ಕೃತಕ ಗರ್ಭಧಾರಣೆಯ ರೋಬೋಟ್ ರಚಿಸಿದ ಚೀನಾ, ಇದು ಮಗುವಿಗೆ ಜನ್ಮ ನೀಡಬಲ್ಲದು! |Gestation Robot

Gestation Robot: ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಎಲ್ಲಾ ದೇಶಗಳಿಗಿಂತ ಒಂದು ಹೆಜ್ಜೆ ಮುಂದಿರುವ ಚೀನಾ, ಈಗ ಅದು ದೇವರ ಸೃಷ್ಟಿಯನ್ನೇ ಕೃತಕವಾಗಿ ಪುನರಾವರ್ತಿಸುವ ಪ್ರಯತ್ನದಲ್ಲಿ ಯಶಸ್ವಿಯಾಗಿದೆ. ಚೀನಾ ಮೂಲದ ಕೈವಾ ಟೆಕ್ನಾಲಜಿ ಎಂಬ ಕಂಪನಿ ಗರ್ಭಧಾರಣೆಯ ರೋಬೋಟ್​ ಅನ್ನು ಅಭಿವೃದ್ಧಿ ಪಡಿಸಿದೆ ಎಂದು ವರದಿಯಾಗಿದೆ.

ಕೈವಾ ಟೆಕ್ನಾಲಜಿಯ ಮುಖ್ಯಸ್ಥ ಡಾ. ಹಾಂಗ್ ಕಿಫೆಂಗ್, "ಕೃತಕ ಗರ್ಭಕೋಶವನ್ನು ಈಗಾಗಲೇ ತಯಾರಿಸಲಾಗಿದೆ. ಅದನ್ನು ರೋಬೋಟ್‌ನ ಹೊಟ್ಟೆಯಲ್ಲಿ ಸ್ಥಾಪಿಸಿ ಪರೀಕ್ಷಿಸುವುದು ಮಾತ್ರ ಉಳಿದಿದೆ. ಇಂದಿನಿಂದ, ಮಾನವರು ಮತ್ತು ರೋಬೋಟ್‌ಗಳು ಒಟ್ಟಿಗೆ ಹೆರಿಗೆ ಮಾಡಬಹುದು. ಕಾನೂನು ಮತ್ತು ಸಾಮಾಜಿಕ ಸಮಸ್ಯೆಗಳ ಕುರಿತು ನಾವು ಸರ್ಕಾರಿ ಅಧಿಕಾರಿಗಳೊಂದಿಗೆ ಚರ್ಚೆಯಲ್ಲಿದ್ದೇವೆ" ಎಂದು ಹೇಳಿದ್ದಾರೆ.

ಸಾಮಾನ್ಯವಾಗಿ ಮಕ್ಕಳನ್ನು ಹೊಂದಲು ಕಷ್ಟಪಡುವ ದಂಪತಿಗಳು ಸರೊಗಸಿಯನ್ನು(ಬಾಡಿಗೆ ತಾಯ್ತನ) ಆಶ್ರಯಿಸುತ್ತಾರೆ. ಸರೊಗಸಿಯ ಭಾಗವಾಗಿ ದಂಪತಿಗಳಿಂದ ವೀರ್ಯ ಮತ್ತು ಅಂಡಾಣುಗಳನ್ನು ಸಂಗ್ರಹಿಸಿ ನಂತರ ಇನ್ನೊಬ್ಬ ಮಹಿಳೆಯ ಗರ್ಭದಲ್ಲಿ ಅಳವಡಿಸಲಾಗುತ್ತದೆ. ಆ ಮೂಲಕ ಮಗು ಪಡೆಯಬಹುದು.

ಇದನ್ನೂ ಓದಿ: ನನ್ನ ಹೆಂಡ್ತಿ ಕೋರ್ಟ್​​​ಗೆ ಹೋಗಿದ್ದಾಳಾ? ಅವಳನ್ನೇ ಕೇಳ್ತೀನಿ ಇರಿ! ಅಜಯ್​ ರಾವ್​​…Ajay Rao Divorce

ಆದರೆ ಇದು ತುಂಬಾ ದುಬಾರಿ ಕೆಲಸ. ಅಲ್ಲದೇ, ಭಾರತದಲ್ಲಿ ವ್ಯಾಪಾರ ಸರೊಗಸಿ ನಿಷೇಧಿಸಲಾಗಿದೆ. ಚೀನಾದ ಪ್ರಯೋಗ ಯಶಸ್ವಿಯಾದರೆ, ಬಾಡಿಗೆ ತಾಯ್ತನಕ್ಕೆ ಇತರ ಮಹಿಳೆಯರ ಅಗತ್ಯವಿಲ್ಲ. ರೋಬೋಟ್‌ಗಳು ಮಕ್ಕಳನ್ನು ಹೆರುತ್ತವೆ. ರೋಬೋಟ್‌ಗಳು ಮಾನವ ಮಕ್ಕಳನ್ನು ಹೇಗೆ ಹೆರುತ್ತವೆ ಎಂಬುದರಲ್ಲಿ ಯಾವುದೇ ಅನುಮಾನ ಬೇಡ. ಆ ರೋಬೋಟ್‌ಗಳಲ್ಲಿ ಕೃತಕ ಗರ್ಭಾಶಯವನ್ನು ಅಳವಡಿಸಲಾಗುತ್ತದೆ. ಅದರಲ್ಲಿ ಅಂಡಾಣುಗಳು ಬೆಳೆಯುತ್ತದೆ. ಅದು 9 ತಿಂಗಳ ನಂತರ ಮಗುವಿಗೆ ಜನ್ಮ ನೀಡುತ್ತದೆ. ಗರ್ಭದಲ್ಲಿ ಮಗು ಬೆಳೆಯುವವರೆಗೂ ರೋಬೋಟ್ ಟ್ಯೂಬ್ ಮೂಲಕ ಪೋಷಕಾಂಶಗಳನ್ನು ಒದಗಿಸುತ್ತದೆ ಎನ್ನಲಾಗಿದೆ.

ಈ ಗರ್ಭಧಾರಣೆಯ ರೋಬೋಟ್​ಗಳು ಮುಂದಿನ ವರ್ಷ ಮಾರುಕಟ್ಟೆಗೆ ಬರುವ ಸಾಧ್ಯತೆಯಿದೆ. ಆದಾಗ್ಯೂ, ಇವುಗಳ ಬೆಲೆ ಒಂದು ಲಕ್ಷ ಯುವಾನ್. ಅಂದರೆ, ನಮ್ಮ ಭಾರತೀಯ ಕರೆನ್ಸಿಯಲ್ಲಿ ಸುಮಾರು 11 ಲಕ್ಷ ರೂಪಾಯಿ ಇರಲಿದೆ ಎಂದು ವರದಿಯಾಗಿದೆ. (ಏಜೆನ್ಸೀಸ್)

https://www.vijayavani.net/why-do-girls-date-guys-younger-than-them-what-does-the-survey-say