ಕೇರಳ, ಪಶ್ಚಿಮ ಬಂಗಾಳ ಸೇರಿ ಹಲವು ರಾಜ್ಯಗಳು ಪೌರತ್ವ ಕಾಯ್ದೆ ಒಪ್ಪಲ್ಲ ಎಂದು ನಿರ್ಣಯಗಳನ್ನು ಮಂಡಿಸುತ್ತಿವೆ. ಇಂಥ ಸಂದರ್ಭದಲ್ಲಿ ಕೇಂದ್ರದ ಪರವಾಗಿ ಅಭಿಪ್ರಾಯ ಮೂಡಲು ಬಿಜೆಪಿ ಸರ್ಕಾರದ ರಾಜ್ಯಗಳು ಶೀಘ್ರವಾಗಿ ಕಾಯ್ದೆಗೆ ಒಪ್ಪಿಗೆ ಸೂಚಿಸುವ ಅಗತ್ಯತೆ ಇದೆ. ಹೀಗಾಗಿ ಕರ್ನಾಟಕದಲ್ಲಿ ಆದ್ಯತೆ ಮೇಲೆ ಮುಂದಿನ ಅಧಿವೇಶನದಲ್ಲಿ ಮಂಡನೆಯಾಗಲಿದೆ ಎಂಬ ಮಾತಿದೆ. ಕಾಯ್ದೆ ಮಂಡನೆಯಾಗುತ್ತಿದ್ದಂತೆ ಸರ್ಕಾರವನ್ನು ಇಕ್ಕಟ್ಟಿಗೆ ಸಿಲುಕಿಸುವಂತೆ ಮಾಡುವುದು ಕಾಂಗ್ರೆಸ್ ಲೆಕ್ಕಾಚಾರವಾಗಿದೆ. ಪ್ರತಿರೋಧದ ಅಭಿಪ್ರಾಯ ದಾಖಲಿಸಿ ಕಡತದಲ್ಲಿ ದಾಖಲಾಗುವಂತೆ ಮಾಡುವುದು, ತಕ್ಷಣಕ್ಕೆ ಕಾಯ್ದೆ ಒಪ್ಪದಂತೆ ಮುಂದೂಡಲು ಅವಕಾಶವಿರುವ ಕುರಿತಂತೆ ಕೈ ನಾಯಕರು ಚರ್ಚೆ ನಡೆಸಿದ್ದಾರೆ.
