ಏನು ಈ ಪ್ರಯತ್ನ?: ‘ರಾನಿ’ ಚಿತ್ರತಂಡ ವಿಡಿಯೋ ಮೂಲಕ ಥಿಯೇಟರ್ಗೆ ಬರುವಂತೆ, ಕನ್ನಡ ಸಿನಿಮಾಗಳನ್ನು ನೋಡುವಂತೆ ಪ್ರೇಕ್ಷಕರಲ್ಲಿ ಮನವಿ ಮಾಡಿಕೊಂಡಿದೆ. ವಿಡಿಯೋದಲ್ಲಿ ನಾಯಕ ಕಿರಣ್ ರಾಜ್ ಥಿಯೇಟರ್ನತ್ತ ಹೆಜ್ಜೆ ಹಾಕುತ್ತ ಬರುವಾಗ ಹಿನ್ನೆಲೆಯಲ್ಲಿ ವರನಟ ರಾಜಕುಮಾರ್ ಅಭಿನಯದ ‘ಮಯೂರ’ ಚಿತ್ರದ ಡೈಲಾಗ್ ಕೇಳುತ್ತದೆ. ಕಿರಣ್, ಕನ್ನಡ ಚಿತ್ರರಂಗದ ಗತವೈಭವ ದಿನಗಳ ಮೆಲುಕು ಹಾಕುತ್ತಾರೆ. ಬಳಿಕ ಖಾಲಿ ಥಿಯೇಟರ್ನಲ್ಲಿ ಮೆಟ್ಟಿಲ ಮೇಲೆ ಕುಳಿತು, ಮನೆಯಲ್ಲಿ ಕುಳಿತು ಸಿನಿಮಾ ನೋಡುವುದಕ್ಕೂ, ಚಿತ್ರಮಂದಿರದಲ್ಲಿ ಇಡೀ ಕುಟುಂಬ, ಸ್ನೇಹಿತರ ಜತೆ ಸಿನಿಮಾ ನೋಡುವುದಕ್ಕೂ ಇರುವ ವ್ಯತ್ಯಾಸದ ಬಗ್ಗೆ ಮನವರಿಕೆ ಮಾಡುತ್ತಾರೆ. ಅಲ್ಲದೇ ಒಂದು ಸಿನಿಮಾ ಹಿಂದಿನ ಕಲಾವಿದರು, ತಂತ್ರಜ್ಞರು, ಕಾರ್ಮಿಕರ ಶ್ರಮದ ಬಗ್ಗೆ ಮಾತನಾಡಿದ್ದಾರೆ. ‘ಸಿನಿಮಾ ನೋಡಿದ ಖುಷಿ ಹಾಗೂ ಥಿಯೇಟರ್ ಅನುಭವ ಸಿಗಬೇಕಾದ್ರೆ ಚಿತ್ರಮಂದಿರಗಳಿಗೆ ಬನ್ನಿ’ ಎಂದು ಮನವಿ ಮಾಡಿದ್ದಾರೆ. ಕೊನೆಯಲ್ಲಿ ‘ನಾನಿಡೋ ಪ್ರತಿಯೊಂದು ಹೆಜ್ಜೆ, ನಮ್ ಇಂಡಸ್ಟ್ರಿ ಬೆಳವಣಿಗೆಗೆ ಪೂರಕವಾಗಿರುತ್ತೆ’ ಎಂದು ಹೇಳಿ ‘ರಾನಿ’ ವೀಕ್ಷಣೆಗೆ ಚಿತ್ರಮಂದಿರಗಳಿಗೆ ಬನ್ನಿ ಎಂದು ಪ್ರೇಕ್ಷಕರನ್ನು ವಿಭಿನ್ನವಾಗಿ ಆಹ್ವಾನಿಸಿದ್ದಾರೆ.
