'ಅವರ ಘನತೆಗೆ ಕುಂದು ಬರುತ್ತೆ ವಿನಃ ನನಗೇನಾಗಲ್ಲ'; ಅನಂತಕುಮಾರ್​ಗೆ ಸಿಎಂ ತಿರುಗೇಟು

ಬಾಗಲಕೋಟೆ: ಇಂದು ಬಾಗಲಕೋಟೆ ಜಿಲ್ಲೆಯ ಹುನಗುಂದ ತಾಲೂಕಿನ ಕೂಡಲಸಂಗಮ ಹೆಲಿಪ್ಯಾಡ್​ನಲ್ಲಿ ಭಾಷಣ ಮಾಡಿದ ಸಿಎಂ ಸಿದ್ದರಾಮಯ್ಯ, ತಮ್ಮ ವಿರುದ್ಧ ಏಕವಚನದಲ್ಲಿ ಮಾತನಾಡಿದ್ದ ಅನಂತಕುಮಾರ ಹೆಗಡೆ ವಿರುದ್ಧ ನೇರ ವಾಗ್ದಾಳಿ ನಡೆಸಿದ್ದು, ಅದು ಅವರ ಸಂಸ್ಕ್ರತಿ. ಅವರನ್ನು ಸುಸಂಸ್ಕೃತರು ಅಂತ ಹೇಳಲು ಸಾಧ್ಯವೇ? ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಬೆಂಗಳೂರಲ್ಲಿ ಅನಧಿಕೃತ ಕುದುರೆ ರೇಸ್: 66ಮಂದಿ ಬಂಧನ- ಬೆಟ್ಟಿಂಗ್​ಗೆ ಕಟ್ಟಿದ್ದು ಬರೋಬ್ಬರಿ 3.5 ಕೋಟಿ ರೂ.!

"ಅನಂತಕುಮಾರ ಹೆಗಡೆ ಕೇಂದ್ರ ಮಂತ್ರಿ ಆಗಿದ್ದಾಗ, ನಾವು ಅಧಿಕಾರಕ್ಕೆ ಬಂದಿರೋದೆ ಸಂವಿಧಾನ ಬದಲಾವಣೆ ಮಾಡೋಕೆ ಎಂದು ಹೇಳಿದ್ದರು. ಅವರಿಂದ‌ ನಾವು ಸಂಸ್ಕೃತಿ ಬಯಸೋಕೆ ಆಗುತ್ತಾ? ಸುಸಂಸ್ಕೃತರು ಎಂದು ಹೇಳಲು ಸಾಧ್ಯವೇ? ಅವರ ಭಾಷೆ ಬಳಕೆ, ಅವರು ಇಂತವೇ ಮಾತಾಡೋದು" ಎಂದರು.

ಇದನ್ನೂ ಓದಿ: ಜಾಗತಿಕ ಬಾಕ್ಸ್​ ಆಫೀಸ್​ನಲ್ಲಿ ‘ಗುಂಟೂರು ಕಾರಂ’ ಅಬ್ಬರ! ಇಲ್ಲಿದೆ ಮೊದಲ ದಿನದ ಕಲೆಕ್ಷನ್​ ವಿವರ

"ರಾಜ್ಯದ ಮುಖ್ಯಮಂತ್ರಿಗೆ ಗೌರವ ಕೊಡುವವರು ಇದ್ದಾರೆ, ಕೊಡದೇ ಇರೋರು ಇದ್ದಾರೆ. ರಾಜಕೀಯವಾಗಿ ಮಾತನಾಡುವವರಿಗೆ ಗೌರವ ಕೊಡಿ ಅಂತ ಹೇಳೋಕೆ ಆಗುತ್ತಾ? ಅವರು ರಾಜಕೀಯವಾಗಿ ಅಶ್ಲೀಲ ಪದಗಳನ್ನು ಬಳಸಿದರೆ, ಅದು ಅವರ ಘನತೆಗೆ ಕುಂದು ಬರುತ್ತೆ ವಿನಃ ನನಗಲ್ಲ" ಎಂದು ತಿರುಗೇಟು ನೀಡಿದ್ದಾರೆ.

https://www.vijayavani.net/guntur-karam-first-day-box-office-collection