ಸಮಾನ ನಾಗರಿಕ ಸಂಹಿತೆಯನ್ನು ಶ್ಲಾಘಿಸಿದ ಮುಖ್ಯ ನ್ಯಾಯಮೂರ್ತಿ ಬೊಬ್ಡೆ

ಪಣಜಿ : ಗೋವಾದಲ್ಲಿ ಜಾರಿಯಲ್ಲಿರುವ ಸಮಾನ ನಾಗರಿಕ ಸಂಹಿತೆಯ ಬಗ್ಗೆ ಭಾರತದ ಮುಖ್ಯ ನ್ಯಾಯಮೂರ್ತಿಗಳಾದ ಎಸ್​.ಎ.ಬೊಬ್ಡೆ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಂವಿಧಾನದ ರಚನಾಕಾರರು ಭಾರತಕ್ಕಾಗಿ ಪ್ರಸ್ತಾಪಿಸಿದ ಕಾನೂನು ವ್ಯವಸ್ಥೆ ಇದೇ ಆಗಿದ್ದು, ರಾಜ್ಯದಲ್ಲಿ ಅದನ್ನು ಪ್ರಾಯೋಗಿಕವಾಗಿ ಕಾಣುವ ಅವಕಾಶವಿದೆ ಎಂದಿದ್ದಾರೆ.

ಗೋವಾದಲ್ಲಿ ಬಾಂಬೆ ಹೈಕೋರ್ಟ್​ನ ಹೊಸ ಕಟ್ಟಡದ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದ ಸಂದರ್ಭದಲ್ಲಿ ಮುಖ್ಯ ನ್ಯಾಯಮೂರ್ತಿಗಳು ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಚರ್ಚ್ ಹೊರಗೆ ಸುಯಿಸೈಡ್ ಬಾಂಬರ್​ಗಳ ದಾಳಿ

"ಸಂವಿಧಾನದ ರಚನೆಕಾರರು ಭಾರತಕ್ಕಾಗಿ ಉದ್ದೇಶಿಸಿದ ಯೂನಿಫಾರಂ ಸಿವಿಲ್ ಕೋಡ್ ಗೋವಾದಲ್ಲಿ ಜಾರಿಯಲ್ಲಿದೆ. ಈ ಸಂಹಿತೆಯ ಅಡಿಯಲ್ಲಿ ನ್ಯಾಯದಾನ ಮಾಡುವ ಅವಕಾಶ ನನಗೆ ಲಭಿಸಿದೆ. ಗೋವಾದ ಎಲ್ಲಾ ನಾಗರೀಕರಿಗೂ ಧರ್ಮದ ಭೇದವಿಲ್ಲದೆ ಮದುವೆ ಮತ್ತು ಆಸ್ತಿ ವಿಚಾರದ ಕಾನೂನುಗಳು ಏಕರೂಪವಾಗಿ ಅನ್ವಯಿಸುತ್ತವೆ" ಎಂದು ಮುಖ್ಯ ನ್ಯಾಯಮೂರ್ತಿ ಬೊಬ್ಡೆ ಹೇಳಿದರು. (ಏಜೆನ್ಸೀಸ್)

https://www.vijayavani.net/couple-runs-away-leaving-new-born-girl-babies/

https://www.vijayavani.net/congress-leader-calls-it-fake-news-and-then-asks-sorry/

https://www.vijayavani.net/given-money-and-sending-to-goa-says-cd-lady-in-second-audio/