ವರ್ಚುವಲ್ ಕಾರ್ಯಕ್ರಮವಾಯಿತು ಬೆತ್ಲಹೇಮ್​ನ ಕ್ರಿಸ್​ಮಸ್​ ಟ್ರೀ ಲೈಟಿಂಗ್: ಪ್ರವಾಸೋದ್ಯಮಕ್ಕೆ ಹೊಡೆತ

ಬೆತ್ಲಹೇಮ್​: ಕ್ರಿಸ್​ಮಸ್ ಹಬ್ಬ ಸಮೀಪದಲ್ಲಿದ್ದರೂ ಕರೊನಾ ವೈರಸ್ ಕಾರಣ ಹಬ್ಬದ ಆಚರಣೆಗಳಲ್ಲೂ ವ್ಯತ್ಯಾಸವಿದೆ. ಈ ಸಲ ಬೆತ್ಲಹೇಮ್​ನಲ್ಲಿ ಕ್ರಿಸ್​ಮಸ್​ ಟ್ರೀ ಲೈಟಿಂಗ್ ಕಾರ್ಯಕ್ರಮದಲ್ಲಿ ಎಂದಿನಂತೆ ಸಾವಿರಾರು ಜನ ಭಾಗಿಯಾಗಿಲ್ಲ. ಬದಲಾಗಿ ಬೆರಳೆಣಿಕೆ ಜನರಷ್ಟೇ ಭಾಗಿಯಾಗಿದ್ದರು. ಶನಿವಾರ ರಾತ್ರಿ ಈ ಕಾರ್ಯಕ್ರಮ ನಡೆಯಿತು ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.

ಕ್ರಿಸ್ತನ ಜನ್ಮಸ್ಥಳವೆಂದು ಕ್ರೈಸ್ತರು ನಂಬುವ ಚರ್ಚ್​ ಆಫ್​ ದ ನೇಟಿವಿಟಿಯ ಸಮೀಪವೇ ಇರುವ ಮ್ಯಾನೇಜರ್ ಸ್ಕ್ವೇರ್​ನಲ್ಲಿ ಕ್ರಿಸ್​ಮಸ್ ಟ್ರೀ ಲೈಟಿಂಗ್ ಕಾರ್ಯಕ್ರಮ ನಡೆಯಿತು. ಪ್ಯಾಲೆಸ್ತೈನ್​ ಪ್ರಧಾನಿ ಮೊಹಮ್ಮದ್​ ಶತಯ್ಯೇಹ್​ ಮತ್ತು ಬೆತ್ಲಹೇಮ್​ ಮೇಯರ್ ಆಂಟನ್​ ಸಲ್ಮಾನ್​ ಮತ್ತು ಕೆಲವು ಅಧಿಕಾರಿಗಳಷ್ಟೇ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

ಇದನ್ನೂ ಓದಿ: ಭೀಕರ ಸಿಲಿಂಡರ್ ಸ್ಫೋಟ – ಕನಿಷ್ಠ 20 ಜನರಿಗೆ ಗಾಯ, ಪ್ರಗತಿಯಲ್ಲಿದೆ ರಕ್ಷಣಾ ಕಾರ್ಯ

ಸಾಮಾನ್ಯವಾಗಿ ಈ ಕಾರ್ಯಕ್ರಮ ಅದ್ದೂರಿಯಾಗಿ ಆಚರಿಸಲ್ಪಡುತ್ತದೆ. ಸಾವಿರಾರು ಪ್ರವಾಸಿಗರು, ಕ್ರೈಸ್ತರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಇಲ್ಲಿ ತುಂಬಿರುತ್ತಿದ್ದರು. ಸ್ಥಳೀಯ ವ್ಯಾಪಾರೋದ್ಯಮಗಳಿಗೂ ಇದು ಅನುಕೂಲವೇ ಆಗಿತ್ತು. ಆದರೆ, ಈ ಬಾರಿ ಇದೆಲ್ಲ ಮಿಸ್ಸಿಂಗ್ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ. (ಏಜೆನ್ಸೀಸ್)

https://www.vijayavani.net/committed-to-fulfilling-ambedkars-dreams-for-our-nation-pm-modi-on-his-death-anniversary/