ಮುಂಬೈನ ಕಾರ್ಖಾನೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ಅನ್ಸಾರಿ ಎಂಬಾತ ಲಾಕ್ಡೌನ್ನಿಂದ ಒಂದು ತಿಂಗಳ ಹಿಂದೆಯೇ ತವರಿಗೆ ಮರಳಿದ್ದರು. ಇದೀಗ ತಮ್ಮ ನೋವನ್ನು ತೋಡಿಕೊಂಡಿದ್ದು, ಉತ್ತರ ಪ್ರದೇಶದಲ್ಲೇ ಕೆಲಸ ಸಿಕ್ಕರೇ ಮತ್ತೆ ಮುಂಬೈಗೆ ಹೋಗುವುದಿಲ್ಲ. ನಾನು ಕೆಲಸ ಮಾಡುತ್ತಿದ್ದ ಕಂಪನಿ ಇನ್ನು ಆರಂಭವಾಗಿಲ್ಲ. ಆದರೆ, ನಾನು ತವರಿಗೆ ಮರಳಿ ಯಾವ ಕೆಲಸ ಮಾಡಲು ಸಾಧ್ಯವೋ ಎಲ್ಲವನ್ನು ಮಾಡಿದೆ. ಹಸಿವಿಗಿಂತ ಕರೊನಾವೇ ಉತ್ತಮ ಎಂಬ ಅನ್ಸಾರಿ ಮಾತು ಕೇಳುವವರ ಕಣ್ಣಲ್ಲಿ ಒಮ್ಮೆ ನೀರು ತರಿಸದೇ ಇರದು. ನನ್ನ ಮಕ್ಕಳು ಕರೊನಾ ವೈರಸ್ನಿಂದ ಸಾಯುವುದಕ್ಕಿಂತ ನಾನು ಸಾಯುವುದು ಉತ್ತಮ ಎಂದು, ಕೆಲಸಕ್ಕೆ ತೆರಳುವ ಮುನ್ನ ಅನ್ಸಾರಿ ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯಿಸಿದರು.
