ಗೆಳೆಯನಿಂದ 18 ಲಕ್ಷ ರೂಪಾಯಿ ಧೋಖಾ: ಕಂಪನಿ ತೆರೆಯುವ ನೆಪದಲ್ಲಿ ಕೃತ್ಯ

ಬೆಂಗಳೂರು: ಭಾರತದಲ್ಲಿ ಹೊಸ ಕಂಪನಿ ಸ್ಥಾಪಿಸುವ ನೆಪದಲ್ಲಿ ವ್ಯಕ್ತಿಯೊಬ್ಬರಿಂದ 18 ಲಕ್ಷ ರೂ. ಪಡೆದು ಫೇಸ್​ಬುಕ್ ಗೆಳೆಯ ಮೋಸ ಮಾಡಿದ್ದಾನೆ. ಇಂದಿರಾನಗರದ ಲಕ್ಷ್ಮೀಪುರದ 32 ವರ್ಷದ ವ್ಯಕ್ತಿ ವಂಚನೆಗೆ ಒಳಗಾದವ. ಫೇಸ್​ಬುಕ್ ಗೆಳೆಯ ಜೋಸೆಫ್ ಎಂಬಾತನ ವಿರುದ್ಧ ಎಫ್​ಐಆರ್ ದಾಖಲಿಸಿರುವುದಾಗಿ ಹಲಸೂರು ಪೊಲೀಸರು ತಿಳಿಸಿದ್ದಾರೆ.

2 ವರ್ಷಗಳ ಹಿಂದೆ ಫೇಸ್​ಬುಕ್​ನಲ್ಲಿ ಪರಿಚಯ ವಾಗಿದ್ದ ಆರೋಪಿ ಜೋಸೆಫ್, ತಾನು ಇಂಗ್ಲೆಂಡ್​ನಲ್ಲಿ ನೆಲೆಸಿದ್ದು, ಗಾಶ್​ಪೆಲ್ ಮಿನಿಸ್ಟ್ರೀ ಪ್ರಾಜೆಕ್ಟ್ ನಡೆಸುತ್ತಿದ್ದೇನೆ. ಭಾರತದಲ್ಲಿಯೂ ಶುರು ಮಾಡಬೇಕು. ಅದಕ್ಕಾಗಿ ನಿಮ್ಮ ಸಹಕಾರ ಬೇಕೆಂದು ಹೇಳಿದ್ದ. ಇದಾದ ಕೆಲವು ದಿನಗಳ ಬಳಿಕ ಭಾರತೀಯ ರಿಸರ್ವ್ ಬ್ಯಾಂಕ್​ಗೆ 17.96 ಲಕ್ಷ ರೂ. ಜಮೆ ಮಾಡಿದ್ದೇನೆ. ಈ ಹಣ ಡ್ರಾ ಮಾಡಿಕೊಳ್ಳಲು ಆರ್​ಬಿಐ ಕಡೆಯಿಂದ ಎಟಿಎಂ ಕಾರ್ಡ್ ಪಡೆಯಬೇಕು. ಅದಕ್ಕಾಗಿ ಮೊದಲು ನೀವು ಆರ್​ಬಿಐಗೆ ಹಣ ಪಾವತಿ ಮಾಡುವಂತೆ ಜೋಸೆಫ್ ಹೇಳಿದ್ದಾನೆ.

ಇದನ್ನೂ ಓದಿ: ಚೀನಾದ ಫೇಕ್​ಸ್ಕೈ ಅಟ್ಯಾಕ್​ನ ಟಾರ್ಗೆಟ್ ನೀವೂ ಆಗಿರಬಹುದು- ಹುಷಾರಾಗಿರಿ!

ಅದನ್ನು ನಂಬಿದ ದೂರುದಾರ, ವಂಚಕ ಕೊಟ್ಟ ಬ್ಯಾಂಕ್ ಖಾತೆಗೆ 17.96 ಲಕ್ಷ ರೂ. ಜಮೆ ಮಾಡಿದ್ದಾರೆ. ಇದಾದ ಮೇಲೆ ಜೋಸೆಫ್ ಸಂಪರ್ಕವನ್ನು ಕಡಿತ ಮಾಡಿಕೊಂಡಿದ್ದಾನೆ. ಆರೋಪಿ ಸಂಪರ್ಕಕ್ಕೆ ಸಿಗದ ಹಿನ್ನೆಲೆಯಲ್ಲಿ ವ್ಯಕ್ತಿ ಠಾಣೆಗೆ ದೂರು ನೀಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

https://www.vijayavani.net/pvt-hospitals-dont-have-rights-to-take-more-fees-for-covid-treatment-says-minister/