ಹರಿಯಾಣದಂತೆ ಮಹಾರಾಷ್ಟ್ರ ಚುನಾವಣೆಯಯಲ್ಲಿ ಕಾಂಗ್ರೆಸ್​ ಸರ್ವನಾಶ; ಅಮಿತ್​ ಷಾ| Maharashtra Election

ಮುಂಬೈ: ಹರಿಯಾಣದಲ್ಲಿ ಕಾಂಗ್ರೆಸ್ ಹೇಗೆ ಕೊಚ್ಚಿಹೋಗಿದೆ, ಅದೇ ರೀತಿ ಮಹಾರಾಷ್ಟ್ರದ ಚುನಾವಣೆಯಲ್ಲಿ(Maharashtra Election) ವಿರೋಧ ಪಕ್ಷವಾದ ಮಹಾ ವಿಕಾಸ್​ ಅಘಾಡಿ (MVA) ಸರ್ವನಾಶವಾಗಲಿದ ಎಂದು ಕೇಂದ್ರ ಗೃಹ ಸಚಿವ ಅಮಿತ್​ ಷಾ ಹೇಳಿದ್ದಾರೆ. ​

ಸಾಂಗ್ಲಿ ಜಿಲ್ಲೆಯಲ್ಲಿ ಶುಕ್ರವಾರ (ನ.08) ನಡೆದ ಚುನಾಚವಣೆ ಪ್ರಚಾರದಲ್ಲಿ ಮಾತನಾಡಿದರು.

ಉದ್ಧವ್​ ಠಾಕ್ರೆ ಅವರು ತಮ್ಮ ಮಗ(ಆದಿತ್ಯ ಠಾಕ್ರೆ) ಮಹಾರಾಷ್ಟ್ರದ ಮುಖ್ಯಮಂತ್ರಿ ಆಗಬೇಕು ಎಂದು ಬಯಸುತ್ತಿದ್ದಾರೆ. ಹಾಗೇಯೇ ಶರದ್​ ಪವರ್​ ತಮ್ಮ ಮಗಳು (ಸುಪ್ರಿಯಾ ಸುಳೆ) ಅದೇ ಹಾರೈಸುತ್ತಿದ್ದಾರೆ. ಅಲ್ಲದೆ, ಕಾಂಗ್ರೆಸ್​ನ ನಾಯಕರು ಕೂಡ ಅದೇ ಹುದ್ದೆಗೆ(ಸಿಎಂ) ಸ್ಪರ್ಧೆ ಮಾಡುತ್ತಿದ್ದಾರೆ. ಹೀಗಾಗಿ, ಸಿಎಂ ಹುದ್ದೆಗೆ ಹಲವರು ಬಟ್ಟೆ ಹೊಲಿಸಿದ್ದಾರೆ ಎಂದು ವ್ಯಂಗ್ಯವಾಡಿದರು.

ಇದನ್ನೂ ಓದಿ: ಸತ್ಕಾರ್ಯದಿಂದ ಪುಣ್ಯ ಪ್ರಾಪ್ತಿ

ತಮ್ಮ ಪುತ್ರರನ್ನು ಮುಖ್ಯಮಂತ್ರಿ ಮಾಡಲು ಹೊರಟವರು ಮಹಾರಾಷ್ಟ್ರದ ಶ್ರೇಯೋಭಿವೃದ್ಧಿಗೆ ಮೊದಲು ಶ್ರಮಿಸಬೇಕು ಎಂದರು ಷಾ, ಇಲ್ಲಿನ ದೇವೇಂದ್ರ ಪಢ್ನವೀಸ್​, ಏಕನಾಥ್​ ಶಿಂಧೆ, ಅಜಿತ್​ ಪವರ್​ ಅವರ ಮಹಾಕೂಟ ಮಾತ್ರ ಅಭಿವೃದ್ಧಿ ಮಾಡಲು ಸಾಧ್ಯ. ಅಲ್ಲದೇ, ಮೋದಿ ಅವರ ನಾಯಕತ್ವದಲ್ಲಿ ಈ ಪ್ರದೇಶ ಅಭಿವೃದ್ಧಿ ಸಾಧ್ಯವಾಗಲಿದೆ. ಮೋದಿ ನೀಡಿರುವ ಭರವಸೆಗಳನ್ನು ಈಡೇರಿಸಲು ನಾವು ಭಯಸುತ್ತೇವೆ. ಇಲ್ಲಿ ತನಕ ಕಾಂಗ್ರೆಸ್​​ ನೇತೃತ್ವದ ಕೂಟ ಯಾವ ಭರವಸೆಗಳನ್ನು ಈಡೇರಿಸಿಲ್ಲ ಎಂದು ಶಾ ಆರೋಪಿಸಿದರು.

ಕಾಂಗ್ರೆಸ್​ ಪಕ್ಷ ನೀಡುವ ಭರವಸೆಗಳು ಕಾಲ್ಪನಿಕ ಎಂದು ತಮ್ಮದೇ ಪಕ್ಷದ ಮಲ್ಲಿಕಾರ್ಜುನ್​ ಖರ್ಗೆ ಹೇಳಿದ್ದಾರೆ ಎಂದು ಷಾ ಹೇಳಿದರು. ವಿಧಾನಸಭೆ ಚುನಾವಣೆಯಲ್ಲಿ 'ಮಹಾಯುತಿ' ಎಂದು ವಿಶ್ವಾಸ ವ್ಯಕ್ತಪಡಿಸಿದ ಷಾ, '' ಹರಿಯಾಣದಲ್ಲಿ ಕಾಂಗ್ರೆಸ್​ ಗೆಲ್ಲುತ್ತದೆ ಎಂದು ಕೊಟ್ಯಾಂತರ ರೂ ಪಟಾಕಿ ಖರೀದಿಸಿದ್ದರು. ಆದರೆ, ಕೊನೆಗೆ ಬಿಜೆಪಿ ಕಾರ್ಯಕರ್ತರಿಗೆ ಪಟಾಕಿಗಳನ್ನು ಕೊಟ್ಟು ಹೋದರು. ಅದೇ ರೀತಿ ಇಲ್ಲಿ ಕೂಡ ಕಾಂಗ್ರೆಸ್​ ನೇತೃತ್ವದ ಕೂಟ ನಾಶವಾಲಿದೆ'' ಎಂದರು. (ಏಜೆನ್ಸೀಸ್​).

https://www.vijayavani.net/this-land-belongs-to-nizams-controversial-statement-of-a-muslim-woman-in-owaisis-election-rally-in-maharashtra