FACTCHECK |ಕೊರೊನಾ ವೈರಸ್​ ಪತ್ತೆಯಾದ ಹಂದಿಗಳನ್ನು ಚೀನಾದಲ್ಲಿ ಜೀವಂತವಾಗಿ ಸುಡಲಾಗುತ್ತಿದ್ದೆಯೇ?

ನವದೆಹಲಿ: ಕೊರೊನಾ ಸೋಂಕಿನಿಂದ ತತ್ತರಿಸಿರುವ ಚೀನಾದಲ್ಲಿ ವೈರಸ್​ ಪತ್ತೆಯಾದ ಹಂದಿಗಳನ್ನು ಜೀವಂತವಾಗಿ ಸುಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.

ಈ ವಿಡಿಯೋಗಳನ್ನು ಬಹುತೇಕ ಮಂದಿ ಫೇಸ್​ಬುಕ್​ ಬಳಕೆದಾರರು ಹಂಚಿಕೊಳ್ಳುತ್ತಿದ್ದಾರೆ. ಕೊರೊನಾ ವೈರಸ್​ ಹರಡುವುದನ್ನು ತಡೆಯಲು ಚೀನಾ ಸರ್ಕಾರ ಹಂದಿಗಳನ್ನು ನಾಶಪಡಿಸುತ್ತಿದೆ ಎಂದು ಶೀರ್ಷಿಕೆ ಬರೆದಿರುವ ವಿಡಿಯೋಗಳು ಹಂಚಿಕೆಯಾಗುತ್ತಿವೆ. ಆದರೆ ಈ ವಿಡಿಯೋ ನಕಲಿ ಎಂಬುದು ಫ್ಯಾಕ್ಟ್​ ಚೆಕ್​ನಿಂದ ಪತ್ತೆಯಾಗಿದೆ.

ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್‌ಡಬ್ಲ್ಯೂಎ) ವೈರಲ್​ ಆಗಿರುವ ಈ ವಿಡಿಯೋ ದೃಶ್ಯ ಅಂದಾಜು ಒಂದು ವರ್ಷ ಹಳೆಯದು ಎಂದು ಕಂಡುಹಿಡಿದಿದೆ. ಚೀನಾದಲ್ಲಿ ಕೊರೊನಾ ವೈರಸ್​ ಪತ್ತೆಯಾಗುವ ಮೊದಲು ಈ ವಿಡಿಯೋ ಚಿತ್ರೀಕರಿಸಲಾಗಿದೆ ಎಂಬುದನ್ನು ಪತ್ತೆ ಮಾಡಿದೆ.

ಚೀನಾದಲ್ಲಿ ವೈರಸ್​ ಪತ್ತೆಯಾಗುವ ಮೊದಲು ಅಂದರೆ ಜ.11 2019ರಂದು ಚಿತ್ರೀಕರಿಸಿ ಯೂಟೂಬ್​ಗೆ ಅಪ್​ಲೋಡ್​ ಮಾಡಲಾಗಿದೆ. ಹಂದಿಗಳನ್ನು ಜೀವಂತವಾಗಿ ಸುಡುವುದು ಹಾಗೂ ಹೂಳುವುದು ಎಂದು ಶೀರ್ಷಿಕೆ ಬರೆದು ಅಪ್​ಲೋಡ್​ ಮಾಡಲಾಗಿದೆ.

ಈ ಹಳೇ ವಿಡಿಯೋ ಅನ್ನು ಈಗ ಕೊರೊನಾ ವೈರಸ್​ಗೆ ಸಂಪರ್ಕ ಕಲ್ಪಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೆ ಮಾಡಲಾಗುತ್ತಿದೆ. ಕೊರೊನಾ ವೈರಸ್​ಗೂ ಹಂದಿಗಳನ್ನು ಜೀವಂತವಾಗಿ ಸುಡುವುದಕ್ಕೂ ಯಾವುದೇ ಸಂಬಂಧ ಎಲ್ಲ ಎಂಬುದು ಪತ್ತೆಯಾಗಿದೆ. (ಏಜೆನ್ಸೀಸ್​)