ದುಃಖಿತರಿಗೆ ಸಾಂತ್ವನ

ಯಾವತ್ತೋ ಒಂದು ದಿನ ಆ ಮಗು ಮರಣ ಹೊಂದಿತು. ಆ ಮಗುವಿನ ತಂದೆ ಅದೇ ದುಃಖದಲ್ಲಿ ಕೆಲ ದಿನ ಸಭೆಗೆ ಬರಲಿಲ್ಲ. ಪ್ರವಾದಿ ಏಕೆಂದು ಕೇಳಿದಾಗ ಜನ, ಆ ವ್ಯಕ್ತಿಯ ಮಗು ತೀರಿಕೊಂಡಿದೆ ಎಂಬುದನ್ನು ತಿಳಿಸಿದರು. ನಂತರ ಪ್ರವಾದಿ(ಸ) ಆ ವ್ಯಕ್ತಿಯನ್ನು ಭೇಟಿಯಾಗಿ ಸಾಂತ್ವನ ಹೇಳಿದರು. ನಂತರ ಪ್ರವಾದಿ, ‘ಆ ಮಗು ನಿಮ್ಮ ಜೀವಮಾನವಿಡೀ ಬದುಕುವುದು, ಇಲ್ಲವೆ, ಅದು ಮೊದಲು ಹೋಗಿ ನೀವು ಸ್ವರ್ಗದ ಬಾಗಿಲಿಗೆ ತಲುಪುವಾಗ ನಿಮ್ಮನ್ನು ಸ್ವಾಗತಿಸುತ್ತಾ, ನಿಮಗಾಗಿ ಸ್ವರ್ಗದ ಬಾಗಿಲನ್ನು ತೆರೆಯುವುದು. ಈ ಪೈಕಿ ನಿಮಗೆ ಯಾವುದು ಇಷ್ಟ?’. ಎಂದು ಕೇಳಿದರು. ಅದು ಮೊದಲು ಹೋಗಿ ನನಗಾಗಿ ಸ್ವರ್ಗದ ಬಾಗಿಲನ್ನು ತೆರೆಯುವುದೇ ನನಗೆ ಇಷ್ಟ ಎಂದಾಗ ಪ್ರವಾದಿ(ಸ) ಹೇಳಿದರು: ನಿಮಗೆ ಹಾಗೇ ಆಗುವುದು.ಹ.ಇಬ್ನು ಉಮರ್ ಹೇಳುತ್ತಾರೆ, ನಾವು ಪ್ರವಾದಿ ಅವರ ಹತ್ತಿರ ಕುಳಿತಿದ್ದೇವು. ಅಲ್ಲಿಗೆ ಒಬ್ಬ ಅನ್ಸಾರಿ ಆಗಮಿಸಿದರು.

ಅವರು ಪ್ರವಾದಿಯವರಿಗೆ ನಮಸ್ಕಾರ ಮಾಡಿ ಮರಳಲು ದ್ಯುಕ್ತರಾದರು. ಆಗ ಪ್ರವಾದಿಯವರು ಅವರೊಡನೆ ಸ ಅದ್ ಬಿನ್ ಕುಬಾದ್ ಹೇಗಿದ್ದಾರೆಂದು ವಿಚಾರಿಸಿದರು. ಅವರು ಚೆನ್ನಾಗಿದ್ದಾರೆಂದು ಆ ವ್ಯಕ್ತಿ ಹೇಳಿದರು. ಆಗ ಪ್ರವಾದಿಗಳು ಸಭಿಕರನ್ನು ಉದ್ದೇಶಿಸಿ, ನಿಮ್ಮಲ್ಲಿ ಯಾರು ಅವರ ರೋಗ ಸಂದರ್ಶನಕ್ಕೆ ಬರುತ್ತೀರಿ ಎಂದು ಕೇಳಿದಾಗ ನಾವೂ ಎದ್ದೆವು. ಪ್ರವಾದಿ(ಸ) ಹಾಗೂ ಅವರೊಂದಿಗಿದ್ದವರು ಆ ರೋಗಿಯ (ಸ ಅದ್) ಹತ್ತಿರ ಹೋಗಿ ಕುಶಲ ವಿಚಾರಿಸಿದರು.