ಬಿರಿಯಾನಿ ಕೇಕ್! ಆಹಾರ ಪ್ರಿಯರೇ Biryani Cake ಟೇಸ್ಟ್​​ ಮಾಡ್ತೀರಾ ನೋಡಿ...

Biryani Cake:   ಕೆಲವೇ ಪದಾರ್ಥಗಳಿಂದ ಉತ್ತಮ ಆಹಾರವನ್ನು ಬೇಯಿಸಿ ಜನರಿಗೆ ಬಡಿಸುವ ಕೌಶಲ್ಯಕ್ಕೆ ಹೆಸರುವಾಸಿಯಾಗಿರುವ ಬಾಣಸಿಗರ ಬಗ್ಗೆ ಕೇಳಿದ್ದೇವೆ, ನೋಡಿದ್ದೇವೆ. ಆದರೆ ಇತ್ತೀಚೆಗೆ ವೈರಲ್​​ ಆಗಿರುವ ವಿಡಿಯೋದಲ್ಲಿ ಬಾಣಸಿಗನೊಬ್ಬ ಉಳಿದ ಬಿರಿಯಾನಿಯಿಂದ ಕೇಕ್ ತಯಾರಿಸುವ ಮೂಲಕ ಜನರನ್ನು ಅಚ್ಚರಿಗೊಳಿಸಿದ್ದಾನೆ.

ಬಿರಿಯಾನಿ ವ್ಯರ್ಥವಾಗುವುದನ್ನು ತಡೆಯಲು ಒಬ್ಬ ಪ್ರಸಿದ್ಧ ಅಡುಗೆಯವರು ಅದನ್ನು ಅದ್ಭುತವಾದ ಕೇಕ್ ಆಗಿ ಪರಿವರ್ತಿಸಿದ ವಿಡಿಯೋ ವೈರಲ್ ಆಗುತ್ತಿದೆ. ಇದು ಜನರಿಗೆ ತುಂಬಾ ಸುಂದರವಾಗಿ ಕಾಣುತ್ತದೆ ಆದರೆ ಇದನ್ನು ಯಾರು ತಿನ್ನುತ್ತಾರೆ ಎಂಬ ಪ್ರಶ್ನೆ ನಿಮಗೂ ಬರುವುದು ಖಂಡಿತಾ ಹೌದು.

ವೀಡಿಯೊದಲ್ಲಿ, ಬಾಣಸಿಗ ಉಳಿದ ಬಿರಿಯಾನಿಯನ್ನು ವಿವಿಧ ಕೇಕ್ ಪದರಗಳಲ್ಲಿ ಹಾಕುವುದನ್ನು ನೀವು ನೋಡಬಹುದು. ಇದಾದ ನಂತರ ಬಿರಿಯಾನಿಯನ್ನು ಕೇಕ್ ಅಚ್ಚಿನಲ್ಲಿ ಒತ್ತಿ, ಅದರ ಮೇಲೆ ಮೊಸರು ಮತ್ತು ಪುದೀನ ಚಟ್ನಿಯನ್ನು ಸೇರಿಸಿ, ಅದರ ಮೇಲೆ ವಿಶೇಷ ಪದರವನ್ನು ತಯಾರಿಸಲಾಗುತ್ತದೆ. ಇದರಿಂದಾಗಿ ಅದು ಕೇಕ್‌ನಂತೆ ಕಾಣುತ್ತದೆ ಮತ್ತು ಅಂತಿಮವಾಗಿ ಬಾಣಸಿಗ ಅದರ ಮೇಲೆ ಮಸಾಲೆಯುಕ್ತ ಮಾಂಸದ ತುಂಡುಗಳನ್ನು ಇರಿಸಿ ಅಲಂಕರಿಸುತ್ತಾನೆ. ಇದರಿಂದಾಗಿ ಈ ಕೇಕ್ ಹೆಚ್ಚು ರುಚಿಕರವಾಗಿ ಕಾಣುತ್ತದೆ.

ಈ ವೀಡಿಯೊವನ್ನು thejoshelkin ಹೆಸರಿನ Instagram ಖಾತೆಯಿಂದ ಹಂಚಿಕೊಳ್ಳಲಾಗಿದೆ. ಇದನ್ನು ಇಲ್ಲಿಯವರೆಗೆ ಲಕ್ಷಾಂತರ ಜನರು ನೋಡಿದ್ದಾರೆ. ಈ ಕೇಕ್ ನೋಡಿ ಬಿರಿಯಾನಿ ಪ್ರಿಯರು ಈ ಖಾದ್ಯವನ್ನು ವಿರೋಧಿಸಬೇಕೋ ಅಥವಾ ಹೊಗಳಬೇಕೋ ಎಂದು ಗೊಂದಲಕ್ಕೊಳಗಾಗಿದ್ದಾರೆ.  ಈ ಬಿರಿಯಾನಿಯ ರುಚಿ ಎಷ್ಟೇ ಇರಲಿ, ನೋಡಲು ಇದು ತುಂಬಾ ಚೆನ್ನಾಗಿ ಕಾಣುತ್ತದೆ ಎಂದು ಎಂದು ನೆಟ್ಟಿಗರು ಕಾಮೆಂಟ್​ ಮಾಡುತ್ತಿದ್ದಾರೆ. ಈ ವಿಡಿಯೋದಲ್ಲಿ ಸೆರೆಯಾದ ದೃಶ್ಯ ಎಲ್ಲಿಯದ್ದು ಎನ್ನುವ ಬಗ್ಗೆ ಯಾವುದೇ  ಮಾಹಿತಿ ಇಲ್ಲ.

https://www.vijayavani.net/alappuzha-youth-dies-as-mobile-phone-explodes-after-being-struck-by-lightning