ಟೆರೆಸ್​ ಅಲ್ಲಿ ಓದಿಕೊಳ್ಳುತ್ತಿದ್ದ ವಿದ್ಯಾರ್ಥಿನಿಯನ್ನು ತಳ್ಳಿ ಸಾಯಿಸಿದ ಮಂಗಗಳ ಹಿಂಡು

ಪಟ್ನಾ: ಮನೆಯ ಟೆರೆಸ್​ನಲ್ಲಿ ಓದಿಕೊಳ್ಳುತ್ತಿದ್ದ ವಿದ್ಯಾರ್ಥಿನಿಯನ್ನು ಮಂಗಗಳ ಹಿಂಡೊಂದು ತಳ್ಳಿ ಸಾಯಿಸಿರುವ ಘಟನೆ ಬಿಹಾರದ ಸಿವಾನ್​ ಜಿಲ್ಲೆಯಲ್ಲಿ ನಡೆದಿದೆ.  ಮೃತ ದುರ್ದೈವಿಯನ್ನು ಪ್ರಿಯಾ ಕುಮಾರ್​ ಎಂದು ಗುರುತಿಸಲಾಗಿದ್ದು, ಜನವರಿ 25ರಂದು ಸಿವಾನ್​ ಜಿಲ್ಲೆಯ ಮಘರ್​ ಗ್ರಾಮದಲ್ಲಿ ಈ ಘಟನೆ ಸಂಭವಿಸಿದೆ.

ಘಟನೆ ಕುರಿತು ಪ್ರತಿಕ್ರಿಯಿಸಿರುವ ಭಗವಾನ್​ಪುರ್​ ಎಸ್​ಎಚ್​ಒ ಸುಜಿತ್​ ಕುಮಾರ್​ ಚೌಧರಿ, ಚಳಿ ಇದ್ದ ಕಾರಣ ಪ್ರಿಯಾ ಮನೆಯ ಟೆರೆಸ್​ನಲ್ಲಿ ಓದಿಕೊಳ್ಳುತ್ತಿದ್ದರು. ಈ ವೇಳೆ ಮಂಗಗಳ ಹಿಂಡೊಂದು ಏಕಾಏಕಿ ಆಕೆಯ ಮೇಲೆ ದಾಳಿ ಮಾಡಿದ್ದು, ತಪ್ಪಿಸಿಕೊಳ್ಳಲು ಆಕೆ ಯತ್ನಿಸಿದ್ದಾಳೆ. ಇದನ್ನು ಗಮನಿಸಿದ ಸ್ಥಳೀಯರು ಕೂಗಿಕೊಂಡಿದ್ದು, ಮಂಗಗಳು ಆಕೆಯನ್ನು ಟೆರೆಸ್​ನಿಂದ ತಳ್ಳಿವೆ.

ಗಂಭೀರವಾಗಿ ಗಾಯಗೊಂಡಿದ್ದ ಪ್ರಿಯಾ:ಳನ್ನು ಕುಟುಂಬಸ್ಥರು ಹಾಗೂ ಸ್ಥಳೀಯರು ಕೂಡಲೇ ಆಸ್ಪತ್ರೆಗೆ ದಾಖಲಿಸಿದ್ದು, ಗಂಭೀರವಾಗಿ ಗಾಯಗೊಂಡಿದ್ದ ಬಾಲಕಿ ಮಾರ್ಗಮಧ್ಯೆಯೇ ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದ್ದಾರೆ. ಕುಟುಂಬಸ್ಥರು ಪೋಸ್ಟ್​ಮಾರ್ಟಮ್​ ಮಾಡಿಸಲು ನಿರಾಕರಿಸಿದ್ದು, ಯಾವುದೇ ದೂರನ್ನು ದಾಖಲಿಸಿಲ್ಲ. ಪ್ರತ್ಯಕ್ಷದರ್ಶಿಗಳ ಹೇಳಿಕೆಯನ್ನು ಪಡೆಯಲಾಗಿದೆ ಎಂದು ಭಗವಾನ್​ಪುರ್ ಎಸ್​ಎಚ್​ಒ ಸುಜಿತ್​ ಕುಮಾರ್​ ಚೌಧರಿ ತಿಳಿಸಿದ್ದಾರೆ.

https://www.vijayavani.net/rohit-sharma-virat-kohli-forced-to-play-domestic-cricket-bcci-sent-warning-from-pakistan

https://www.vijayavani.net/sacred-tenet-of-constitution-is-being-shredded-into-pieces-says-congress-president-mallikarjun-kharge-in-scathing-attack-on-bjp-on-occasion-of-76th-republic-day

https://www.vijayavani.net/republic-day-live-national-flag-unfurled-at-kartavya-path