ಎಎಪಿ ಪಕ್ಷದ ಕಚೇರಿಯಲ್ಲಿ ಮುಖ್ಯಮಂತ್ರಿ ಚಂದ್ರು ಹುಟ್ಟುಹಬ್ಬ ಆಚರಣೆ.

ಬೆಂಗಳೂರು: ಆಮ್ ಆದ್ಮಿ ಪಕ್ಷದ ಪ್ರಧಾನ ಕಚೇರಿಯಲ್ಲಿ ಬುಧವಾರ ರಾಜ್ಯಾಧ್ಯಕ್ಷ ಡಾ. ಮುಖ್ಯಮಂತ್ರಿ ಚಂದ್ರು ಅವರು ಕೇಕ್ ಕತ್ತರಿಸುವ ಮೂಲಕ ತನ್ನ 72 ನೇ ವರ್ಷದ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಿಸಿಕೊಂಡರು.

ಮುಂಬರುವ ಎಲ್ಲ ಚುನಾವಣೆಗಳಲ್ಲಿಯೂ ಪಕ್ಷವನ್ನು ಸಂಘಟನಾತ್ಮಕವಾಗಿ, ಸದೃಢವಾಗಿ ಬೆಳೆಸುವ ನಿಟ್ಟಿನಲ್ಲಿ ನಾವೆಲ್ಲರೂ ಶ್ರಮ ಪಟ್ಟು ದುಡಿಯಬೇಕು. ನಾವು ಎಂದಿಗೂ ರಾಜಕಾರಣವನ್ನು ಮಾಡಲು ಬಂದಿಲ್ಲ ರಾಜಕಾರಣವನ್ನು ಬದಲಾಯಿಸಲು ಬಂದಿದ್ದೇವೆ ಎಂದ ಅವರು, ಕೇಜ್ರಿವಾಲ್ ರವರ ಕನಸನ್ನು ಕರ್ನಾಟಕದಲ್ಲಿಯೂ ಸಾಕಾರಗೊಳಿಸಲು ಭ್ರಷ್ಟ ಮುಕ್ತ ಪ್ರಾಮಾಣಿಕರನ್ನು ಮುಂಬರುವ ಚುನಾವಣೆಗಳಲ್ಲಿ ಸ್ಪರ್ಧಿಸಲು ಅವಕಾಶ ನೀಡಬೇಕು ಎಂದು ಪಕ್ಷದ ನಾಯಕರುಗಳು ಹಾಗೂ ಕಾರ್ಯಕರ್ತರ ಸಮ್ಮುಖದಲ್ಲಿ ಅಭಿಪ್ರಾಯಪಟ್ಟರು.

ರಾಷ್ಟ್ರೀಯ ಕಾರ್ಯದರ್ಶಿ ಪೃಥ್ವಿ ರೆಡ್ಡಿ, ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಂಚಿತ್ ಸಹವಾನಿ ಸೇರಿ ರಮೇಶ್ ಬೆಳ್ಳಂಕೊಂಡ, ರುದ್ರಯ್ಯ ನವಲಿ ಮಠ, ಜಗದೀಶ್‌ವಿ ಸದಂ, ದರ್ಶನ್ ಜೈನ್ ,ಗೋಪಾಲ್, ರಂಗಯ್ಯ, ಸುಷ್ಮಾ ವೀರ್, ಪ್ರಕಾಶ್ ನೆಡಂಗಡಿ, ಡಾ. ಸತೀಶ್ ಕುಮಾರ್ ಹಾಗೂ ಅನೇಕ ಮುಖಂಡರುಗಳು ಭಾಗವಹಿಸಿದ್ದರು.