ಅಪಾಯವನ್ನು ಲೆಕ್ಕಿಸದೇ ಬಸ್​ ಚಲಾಯಿಸಿದ ಡ್ರೈವರ್: ವಿದ್ಯಾರ್ಥಿಗಳ ಜೀವದೊಂದಿಗೆ ಚಾಲಕನ ಚೆಲ್ಲಾಟ...

ನಾಡಿಯಾಡ್: ಡ್ರೈವರ್​ನ ಹುಚ್ಚು ಧೈರ್ಯದಿಂದಾಗಿ ಕಾಲೇಜು ಬಸ್ಸೊಂದು ಅಂಡರ್​ ಪಾಸ್​ನಲ್ಲಿ ಸಿಲುಕಿಕೊಂಡಿರುವ ಘಟನೆ ಗುಜರಾತ್​ನ ಖೇಡಾ ಜಿಲ್ಲೆಯ ನಾಡಿಯಾಡ್ ಪ್ರದೇಶದಲ್ಲಿ ನಡೆದಿದೆ.

ಶನಿವಾರ ಬೆಳಿಗ್ಗೆ ಭಾರೀ ಮಳೆಯಿಂದಾಗಿ ನಗರದಾದ್ಯಂತ ಪ್ರವಾಹದಂತಹ ಪರಿಸ್ಥಿತಿ ಉಂಟಾಗಿದ್ದು, ವಿವಿಧ ಭಾಗಗಳಲ್ಲಿ ಜಲಾವೃತವಾಗಿ ಟ್ರಾಫಿಕ್ ಜಾಮ್ ಉಂಟಾಗಿದೆ. ಪ್ರವಾಹಕ್ಕೆ ಒಳಗಾದ ನಾಡಿಯಾಡ್​ನ ಅಂಡರ್​ ಪಾಸ್​ನಲ್ಲಿ ನೀರು ತುಂಬಿಕೊಂಡಿದ್ದರೂ ಬಸ್​ ಡ್ರೈವರ್​ ಅಪಾಯವನ್ನು ಲೆಕ್ಕಿಸದೇ ಹುಚ್ಚು ಧೈರ್ಯದಿಂದ ಬಸ್​ನ್ನು ಹಾಗೇ ಚಲಾಯಿಸಿಕೊಂಡು ಹೋಗಿದ್ದಾನೆ.

ಇದನ್ನೂ ಓದಿ: ನಳಿನ್​ ಕುಮಾರ್​ ಕಟೀಲ್​ರನ್ನು ಕಾಮಿಡಿ ಕಿಲಾಡಿ ಎನ್ನುವುದು ಇದೇ ಕಾರಣಕ್ಕೆ: ಕಾಂಗ್ರೆಸ್​ ಟಾಂಗ್​

ಈ ವೇಳೆ ಬಸ್​ ಅಂಡರ್​ ಪಾಸ್​​ನಲ್ಲಿಯೇ ಸಿಲುಕಿದ್ದು ಕೂಡಲೇ ಸ್ಥಳೀಯರು ತಕ್ಷಣ ಸಹಾಯಕ್ಕಾಗಿ ಧಾವಿಸಿ, ತುರ್ತು ಕಿಟಕಿಗಳ ಮೂಲಕ ವಿದ್ಯಾರ್ಥಿಗಳನ್ನು ರಕ್ಷಿಸಿದ್ದಾರೆ. ಈ ಕುರಿತಾದ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದ್ದು ವಿದ್ಯಾರ್ಥಿಗಳ ಪ್ರಾಣವನ್ನು ಲೆಕ್ಕಿಸದೇ ಬಸ್​ ಚಲಾಯಿಸಿದ ಡ್ರೈವರ್​ನ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ.

ಬಿಪರ್‌ಜಾಯ್‌ ಚಂಡಮಾರುತದ ಪರಿಣಾಮದಿಂದಾಗಿ ಗುಜರಾತ್​ನಲ್ಲಿ ಲಕ್ಷಗಟ್ಟಲೆ ಜನಜೀವನ ನಿರಾಶ್ರಿತರಾಗಿದ್ದು ಮತ್ತು ವಿದ್ಯುತ್‌ ಇಲ್ಲದೇ ಸಾವಿರಾರು ಹಳ್ಳಿಗಳು ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಅಲ್ಲದೇ, ಈ ನಡುವೆ ಗುಜರಾತ್​ನ ವಿವಿಧ ಭಾಗಗಳಲ್ಲಿ ಭಾರೀ ಮಳೆ ಸುರಿದಿದ್ದು, ಇದು ಕೆಲವು ಜಿಲ್ಲೆಗಳಲ್ಲಿ ಪ್ರವಾಹವನ್ನು ಸೃಷ್ಟಿಸಿದೆ.(ಏಜೆನ್ಸೀಸ್​)

https://www.vijayavani.net/man-posing-as-raw-officer-arrested-in-ahmednagar

https://www.vijayavani.net/putin-vows-to-punish-traitors-amid-mercenary-group-wagners-massive-rebellion