ಬಿಸಿಲ ರಕ್ಷಣೆಗೆ ತಾರಸಿ ಮನೆ ಮೇಲೆ ಕೂಲ್ ರೂಫ್ ಪರಿಹಾರ..!

ಬೆಂಗಳೂರು: ಬೇಸಿಗೆ ಬಂತೆಂದರೆ ಗ್ರಾಮೀಣ ಪ್ರದೇಶಗಳಿಗಿಂತ ನಗರ ಪ್ರದೇಶಗಳಲ್ಲಿ ವಾಸಮಾಡುವವರ ಬವಣೆ ಹೇಳತೀರದು. ಇದಕ್ಕೆ ಪ್ರಮುಖ ಕಾರಣ ನಗರ ಪ್ರದೇಶಗಳಲ್ಲಿ ಬಹುತೇಕ ತಾರಸಿ ಮನೆಗಳಿದ್ದು, ಬಿಸಿಲಿನಿಂದ ಕಾದ ಮನೆಗಳಲ್ಲಿ ಉಷ್ಟಾಂಶ ಹೆಚ್ಚಾಗಿರುತ್ತದೆ. ಇದಕ್ಕೆ ಸಿಂಪಲ್ ಪರಿಹಾರವೆಂದರೆ ಕೂಲ್ ರೂಫ್ ಕೋಟಿಂಗ್.

ಗ್ಲೋಬಲ್ ವಾರ್ಮಿಂಗ್ ಎಂಬುದು ಇಡೀ ಜಗತ್ತನ್ನು ಬಾದಿಸುತ್ತಿರುವ ದೊಡ್ಡ ಸಮಸ್ಯೆ. ಇತ್ತೀಚಿನ ದಿನಗಳಲ್ಲಿ ಈ ಹಿಂದೆಂದೂ ಕಾಣದ ತಾಪಮಾನ ನಾಗರೀಕರನ್ನು ಹಿಂಡೆ ಹಿಪ್ಪೆ ಮಾಡುತ್ತಿದೆ. ವಯೋವೃದ್ಧರು, ಚಿಕ್ಕಮಕ್ಕಳು ಬಿಸಿಲಿನ ತಾಪಕ್ಕೆ ಬಹಳ ಧಣಿಯುತ್ತಿದ್ದಾರೆ. ಮನೆಯ ಹೊರಗಡೆ ಹೋಗದೇ ಮನೆಯಲ್ಲಿದ್ದರೂ ಬಿಸಿಲ ತಾಪ ಕಾಡುತ್ತಿದೆ. ಇದಕ್ಕೆ ಪ್ರಮುಖ ಕಾರಣ ಟಾರ್ಸಿ ಮನೆಗಳು. ಹಿಂದಿನ ಕಾಲದಲ್ಲಿ ಹೆಂಚಿನ ಮನೆಗಳು, ಸುತ್ತುಬಾವಂತಿ ಮನೆಗಳು, ಮಾಳಿಗೆ ಅಥವ ಮುಚ್ಚಿಗೆ ಮನೆಗಳು ಇರುತ್ತಿದ್ದವು. ಈ ಮನೆಗಳಲ್ಲಿ ವೆಂಟಿಲೇಷನ್ ವ್ಯವಸ್ಥೆ ಚನ್ನಾಗಿದ್ದುದರಿಂದ ತಾಪಮಾನ ನಿಯಂತ್ರಣದಲ್ಲಿರುತ್ತಿತ್ತು. ವಿಶೇಷವಾಗಿ ಮುಚ್ಚಿಗೆ ಮನೆಗಳಲ್ಲಿ ಮರದ ಹಲಗೆಗಳ ಮೇಲೆ ಕೆಂಪು ಗೊಚ್ಚುಮಣ್ಣು ಹಾಕಿ ನಿರ್ಮಿಸುತ್ತಿದ್ದುದರಿಂದ ಬೇಸಿಗೆಯಲ್ಲಿ ತಂಪಾಗಿ ಹಾಗೂ ಮಳೆಗಾಲದಲ್ಲಿ ಬೆಚ್ಚನೆ ವಾತಾವರಣ ಇರುತ್ತಿತ್ತು. ಆದರೆ ತಾರಸಿ ಮನೆಗಳಲ್ಲಿ ಈ ಅವಕಾಶವಿಲ್ಲ. ಆದ್ದರಿಂದ ತಾರಸಿ ಮನೆಗಳನ್ನು ಬಿಸಿಲಿನಿಂದ ರಕ್ಷಿಸಲು ಇರುವ ಸರಳ ಟೆಕ್ನಿಕ್ ಕೂಲ್ ರೂಫ್ ಕೋಟಿಂಗ್.

ಸಾಮಾನ್ಯವಾಗಿ ತಾರಸಿ ಮನೆಗಳಲ್ಲಿ ನೀರು ಜಿನುಗುವ ಸಮಸ್ಯೆಗೆ ವಾಟರ್‌ಪ್ರೂಫ್ ಕೋಟಿಂಗ್ ಮಾಡಿಸುತ್ತಾರೆ. ಅದೇ ರೀತಿ ಬಿಸಿಲ ಬೇಗೆಯನ್ನು ಪ್ರತಿರೋಧಿಸುವ ಕೂಲ್ ರೂಫಿಂಗ್ ಪೇಯಿಂಟ್‌ಗಳು ಕೂಡಾ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಕೂಲ್ ರೂಫ್ ಕೋಟಿಂಗ್ ಮಾಡುವುದರಿಂದ ಸೂರ್ಯನ ಕಿರಣಗಳು ಮರು ಪ್ರತಿಲಿಸುತ್ತವೆ. ಈ ಪ್ರಕ್ರಿಯೆಯಿಂದ ರೂಫಿಂಗ್ ಮೇಲಿನ ಉಷ್ಣಾಂಶ ನಿಯಂತ್ರಣದಲ್ಲಿರುತ್ತದೆ. ಇದರಿಂದ ಮನೆಯ ಒಳಗಡೆಯ ತಾಪಮಾನ ಕಡಿಮೆಯಾಗುತ್ತದೆ.

ಕೂಲ್ ರ್ೂ ಪೇಂಟ್ ಮಾಡುವ ಮೊದಲು ಲೋಹದ ಬ್ರಶ್ ಬಳಸಿ ಟೆರೆಸನ್ನು ಸ್ವಚ್ಛಗೊಳಿಸಬೇಕು. ಧೂಳು, ಗ್ರೀಸ್, ಎಣ್ಣೆ ಜಿಡ್ಡನ್ನು ಸ್ವಚ್ಛಗೊಳಿಸಿ ಎರಡು ಗಂಟೆ ನಂತರ ಬೇಸ್ ಕೋಟಿಂಗ್ ಹಚ್ಚಬೇಕು. ಬೇಸ್ ಕೋಟಿಂಗ್ ಹಚ್ಚಿದ ನಾಲ್ಕು ಗಂಟೆ ನಂತರ ಮೇನ್ ಕೋಟಿಂಗ್ ಹಚ್ಚಬೇಕು. ಮೇನ್ ಕೋಟಿಂಗ್ ಸಂಪೂರ್ಣ ಒಣಗಲು 24 ರಿಂದ 48 ಗಂಟೆ ಸಮಯ ಬೇಕಾಗುತ್ತದೆ.

https://www.vijayavani.net/hindu-organizations-have-petitioned-the-governor-demanding-the-formation-of-a-special-investigation-team-to-probe-the-love-jihad-cases