ಗುರುವಾರ ಪರಿಶೀಲನೆಗೆ ಬಂದಿದ್ದ ಓಂಕಾರ್ ಸಿಂಗ್, ಬಾಕಿ ಇರುವ ಕೇಸ್ಗಳ ಬಗ್ಗೆ ಪ್ರಶ್ನಿಸಿದ್ದರು. ಪಂಜಾಬ್ ಮತ್ತು ಹರಿಯಾಣ ಹೈಕೋರ್ಟ್ಗಳಲ್ಲಿ ಮರುದಿನ ವಿಚಾರಣೆಗೆ ಬರಲಿದ್ದ ಕೇಸ್ಗಳ ಕುರಿತು ಪ್ರಶ್ನಿಸಿದ್ದರು. ಆ ಪೈಕಿ ಒಂದರ ತನಿಖೆಯ ಜವಾಬ್ದಾರಿ ಮಾತ್ರ ತನ್ನಗಾಗಿದ್ದು, ಉಳಿದವುಗಳ ಬಗ್ಗೆ ಸಂಬಂಧಪಟ್ಟ ತನಿಖಾಧಿಕಾರಿಗಳನ್ನು ಕೇಳಬೇಕು ಎಂದು ಸತೀಶ್ ಉತ್ತರಿಸಿದ್ದರು. ಆದರೆ ಆ ಬಳಿಕ ಓಂಕಾರ್ ಸಿಂಗ್ ತನಗೆ ಕಿರುಕುಳ ನೀಡಲಾರಂಭಿಸಿದ್ದು, ರೆಕಾರ್ಡ್ ಬುಕ್ನಲ್ಲಿ ದೂರು ಕೂಡ ದಾಖಲಿಸಿದ್ದರು ಎಂದು ಸತೀಶ್ ಹೇಳಿಕೊಂಡಿದ್ದಾರೆ. ಹೀಗೆ ಸತಾಯಿಸುವ ಬದಲು ನೀವು ನನಗೆ ಶೂಟ್ ಮಾಡಿದ್ದರೆ ಒಳ್ಳೆಯದಿತ್ತು ಎಂದು ನಾನು ಅವರಿಗೆ ಉತ್ತರಿಸಿದ್ದಾಗಿ ಹೇಳಿಕೊಂಡಿರುವ ಸತೀಶ್ ಕುಮಾರ್, ಕೊನೆಗೆ ತಾವೇ ಶೂಟ್ ಮಾಡಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
