ಮಕ್ಕಳು, ಯುವಜನರೇ ಕರೊನಾ ಟಾರ್ಗೆಟ್​- ಬೆಂಬಿಡದೇ ಕಾಡುತ್ತಿದೆ ಮಹಾಮಾರಿ!

ಬೆಂಗಳೂರು: ಕರೊನಾ ವೈರಸ್​ಗೆ ಕರ್ನಾಟಕ ತತ್ತರಿಸುತ್ತಿದೆ. ಕಳೆದ 24 ಗಂಟೆಗಳ ಅವಧಿಯಲ್ಲಿ 55 ಹೊಸ ಕೇಸ್​ಗಳು ಪತ್ತೆಯಾಗಿವೆ. ಇವರಲ್ಲಿ ಹೆಚ್ಚಿನವರು ಮಕ್ಕಳು ಮತ್ತು ಯುವಕರು ಎಂಬ ಆತಂಕಕಾರಿ ವರದಿ ಬಹಿರಂಗಗೊಂಡಿದೆ.

ಈ ಮೂಲಕ ರಾಜ್ಯದಲ್ಲಿ ಕರೊನಾ ಸೋಂಕಿತರ ಸಂಖ್ಯೆ 1147ಕ್ಕೆ ಏರಿದೆ. ಇವರಲ್ಲಿ 506 ಮಂದಿ ಆಸ್ಪತ್ರೆಯಿಂದ ಬಿಡುಗಡೆಹೊಂದಿದ್ದರೆ 600 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈವರೆಗೆ ಸೋಂಕು 37 ಮಂದಿಯನ್ನು ಬಲಿ ಪಡೆದಿದೆ.

ಇದನ್ನೂ ಓದಿ: VIDEO: ಸರ್ಕಾರವನ್ನು ಪ್ರಶ್ನಿಸಿದ್ದಕ್ಕೆ ಆಗ ಅಮಾನತು ಶಿಕ್ಷೆ; ಈಗ ಕಟ್ಟಿ, ಥಳಿಸಿ, ಎಳೆದಾಡಿದ ಪೊಲೀಸರು- ವೀಡಿಯೋ ವೈರಲ್​

ನಿನ್ನೆ ಸಂಜೆ 5 ಗಂಟೆಯಿಂದ ಇಂದು ಸಂಜೆ 5 ಗಂಟೆಯವರೆಗೆ ಕಂಡುಬಂದಿರುವ ಹೊಸ ಸೋಂಕುಗಳಲ್ಲಿ ಪ್ರತಿದಿನದಂತೆಯೇ ಹೊರ ರಾಜ್ಯಗಳಿಂದ ಬಂದಿರುವವರೇ ಹೆಚ್ಚು ಮಂದಿ. ಆದರೆ ಇವರ ಪೈಕಿ ಹೆಚ್ಚಿನವರು ಮಕ್ಕಳು ಮತ್ತು ಯುವಕ-ಯುವತಿಯರು.

ಮಂಡ್ಯದಲ್ಲಿ ಮುಂಬೈನಿಂದ ಬಂದಿರುವ ಒಂದು ವರ್ಷದ ಮಗುವಿಗೆ, ಹಾಸನದಲ್ಲಿ 3 ವರ್ಷದ ಮಗುವಿಗೂ ಸೋಂಕು ತಗುಲಿದೆ. ಇದನ್ನು ಹೊರತುಪಡಿಸಿದರೆ, 40 ವರ್ಷದಿಂದ ಕಡಿಮೆ ವಯೋಮಾನದವರೇ ಹೆಚ್ಚು ಮಂದಿ ಸೋಂಕಿಗೆ ಒಳಗಾಗಿದ್ದಾರೆ.

ಇದನ್ನೂ ಓದಿ: ಧಾವಂತ ತಂದಿಟ್ಟ ಆಪತ್ತು: ಪ್ರಾಣ ಕಳೆದುಕೊಂಡ 116 ವಲಸೆ ಕಾರ್ಮಿಕರು!

ಕಳೆದ 24 ಗಂಟೆಗಳ ಅವಧಿಯಲ್ಲಿ ಕಂಡುಬಂದಿರುವ ಸೋಂಕಿತರ ಸಂಖ್ಯೆಯಲ್ಲಿ ಮಂಡ್ಯ 21, ಕಲಬುರಗಿ 10, ಹಾಸನ 6, ಯಾದಗಿರಿ 3, ಕೋಲಾರ 3, ದಕ್ಷಿಣ ಕನ್ನಡ 2, ಧಾರವಾಡ 2, ಶಿವಮೊಗ್ಗ 2 ಹಾಗೂ ಉಡುಪಿ, ವಿಜಯಪುರ, ಮಂಡ್ಯ, ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳದಲ್ಲಿ ತಲಾ ಒಂದೊಂದು ಪ್ರಕರಣ ದಾಖಲಾಗಿದೆ.

ಹೆಚ್ಚಿನ ವಿವರ ಇಲ್ಲಿದೆ: