ಸೌರ ಮಾರುತದಿಂದ ಸಂವಹನ ಸಂಕಟ?

ವಾಷಿಂಗ್ಟನ್: ಸೂರ್ಯನ ಪ್ರಖರತೆ ಇನ್ನೆರಡು ವರ್ಷದಲ್ಲಿ ಗರಿಷ್ಠ ಮಟ್ಟ ತಲುಪಲಿದ್ದು, ಇದರಿಂದ ಸೌರ ಮಾರುತ ಪ್ರಬಲವಾಗುವ ಕಾರಣ ಭೂಮಿಯ ಮೇಲಿನ ಎಲ್ಲ ವಿಧದ ಸಂವಹನ ಸಾಧನಗಳು ನಾಶವಾಗುವ ಸಾಧ್ಯತೆ ಇದೆ. 2025ರಲ್ಲಿ ಸೌರ ಮಂಡಲದಲ್ಲಾಗುವ ಈ ಬೆಳವಣಿಗೆ ಭೂಮಿ ಮೇಲಿನ ಡಿಜಿಟಲ್ ಜಗತ್ತು ಸಿದ್ಧವಾಗದ ಕಾರಣ ‘ಇಂಟರ್​ನೆಟ್ ಅಪೋಕ್ಯಾಲಿಪ್ಸ್’ ಪರಿಣಾಮ ಉಂಟಾಗುವ ಸಂಭವ ಇದೆ ಎಂದು ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ ಎಚ್ಚರಿಕೆ ನೀಡಿದೆ.

ಸೌರ ಮಾರುತದ ಹೊಡೆತದಿಂದ ಇಂಟರ್​ನೆಟ್ ವ್ಯವಸ್ಥೆಯೇ ಕುಸಿಯುವ ಸಂಭವನೀಯತೆ ಬಗ್ಗೆ ನಾಸಾ ಯಾವುದೇ ಟಿಪ್ಪಣಿ ಮಾಡಿಲ್ಲವಾದರೂ ಸಾಮಾಜಿಕ ಮಾಧ್ಯಮದಲ್ಲಿ ಈಗಾಗಲೇ ಚರ್ಚೆ ಶುರುವಾಗಿದ್ದು, ಬಳಕೆದಾರರಲ್ಲಿ ಕಳವಳ ಹೆಚ್ಚಿಸಿದೆ ಎಂದು ‘ವಾಷಿಂಗ್ಟನ್ ಪೋಸ್ಟ್’ ವರದಿ ಮಾಡಿದೆ. ಇಂಥ ಬೆಳವಣಿಗೆ ಸಂಭವಿಸಿದರೆ ಆನ್​ಲೈನ್​ಗೆ ಆತುಕೊಂಡಿರುವ ಜನರ ಪಾಡೇನು? ಎಂದು ಕೆಲವರು ಸಾಮಾಜಿಕ ಜಾಲತಾಣದ ಗೀಳಿನವರ ಕಾಲೆಳೆದಿದ್ದಾರೆ. ಇನ್ನು ಕೆಲವು ಮಂದಿ, ಇಂಥದಲ್ಲಾ ಪ್ರಚಾರಕ್ಕಾಗಿ ಮಾಡುವ ಕಿತಾಪತಿ ಎಂದು ಟೀಕಿಸಿದ್ದಾರೆ. ಮತ್ತೆ ಕೆಲವರು ಇದು ಸಂಪೂರ್ಣವಾಗಿ ಕಾಲ್ಪನಿಕವೂ ಅಲ್ಲ ಎಂದಿದ್ದಾರೆ.

1859ರಲ್ಲಿ ಸಂಭವಿಸಿತ್ತು..

ಈ ಹಿಂದೆ ಕೂಡ ಪ್ರಬಲ ಸೌರ ಮಾರುತಗಳು ಭೂಮಿಗೆ ಅಪ್ಪಳಿಸಿವೆ. ಆದರೆ ಆ ಸಮಯದಲ್ಲಿ ಭೂಮಂಡಲದಲ್ಲಿ ಇನ್ನೂ ಇಂಟರ್​ನೆಟ್ ಬಳಕೆಯಲ್ಲಿ ಇರಲಿಲ್ಲ. 1859ರಲ್ಲಿ ಸಂಭವಿಸಿದ ‘ಕ್ಯಾರಿಂಗ್ಟನ್ ಈವೆಂಟ್’ನಿಂದ ಆಗ ಬಳಕೆಯಲ್ಲಿದ್ದ ಟೆಲಿಗ್ರಾಫ್ ಮಾರ್ಗದಲ್ಲಿ ವಿದ್ಯುತ್ ಕಿಡಿ ಕಾಣಿಸಿಕೊಂಡಿತ್ತು ಮತ್ತು ಹಲವಾರು ಲೈನ್​ವೆುನ್​ಗಳು ವಿದ್ಯುತ್ ಸ್ಪರ್ಶದ ಆಘಾತಕ್ಕೆ ಒಳಗಾಗಿದ್ದರು. 1989ರಲ್ಲಿ ಬೀಸಿದ ಸೌರ ಮಾರುತದಿಂದ ವಿದ್ಯುತ್ ಗ್ರಿಡ್​ಗಳಲ್ಲಿ ತಾಸಿನ ಕಾಲ ಆಗಾಧ ಶಕ್ತಿ ಸಂಚಾರ ಆಗಿತ್ತು. ಆಧುನಿಕ ಜಗತ್ತಿನಲ್ಲಿ ಸೌರ ಮಾರುತದ ಅನುಭವ ಹೆಚ್ಚಿನ ಮಟ್ಟದಲ್ಲಿ ಆಗಿಲ್ಲ. ಹೀಗಾಗಿ ಡಿಜಿಟಲ್ ಮೂಲಸೌಕರ್ಯಗಳ ಮೇಲೆ ಇದರ ಪರಿಣಾಮ ಏನು ಎಂಬುದನ್ನು ನಿಖರವಾಗಿ ಆಂದಾಜಿಸುವುದು ಕಷ್ಟ ಎಂದು ಕ್ಯಾಲಿಫೋನಿರ್ಯಾ ವಿವಿ ವಿಜ್ಞಾನ ವಿಭಾಗದ ಪ್ರೊಫೆಸರ್ ಸಂಗೀತಾ ಅಬ್ದು ಜ್ಯೋತಿ ಅಭಿಪ್ರಾಯಪಟ್ಟಿದ್ದಾರೆ. ‘ಸೋಲಾರ್ ಸೂಪರ್​ಸ್ಟಾಮ್್ಸರ್ ಪ್ಲಾ್ಯನಿಂಗ್ ಫಾರ್ ಆನ್ ಇಂಟರ್​ನೆಟ್ ಅಪೋಕ್ಯಾಲಿಪ್ಸ್’ ಎಂಬ ಸಂಶೋಧನಾ ವರದಿಯನ್ನು ಮಂಡಿಸಿದ್ದಾರೆ.

• 2 ವರ್ಷದಲ್ಲಿ ಗರಿಷ್ಠ ಪ್ರಖರವಾಗಲಿರುವ ಸೂರ್ಯ
• ಇಂಟರ್​ನೆಟ್ ಅಪೋಕ್ಯಾಲಿಪ್ಸ್ ಸಾಧ್ಯತೆ
• ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ ಹೇಳಿಕೆ
• ಇಂಟರ್​ನೆಟ್ ವ್ಯವಸ್ಥೆಗೆ ಹಾನಿ ನಿರೀಕ್ಷೆ
• ಬಳಕೆದಾರರಲ್ಲಿ ಕಳವಳ ಆರಂಭ
• ಸಾಮಾಜಿಕ ಜಾಲತಾಣಗಳಲ್ಲಿ ಪರ-ವಿರೋಧ ಚರ್ಚೆ
• 1859, 1989ರಲ್ಲೂ ಬೀಸಿತ್ತು ಭಾರಿ ಸೌರಜ್ವಾಲೆ

https://www.vijayavani.net/gruhajyothi-is-applicable-for-july-only-if-registration-is-done-within-27th-july

https://www.vijayavani.net/lovers-got-separated-forcibly-after-marriage-by-girls-parents