ಗಡಿ ಪ್ರದೇಶಗಳಲ್ಲಿ ಭಾರತ ನಿರ್ವಿುಸಿರುವ ಸೇತುವೆಗಳು ಹಾಗೂ ಇತರ ಮೂಲ ಸೌಕರ್ಯಗಳೇ ಗಡಿ ವಿವಾದದ ಮೂಲವಾಗಿದೆ ಎಂದು ಚೀನಾ ಆರೋಪಿಸಿದೆ. ಪರಿಸ್ಥಿತಿ ಬಿಗಡಾಯಿಸುವಂಥ ಯಾವುದೇ ಕ್ರಮಗಳಿಗೆ ಉಭಯ ದೇಶಗಳು ಕೈಹಾಕಬಾರದು ಎಂದು ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರ ಝಾವೋ ಲಿಜನ್ ಹೇಳಿದ್ದಾರೆ. ಲಡಾಖ್ ಕೇಂದ್ರಾಡಳಿತ ಪ್ರದೇಶವನ್ನು ಭಾರತ ರಚಿಸಿದ್ದು ಕಾನೂನುಬಾಹಿರ ಕ್ರಮ. ಅದನ್ನು ಹಾಗೂ ಅರುಣಾಚಲ ಪ್ರದೇಶವನ್ನು ತಮ್ಮ ದೇಶ ಮಾನ್ಯ ಮಾಡುವುದಿಲ್ಲ ಎಂದೂ ಲಿಜನ್ ತಿಳಿಸಿದ್ದಾರೆ. ಸೈನಿಕರು ಹಾಗೂ ಸಮರ ವಾಹನಗಳ ಸುಗಮ ರವಾನೆಗೆ ಅನುಕೂಲವಾಗುವಂತೆ ನಿರ್ವಿುಸಿರುವ 44 ಸೇತುವೆಗಳನ್ನು ರಕ್ಷಣಾ ಸಚಿವ ರಾಜನಾಥ ಸಿಂಗ್ ಸೋಮವಾರ ಉದ್ಘಾಟಿಸಿದ್ದರು. ಲಡಾಖ್ನಲ್ಲಿ 7 ಸೇತುವೆ ಸಹಿತ ಜಮ್ಮು-ಕಾಶ್ಮೀರ, ಅರುಣಾಚಲ ಪ್ರದೇಶ, ಸಿಕ್ಕಿಂ, ಹಿಮಾಚಲ ಪ್ರದೇಶ, ಉತ್ತರಾಖಂಡ ಮತ್ತು ಪಂಜಾಬ್ ಗಡಿಯಲ್ಲಿ ಅವುಗಳನ್ನು ನಿರ್ವಿುಸಲಾಗಿದೆ.
