'ನನಗೆ ಬೇಗನೆ ಔಷಧಿ ನೀಡಿ' ತಾನೇ ಬೈಕ್‌ ಓಡಿಸಿಕೊಂಡು ಆಸ್ಪತ್ರೆಗೆ ತಲುಪಿದ 10 ನಿಮಿಷಗಳಲ್ಲಿ ಕಾನ್‌ಸ್ಟೆಬಲ್ ಸಾವು..cardiac arrest

ಲಕ್ನೋ :  ( cardiac arrest ) ಕರ್ತವ್ಯದಲ್ಲಿದ್ದ ಕಾನ್‌ಸ್ಟೆಬಲ್​​ಗೆ ಇದ್ದಕ್ಕಿದ್ದಂತೆ ಎದೆಯಲ್ಲಿ ತೀಕ್ಷ್ಣವಾದ ನೋವು ಕಾಣಿಸಿಕೊಂಡಿತು. ತಕ್ಷಣ ತಾವೇ ಬೈಕ್ ಓಡಿಸಿಕೊಂಡು ಆಸ್ಪತ್ರೆಗೆ ತಲುಪಿದ 10 ನಿಮಿಷಗಳಲ್ಲಿ ಅವರು ನಿಧನರಾಗಿದ್ದಾರೆ. ಲಕ್ನೋದ ಮಾಲ್-ರಹಿಮಾಬಾದ್ ಪೊಲೀಸ್ ಠಾಣೆಯಲ್ಲಿ ಈ ಪ್ರಕರಣ ವರದಿಯಾಗಿದೆ.

ದೀಪಕ್​​​ ಕುಮಾರ್​ (30) ಮೃತರಾಗಿದ್ದಾರೆ. ಇವರು ರಹಿಮಾಬಾದ್ ಪೊಲೀಸ್ ಠಾಣೆಯಲ್ಲಿ ಡಯಲ್ -112 ನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರು. ಹೃದಯ ಸ್ತಂಭನದಿಂದ ಸಾವನ್ನೊಪ್ಪಿದ್ದಾರೆ.

ನಡೆದಿದ್ದೇನು?:

ಡಯಲ್ -112 ನಲ್ಲಿ ನಿಯೋಜಿತರಾಗಿದ್ದ 30 ವರ್ಷದ ಕಾನ್‌ಸ್ಟೆಬಲ್ ದೀಪಕ್ ಕುಮಾರ್ ಅವರಿಗೆ ಇದ್ದಕ್ಕಿದ್ದಂತೆ ಮಂಗಳವಾರ ಬೆಳಗ್ಗೆ 6 ಗಂಟೆಗೆ ಎದೆಯಲ್ಲಿ ತೀವ್ರ ನೋವು ಕಾಣಿಸಿಕೊಂಡಿತು. ಇದು ಗ್ಯಾಸ್ಟ್ರಿಕ್ ಸಮಸ್ಯೆ ಎಂದು ಅವರು ಭಾವಿಸಿ, ಸ್ವತಃ ತಮ್ಮ ಬೈಕ್‌ನಲ್ಲಿ ಸಮುದಾಯ ಆರೋಗ್ಯ ಕೇಂದ್ರಕ್ಕೆ (ಸಿಎಚ್‌ಸಿ)ಗೆ ಚಿಕಿತ್ಸೆಗೆಂದು ಹೋಗಿದ್ದಾರೆ.

ಕಾನ್‌ಸ್ಟೆಬಲ್​​ಗೆ ಹೃದಯ ಸ್ತಂಭನ

ದೀಪಕ್ ಸ್ಥಿತಿಯನ್ನು ನೋಡಿದ ವೈದ್ಯರು, ನೀವು ಒಬ್ಬಂಟಿಯಾಗಿ ಏಕೆ ಬಂದಿದ್ದೀರಿ, ನಿಮ್ಮೊಂದಿಗೆ ಯಾರನ್ನಾದರೂ ಕರೆತರಬೇಕಿತ್ತು ಎಂದು ಕೇಳಿದರು. ಇದಕ್ಕೆ ದೀಪಕ್ ಉತ್ತರಿಸಿ, ನೀವು ನನಗೆ ಬೇಗನೆ ಔಷಧಿ ನೀಡಿ. ವೈದ್ಯರು ತಕ್ಷಣ ಅವರಿಗೆ ಚಿಕಿತ್ಸೆ ನೀಡಲು ಪ್ರಾರಂಭಿಸಿದರು ಆದರೆ ಅವರು 10 ನಿಮಿಷಗಳಲ್ಲಿ ನಿಧನರಾಗಿದ್ದಾರೆ.

ಮರಣೋತ್ತರ ಪರೀಕ್ಷೆಯ ನಂತರ, ಶವವನ್ನು ಕುಟುಂಬಕ್ಕೆ ಹಸ್ತಾಂತರಿಸಲಾಗಿದೆ. ದೀಪಕ್ ಕುಮಾರ್ ಅವರ ಕುಟುಂಬದಲ್ಲಿ ಅವರ ತಾಯಿ ಸಾವಿತ್ರಿ, ಸಹೋದರ ರಾಹುಲ್ ಮತ್ತು ತಾಯಿ ಪೂನಂ ಸೇರಿದ್ದಾರೆ. ಅವರ ತಂದೆ ಚಂದ್ರ ಪ್ರಕಾಶ್ ಈಗಾಗಲೇ ನಿಧನರಾಗಿದ್ದಾರೆ. ನಂತರ ಆಸ್ಪತ್ರೆಯ ಸಿಬ್ಬಂದಿ ಪೊಲೀಸ್​​ ಠಾಣೆಗೆ ಮಾಹಿತಿ ನೀಡಿದ್ದಾರೆ.

ಸಹ ಪೊಲೀಸರ ಪ್ರಕಾರ, ದೀಪಕ್‌ಗೆ ಇದುವರೆಗೆ ಯಾವುದೇ ಗಂಭೀರ ಕಾಯಿಲೆ ಇರಲಿಲ್ಲ. ದೀಪಕ್ 2019 ರ ಬ್ಯಾಚ್‌ನ ಕಾನ್‌ಸ್ಟೆಬಲ್ ಆಗಿದ್ದು, ಮಾಲ್ ಪ್ರದೇಶದಲ್ಲಿ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದರು. ಅವರ ಕುಟುಂಬಸ್ಥರು ಆಗ್ರಾ ಜಿಲ್ಲೆಯ ಶಹಗಂಜ್ ಪೊಲೀಸ್ ಠಾಣೆ ಪ್ರದೇಶದಲ್ಲಿರುವ ಪಿಎನ್‌ಟಿ ಕಾಲೋನಿಯಲ್ಲಿದ್ದಾರೆ ಎಂದು ಹೇಳಿದ್ದಾರೆ.

https://www.vijayavani.net/cristiano-ronaldo-engaged-georgina-rodriguezs-pic-of-stunning-diamond-ring