ಮೌಲ್ಯಮಾಪನಕ್ಕೆ ನಂಟು: ಆಯಾ ಇಲಾಖೆ ಜತೆಗೆ ಕರೊನಾ ನಿಯಂತ್ರಣದ ಹೊಣೆಗಾರಿಕೆ ನಿರ್ವಹಿಸಿದ ರೀತಿಯೂ ಮೌಲ್ಯಮಾಪನಕ್ಕೆ ಪರಿಗಣಿಸುವ ಸಂದೇಶವನ್ನು ಸಿಎಂ ನೀಡಿ, ಜಡ ಮನಸ್ಥಿತಿಯ ಸಚಿವರಿಗೆ ಚುರುಕು ಮುಟ್ಟಿಸಲಿದ್ದಾರೆ ಎಂದು ಮೂಲಗಳು ಹೇಳಿವೆ. ಜುಲೈನಲ್ಲಿ ಬಿಜೆಪಿ ಅಧಿಕಾರಾವದಿಯ ಮೊದಲ ವರ್ಷ ಪೂರ್ಣಗೊಳ್ಳಲಿದೆ. ಪ್ರಕೃತಿ ವಿಕೋಪ ಪರಿಹಾರ, ಉಪಚುನಾವಣೆ, ನಂತರ ವಕ್ಕರಿಸಿದ ಕರೊನಾದಿಂದಾಗಿ ಸಚಿವರ ಕಾರ್ಯವೈಖರಿ ಪರಾಮಶಿಸಿ, ಮೌಲ್ಯಮಾಪನ ಮಾಡುವ ಮಹೂರ್ತ ಇನ್ನೂ ನಿಗದಿಯಾಗಿಲ್ಲ. ಸಂಪುಟ ವಿಸ್ತರಣೆ ಬದಲು ಪುನಾರಚನೆಗೆ ಸಿಎಂ ಒಲವು ಹೊಂದಿದ್ದು, ಹೈಕಮಾಂಡ್ ಒಪ್ಪಿದರೆ ಎಲ್ಲ ಸಚಿವರ ಮೌಲ್ಯಮಾಪನಕ್ಕೂ ಸೂಚಿಸುವ ಸಾಧ್ಯತೆಗಳಿವೆ. ಕೆಲವರನ್ನು ಕೈಬಿಟ್ಟು ಪಕ್ಷದ ಸಂಘಟನೆಗೆ ಬಳಸಿಕೊಳ್ಳುವುದು, ಹಲವರನ್ನು ಸೇರಿಸಿಕೊಳ್ಳು ವುದಕ್ಕೂ ನೆರವಾಗಲಿದೆ ಎನ್ನುವುದು ಬಿಎಸ್ವೈ ಲೆಕ್ಕಾಚಾರ.
