇದೆಲ್ಲ ಸುಳ್ಳು ಸುದ್ದಿ ಎಂದು ಮಧ್ಯಪ್ರದೇಶದ ಪಶುಸಂಗೋಪನಾ ಇಲಾಖೆ ಸ್ಪಷ್ಟಪಡಿಸಿದೆ. ಚಿಕನ್​ನ್ನು ತಿನ್ನುವುದರಿಂದ ಕರೊನಾ ಸೋಂಕಿನ ಭಯವಿಲ್ಲ. ಗ್ರಾಹಕರು ಆತಂಕ ಪಡುವ ಅಗತ್ಯವಿಲ್ಲ. ಸುಳ್ಳು ಸುದ್ದಿಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಮಾಡಲಾಗುತ್ತಿದೆ. ಅದನ್ನು ಯಾರೂ ನಂಬಬೇಡಿ ಎಂದು ಸರ್ಕಾರ ಪ್ರಕಟಣೆ ಹೊರಡಿಸಿದೆ. ಇದನ್ನೂ ಓದಿ: ಬೆಂಗಳೂರಲ್ಲಿ ಮತ್ತೆ ಸೀಲ್​ಡೌನ್​, ಈ 5 ಏರಿಯಾಗಳು ಕಂಪ್ಲೀಟ್​ ಬಂದ್

ಕೋಳಿ ಸಾಕಣಾ ಕೇಂದ್ರಗಳಲ್ಲಿ ಕರೊನಾ ಸೋಂಕು ಕಾಣಿಸಿಕೊಂಡಿದೆ ಎಂಬ ಮಾಧ್ಯಮವೊಂದರ ವರದಿ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟೆ ವೈರಲ್​ ಆದ ಬೆನ್ನಲ್ಲೇ ಪಶುಸಂಗೋಪನಾ ಇಲಾಖೆ ಅಧಿಕೃತ ಪ್ರಕಟಣೆ ಹೊರಡಿಸಿದೆ.

ಅಷ್ಟೇ ಅಲ್ಲ, ಯಾವ ಪೌಲ್ಟ್ರಿಯಿಂದಲೂ ಮಾದರಿಗಳನ್ನು ಸಂಗ್ರಹಿಸಲಾಗಿಲ್ಲ. ಕೋಳಿಗಳಲ್ಲಿ ಕರೊನಾ ಸೋಂಕು ಪತ್ತೆಯೂ ಆಗಿಲ್ಲ ಎಂದು ಸ್ಪಷ್ಟಪಡಿಸಿದೆ.(ಏಜೆನ್ಸೀಸ್​)

https://www.vijayavani.net/a-cache-of-condoms-viagra-contraceptive-pills-and-porn-was-recovered-from-a-terror-hideout/