ಪರಿಶಿಷ್ಟ ಸ್ಥಾನಮಾನ ಹಿಂದುಗಳಿಗಷ್ಟೇ ಅನ್ವಯ: ಪರಿಶಿಷ್ಟ ಜಾತಿಯ ಮೀಸಲಾತಿಗಾಗಿ ಧರ್ಮವನ್ನು ಮಾನದಂಡವಾಗಿ ಬಳಸುವ ಸಾಂವಿಧಾನಿಕ ಪ್ರಶ್ನೆಯ ಕುರಿತ ಪ್ರಕರಣ ಇನ್ನೂ ಸುಪ್ರೀಂಕೋರ್ಟ್ನಲ್ಲಿ ಬಾಕಿ ಉಳಿದಿದೆ. ಕ್ರೖೆಸ್ತ ಧರ್ಮ ಮತ್ತು ಇಸ್ಲಾಂ ಧರ್ಮಕ್ಕೆ ಮತಾಂತರಗೊಂಡ ದಲಿತರಿಗೆ ಮೀಸಲಾತಿ ನೀಡಬೇಕು ಎನ್ನುವುದು ಈ ಅರ್ಜಿಗಳ ವಾದ. ರಾಷ್ಟ್ರಪತಿಗಳು ಹೊರಡಿಸಿದ 1950ರ ಸಂವಿಧಾನ (ಪರಿಶಿಷ್ಟ ಜಾತಿಗಳು) ಆದೇಶ ಹಿಂದುಗಳಿಗೆ ಮಾತ್ರ ಎಸ್ಸಿ ಸ್ಥಾನಮಾನ ಕಡ್ಡಾಯಗೊಳಿಸುತ್ತದೆ. ಮೀಸಲಾತಿಯ ಉದ್ದೇಶಗಳಿಗಾಗಿ, ಸಿಖ್ಖರು ಮತ್ತು ಬೌದ್ಧರನ್ನು ಹಿಂದುಗಳೆಂದು ಪರಿಗಣಿಸಲಾಗುತ್ತದೆ. 2007ರಲ್ಲಿ, ನ್ಯಾಯಮೂರ್ತಿ ರಂಗನಾಥ ಮಿಶ್ರಾ ಆಯೋಗವು ಧಾರ್ವಿುಕ ಮತ್ತು ಭಾಷಾ ಅಲ್ಪಸಂಖ್ಯಾತರ ವರದಿಯಲ್ಲಿ ದಲಿತ, ಕ್ರೖೆಸ್ತ ಮತ್ತು ಮುಸ್ಲಿಮರಿಗೆ ಪರಿಶಿಷ್ಟ ಜಾತಿಯ ಕೋಟಾ ಶಿಫಾರಸು ಮಾಡಿತ್ತು.
