ಮಂಗಳವಾರ ದಿಗ್ವಿಜಯ ನ್ಯೂಸ್ ಚಾನಲ್ಗೆ ನೀಡಿರುವ ವಿಶೇಷ ಸಂದರ್ಶನದಲ್ಲಿ ಅವರು ಕರೊನಾ ಮಟ್ಟಹಾಕಲು ಕೈಗೊಂಡಿರುವ ಕ್ರಮ, ಲಾಕ್ಡೌನ್ ಕುರಿತಂತೆ ಮುಕ್ತವಾಗಿ ಮಾತನಾಡಿದರು. ತೆಲಂಗಾಣ ಸಿಎಂ ರೀತಿಯಲ್ಲಿ ಜೂನ್ ತನಕ ಲಾಕ್ಡೌನ್ ವಿಸ್ತರಿಸಬೇಕೆಂದು ನಾನು ಹೇಳುವುದಿಲ್ಲ, ಡಾ. ದೇವಿಶೆಟ್ಟಿ ಸೇರಿ ಅನೇಕ ತಜ್ಞರು ಏಪ್ರಿಲ್ ಕೊನೆಯ ವಾರ ಹಾಗೂ ಮೇ ಮೊದಲ ವಾರದಲ್ಲಿ ಸೋಂಕು ಉಲ್ಬಣವಾಗಬಹುದೆಂಬ ಅಭಿಪ್ರಾಯ ನೀಡುತ್ತಿದ್ದಾರೆ. ಆದ್ದರಿಂದ ಜನ ಮನೆಯಿಂದ ಹೊರ ಬರದಿದ್ದರೆ ನಿಯಂತ್ರಣ ಸಾಧ್ಯವಾಗುತ್ತದೆ. ಆದ್ದರಿಂದಲೇ ಸರ್ಕಾರ ಪದೇ ಪದೆ ಮನವಿ ಮಾಡುತ್ತಿದೆ ಎಂದು ಸ್ಪಷ್ಟಪಡಿಸಿದರು. ಏ. 14 ರೊಳಗೆ ನಾವು ನಿರೀಕ್ಷೆ ಮಾಡಿರುವಷ್ಟು ನಿಯಂತ್ರಣಕ್ಕೆ ಬಂದರೆ ಕೆಲವು ಜಿಲ್ಲೆಗಳಲ್ಲಿ ಮುಕ್ತ ಸಂಚಾರಕ್ಕೆ ಅವಕಾಶ ನೀಡುವುದು ಸರ್ಕಾರದ ಉದ್ದೇಶವಾಗಿದೆ ಎಂದರು.
