Cyber fraud| ಒಂದು ಲೀಟರ್​​ ಹಾಲು ಕೊಳ್ಳಲು ಆನ್​ಲೈನ್​ ಮೊರೆ ಹೋದ ಮಹಿಳೆ ಕಳೆದುಕೊಂಡಿದ್ದು 18 ಲಕ್ಷ !

Cyber fraud: ಮುಂಬೈ ಮೂಲದ ವೃದ್ಧ ಮಹಿಳೆಯೊಬ್ಬರು ಆನ್‌ಲೈನ್ ಅಪ್ಲಿಕೇಶನ್‌ ಬಳಸಿ ಒಂದು ಲೀಟರ್ ಹಾಲನ್ನು ಆರ್ಡರ್ ಮಾಡಲು ಪ್ರಯತ್ನಿಸುವಾಗ ಬಂದಂತಹ ಮೋಸದ ಲಿಂಕ್ ಕ್ಲಿಕ್ ಮಾಡಿದ ನಂತರ ತಮ್ಮ ಜೀವಮಾನದ 18.5 ಲಕ್ಷ ರೂ.ಗಳನ್ನು ಕಳೆದುಕೊಂಡಿದ್ದಾರೆ ಎಂದು ಪೊಲೀಸ್​​ ಮೂಲಗಳು ಶನಿವಾರ (ಆಗಸ್ಟ್​ 16) ತಿಳಿಸಿವೆ.

ಮುಂಬೈ ನಗರದ ವಡಾಲಾ ನೆರೆಹೊರೆಯಲ್ಲಿ ವಾಸಿಸುವ 71 ವರ್ಷದ ಮಹಿಳೆಗೆ ಆಗಸ್ಟ್ 4 ರಂದು ಹಾಲಿನ ಕಂಪನಿಯ ಕಾರ್ಯನಿರ್ವಾಹಕ "ದೀಪಕ್" ಎಂದು ಪರಿಚಯಿಸಿಕೊಂಡ ವ್ಯಕ್ತಿಯೊಬ್ಬರು ಕರೆ ಮಾಡಿ ಒಂದು ಲಿಂಕ್​​ ಕಳುಹಿಸಿ, ಆರ್ಡರ್ ನೀಡಲು ವೈಯಕ್ತಿಕ ವಿವರಗಳನ್ನು ಅದರಲ್ಲಿ ನಮೂದಿಸುವಂತೆ ಸೂಚಿಸಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಮಹಿಳೆ ಮತ್ತು ವಂಚಕನ ನಡುವೆ ಸುಮಾರು ಒಂದು ಗಂಟೆ ಕಾಲ ಸಂಬಾಷಣೆ ನಡೆದಿದ್ದು, ಆತ ಹೇಳಿದ ನಿರ್ದೇಶನಗಳನ್ನು ವಯೋವೃದ್ಧೆ ಅನುಸರಿಸಿದ್ದಾರೆ ಎಂದು ತಿಳಿದು ಬಂದಿದೆ. ಮತ್ತೆ ಮರುದಿನ ಕರೆ ಮಾಡಿ ಹೆಚ್ಚುವರಿ ಮಾಹಿತಿಯನ್ನು ಪಡೆದುಕೊಂಡಿದ್ದಾನೆ ಎನ್ನಲಾಗಿದೆ.

ಇದನ್ನೂ ಓದಿ:ಉಪರಾಷ್ಟ್ರಪತಿ ಚುನಾವಣೆ; ನಾಳೆ ಸಂಜೆ ಎನ್​ಡಿಎ ಮೈತ್ರಿಕೂಟದ ಅಭ್ಯರ್ಥಿ ಅಂತಿಮವಾಗುವ ಸಾಧ್ಯತೆ| Vice President 

ಘಟನೆ ಬೆಳಕಿಗೆ ಬಂದಿದ್ದು ಹೇಗೆ..?

ಇದಾದ ಕೆಲವು ದಿನಗಳ ನಂತರ, ಬ್ಯಾಂಕ್ ಭೇಟಿಗೆಂದು ತೆರಳಿದ ಸಮಯದಲ್ಲಿ, ಹಣ ವರ್ಗಾವಣೆಯಾಗಿರುವುದು ಮಹಿಳೆ ತಿಳಿದಿದೆ. ಅವರ ಒಟ್ಟು ಮೂರು ಬ್ಯಾಂಕ್ ಖಾತೆಗಳಿಂದ ಸುಮಾರು 18.5 ಲಕ್ಷ ರೂ.ಗಳನ್ನು ಕಳೆದುಕೊಂಡಿದ್ದಾರೆ. ಆಕೆ ಲಿಂಕ್ ಮೇಲೆ ಕ್ಲಿಕ್ ಮಾಡಿದ ನಂತರ ಆರೋಪಿ ಆಕೆಯ ಫೋನ್‌ ಸಂಪರ್ಕ ಪಡೆದಿದ್ದಾನೆ ಎನ್ನುವುದು ಪೊಲೀಸರು ನಂಬಿಕೆ. ಈ ಕುರಿತಾಗಿ ಪ್ರಕರಣ ದಾಖಲಾಗಿದ್ದು, ತನಿಖೆ ಅರಂಭಿಸಲಾಗಿದೆ.

ಇದನ್ನೂ ಓದಿ:ಅಕ್ರಮ ಹಣ ವರ್ಗಾವಣೆ ಪ್ರಕರಣ; ಸಚಿವ ಐ ಪೆರಿಯಾಸಾಮಿ ಮನೆ ಮೇಲೆ ED ದಾಳಿ, ಶೋಧ| ED Raid

ಆಗಸ್ಟ್​ ತಿಂಗಳ ಪ್ರಾರಂಭದಲ್ಲಿ ಪುಣೆಯ ಉದ್ಯಮಿಯೊಬ್ಬರು, ಪೊಲೀಸ್ ಅಧಿಕಾರಿಗಳಂತೆ ನಟಿಸಿದ ವಂಚಕರಿಂದ 2.3 ಕೋಟಿ ರೂ.ಗಳನ್ನು ಕಳೆದುಕೊಂಡರು. ಇನ್ನೊಂದು ಪ್ರಕರಣದಲ್ಲಿ, ಬೆಂಗಳೂರಿನ ಹಲವಾರು ಹಿರಿಯ ನಾಗರಿಕರನ್ನು ನಕಲಿ KYC ನವೀಕರಣ ಸಂದೇಶಗಳ ಮೂಲಕ ಮೋಸಗೊಳಿಸಲಾಗಿದೆ. (ಏಜೆನ್ಸೀಸ್)

https://www.vijayavani.net/bhopal-woman-purva-parwani-gets-into-harvard-her-familys-reaction-in-video-will-leave-you-in-tears