ಸಕ್ರಿಯತೆಯನ್ನೇ ಕಳೆದುಕೊಳ್ಳುತ್ತಿರುವ ಕರೊನಾ; ಈ ತಿಂಗಳಲ್ಲೇ ಕೊನೆಯಾದೀತೇ ಪಿಡುಗು?

ಬೆಂಗಳೂರು: ಕಳೆದ ಕೆಲವು ದಿನಗಳಿಂದ ಹೊಸ ಪ್ರಕರಣಗಳ ಸಂಖ್ಯೆ ತಗ್ಗುತ್ತಿರುವ ಜೊತೆಜೊತೆಗೆ ಸಕ್ರಿಯ ಪ್ರಕರಣಗಳ ಸಂಖ್ಯೆಯೂ ಇಳಿಮುಖವಾಗುತ್ತಿದ್ದು, ಇನ್ನು ಕೆಲವೇ ದಿನಗಳಲ್ಲಿ ಕರೊನಾ ಇಲ್ಲವಾದೀತೇ ಎಂಬ ಆಶಯವೊಂದನ್ನು ಮೂಡಿಸಿದೆ.

ಕೆಲವೇ ದಿನಗಳ ಹಿಂದೆ ದಿನವೊಂದಕ್ಕೆ ಹತ್ತು ಸಾವಿರದಷ್ಟು ವರದಿಯಾಗುತ್ತಿದ್ದ ಕರೊನಾ ಪ್ರಕರಣ ಇದೀಗ ರಾಜ್ಯದಲ್ಲಿನ ಸಕ್ರಿಯ ಪ್ರಕರಣಗಳ ಸಂಖ್ಯೆಯೇ ಹತ್ತು ಸಾವಿರಕ್ಕೆ ಸಮೀಪಿಸಿದೆ. ಮೂರ್ನಾಲ್ಕು ದಿನಗಳ ಟ್ರೆಂಡ್ ಗಮನಿಸಿದರೆ ಸಕ್ರಿಯ ಪ್ರಕರಣಗಳ ಸಂಖ್ಯೆ ನಾಳೆಯೇ ಹತ್ತು ಸಾವಿರಕ್ಕಿಂತ ಕಡಿಮಾದರೂ ಅಚ್ಚರಿ ಏನಿಲ್ಲ.

ಫೆ. 16ರಂದು ರಾಜ್ಯದಲ್ಲಿ 23,284ದಷ್ಟಿದ್ದ ಸಕ್ರಿಯ ಪ್ರಕರಣಗಳ ಸಂಖ್ಯೆ ಫೆ.17ರಂದು 19,761, ಫೆ.18ರಂದು 16,184ಕ್ಕೆ ಇಳಿದಿದ್ದ, ಇಂದು ಸಕ್ರಿಯ ಪ್ರಕರಣಗಳ ಸಂಖ್ಯೆ 13,431ಕ್ಕೆ ಕುಸಿದಿದೆ. ಮತ್ತೊಂದೆಡೆ ದೈನಂದಿನ ಹೊಸ ಪ್ರಕರಣಗಳ ಸಂಖ್ಯೆ ಕೂಡ ಮೂರ್ನಾಲ್ಕು ದಿನಗಳಿಂದ ಇಳಿಯುತ್ತಲೇ ಇದ್ದು, ಅದು ಇಂದು 1,137 ಆಗಿದೆ. ಅದಾಗ್ಯೂ ಕಳೆದ 24 ಗಂಟೆಗಳಲ್ಲಿ ಕರೊನಾದಿಂದಾಗಿ ಮೃತಪಟ್ಟವರ ಸಂಖ್ಯೆ 20 ಆಗಿರುವುದು ಒಂದಷ್ಟು ಆತಂಕವನ್ನು ಉಳಿಸಿದ್ದು, ಮುನ್ನೆಚ್ಚರಿಕೆ ವಹಿಸಲೇಬೇಕು ಎಂಬ ಸೂಚನೆಯನ್ನು ನೀಡಿದೆ.

https://www.vijayavani.net/one-who-continued-taking-bribe-even-after-retirement-is-trapped-by-acb/

https://www.vijayavani.net/man-buys-scooter-with-a-sack-full-of-savings-in-coins/